Hibru 11:3 - Aria New Testament

³ E aitno lite dagar e iteile omur langane. Ke oglou Ida Tapolngon wai vala deka wan ka pula keniye tipolou. Deka wan ka pula keniye ka itakaranga itavati Ida Tapolngon due isak tipolou ke wan ka itakaranga itavati kovok.

Hibru 11:3 ပူးပေါင်းရင်းမြစ်များ

Jon 1:3

Ida Tapolngon due gute tonari ma iye tapol wan ka pula keniye ka tidong. E wan gesa polou ke ekreng silang kovok. Aurou.

Aposel 14:15

“Osep umoklingen. Umodue elio ane batne lange? Imi ane imi osep eriar langka umu. Eknikane imapaur omon itau ke umu ma umopul dogur ke lumu wan adai ane e aitno lumu la dagar ke Ida Tapolngon ka Tapolngon ka ila mosongon dong ke iye. Oglou ari kodong iye due omur ka egim e omur ka pula keniye e misuon. Iye due wan bitna bitna keniye ka tidong ine.

Aposel 17:24

“Ida Tapolngon ka tapol taklak ka pula keniye e wan bitna bitna ka tidong ine iye tona omur ka egim e omur ka moli Inarak Puda. E iye dong ke ninu gesa ka osep tiurie kovok.

Pas ka Pol sogoe uti la ke osep Rom ina 4:17

Oglou Moses sogo Ida Tapolngon ila pelengon palma ka la ke Abraham. Iye sogo oglou Ida Tapolngon wai dagar ke Abraham langane. “Ma ngadue wom ompolou osep pula pula pmarak.” Ida Tapolngon ila promis pelengon lokono vala. Alo ari Abraham klingen ine e lokono aitno la dagar ke iye. Aitno dagar ke Ida Tapolngon ka karanga due osep ka timete kodong ma tipoga titito ke inarak denga. Aitno dagar ke Ida Tapolngon ka karanga wai deka wan ka oglou dong kovok ma polou.

1 Korin 2:7

Imanapapra pelengon itau e Ida Tapolngon ila ilengen itau ka oglou iye kukwope ke osep ke umu. Alo ka Ida Tapolngon dau tapol taklak kovok iye ile kodong e iye rere oklou ka ma iye due umu umodong kap iye ke omur heven.

1 Timoti 4:5

Ida Tapolngon ila pelengon due ngangon ka pula keniye polou itau lokono. Deka ma itawai itau ke iye e itakakai angaine ine.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

Hibru 6:5

E tiklingen Ida Tapolngon ila pelengon leklou e tile pelengon tonari iye pelengon itau. E tile ke Ida Tapolngon ila arit ka ma iye plau osep ine.

2 Pita 3:5

E osep ka tiwai langane amtarsak uli ke wan ane. Oglou oglou ari Ida Tapolngon wai deka sirva e taklak tipolou. E Ida Tapolngon due taklak polou airavu ke aki.

Pelengon kukwopngon 4:11

“Ipem Puda wom Ipem Tapolngon. Wom tona omdong ke egim lokono deka imakakai angain wom tito la egim lokono. E imodue anit ke wom ka lem arit ombatno. Kesua omdue wan ka pula keniye e ke wom tona aitno lugom omdue wan ka pula keniye polou. Deka eknikane wan tonari ka pula keniye tidong.”