Hibru 11:16 - Aria New Testament

¹⁶ E tidue langane kovok. Aurou. Tikrim ke omur ka mole urok omur oglou ina. Tikrim ke omur heven. Deka tiwai ke Ida Tapolngon langane. “Wom Ipem Tapolngon.” E Ida Tapolngon mnak iye ke urok pelengon tonari kovok e iye rere armok ma tidong ine.

Hibru 11:16 ပူးပေါင်းရင်းမြစ်များ

Matyu 25:34

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Mak 12:26

E ke elio ka osep ka timete kodong tipoga titito ke inarak denga ma ngapmi umu ine langane. Umeritim pelengon ka oglou Moses sogo ine koke aurou? Oglou Moses sogo pelengon gesa ka la ke alo ka iye vati akai tetna gesa ka eiou neliplip ine. Iye sogo alo ari Ida Tapolngon wai ke iye langane. ‘Ngong Upu Tapolngon ka Abraham e Aisak e Jekop tilotuim ngong.’

Mak 8:38

Eknikane osep ka pula keniye ka tidong ke taklak ane tidong tidar Ida Tapolngon ila pelengon dagar e tipul dogur ke iye. Langka gute gesa mnak iye ke ngong e ke lou pelengon io mase ma ngong mnak ngong ke iye. Alo ka ngong ka Gute Ka Polou Langka Osep ngabauluk ke taklak blang kap Livou ila bublongon e ila ensel ka itau ma ngong mnak ngong ke gute tonari.”

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Luk 20:37

Silang blang langane. Ke basikngen ke akai ka neliplip e dau eiou ngene kovok Moses nis ite langane. Osep ka timete ma tipoga titito ke inarak denga blang. Kesua iye sir Ida Puda langane. Iye Ida Tapolngon ka Abraham e Aisak e Jekop tilotuim iye.

Jon 14:2

Eliang pula tidong ke Livou ila ninu ke omur heven. E ngala are ma ngakere omur ka ma umodong ine. Langka langane kovok ma ngakaranga ngapalongo lumu ine kovok.

Aposel 7:32

‘Ngong lem seia Inarak Tapolngon. Ngong Abraham e Aisak e Jekop Inarak Tapolngon.’ Moses klingen ila pelengon deka iye nakarkar omba e waiki bitna vati omur kovok kesua iye lim ke iye.

Filipai 3:20

E ite osep ka omur heven ina e itodong itapara ke alo ka Ida Luangan ka Ida Puda Yesus Krais songon omur heven e duru me due ite.

2 Timoti 4:18

E Ida Puda ma lua ngong ke elio soulu ka osep tiwaiki tidue ke ngong. E mase ma iye paur ngong ke omur heven ka iye plaue. Ma itakakai Ida Puda angaine tito la egim dong vala dong.

Hibru 10:34

E alo ka osep tidue lumu saten tisep ke kalabus deka aitno lumu langka umodong ke kalabus kap isak. E alo ka osep tipi lumu wan deka aitno lumu epen ine kesua umeile lumu wan ka mole wan tonari dong para ke umu ke omur heven.

Hibru 11:10

Alo ari Abraham dong e para ke mase alo ka iye dong ke armok ka Ida Tapolngon urie ke omur heven ka dong vala dong.

Hibru 11:14

Alo ka osep tiwai langane iteile omur tikrim omur ka isak tona urok omur.

Hibru 11:40

Kesua oglou kodong Ida Tapolngon aitno mter ma iye due elio ka itau lokono ke ite ka pula keniye. Deka iye waiki isak timgo ke ite kovok. Aurou. Iye waiki ite ka pula keniye itopolou itau lokono ke aling kene vala.

Hibru 12:22

E umopolou ke gigri langare kovok. Umopolou ke gigri Saion e ke armok Jerusalem ka dong ke omur heven ka Ida Tapolngon dong ine. E ensel pula pula lokono tidong ine e aitno lisak neser omba.

Hibru 13:14

E iteile omur langane. Ke taklak ane udo armok dong ka dong vala dong kovok e itapara ke armok ka mase ma polou.

Hibru 2:11

Deka Yesus ka iye gute ka due osep tipolou itau lokono ke Ida Tapolngon bitna e osep tonari Pmarak kene vala. Iye Ida Tapolngon. Deka Yesus mnak iye ma iye sir osep tonari iye sisrok kovok. Aurou.

Pelengon kukwopngon 21:2

Deka ngavati Ida Tapolngon ila armok ka Jerusalem oku ina ka itau lokono songon omur heven e duru me ke taklak. Armok tonari iye langka apmang ka kere ina baresngen bitna bitna ma iye la gi ila boget.