Hibru 11:13 - Aria New Testament

¹³ Osep tonari aitno lisak dagar ke Ida Tapolngon la lama timete e dau aitno lisak dagar ke Ida Tapolngon. E ari tidue wan bitna bitna ka Ida Tapolngon wai dagar ine kovok. Isak langka tivati wan ka dong mawa e tidue kovok. E tiwai langane. “Imodong ke osep silang urok omur e imodong langka imi osep kaulei.”

Hibru 11:13 ပူးပေါင်းရင်းမြစ်များ

Matyu 13:17

E ngawai lokono ke umu langane. Oglou osep napaprangan ina pula e osep pula ka urok mosongon itau e osuk tiwaiki tivati wan ka umavati e tivati kovok. E tiwaiki tiklingen wan ka umoklingen e tiklingen ine kovok.”

Jon 12:41

Aisaia wai langane kesua iye vati Yesus ila arit ka omba e ila bublongon deka iye wai ine.

Jon 8:56

Pmomu Abraham aitno neser alo ka aitno mter ma iye vati taim ka ngame. Iye vatie e aitno neser ine.”

Pas ka Pol sogoe uti la ke osep Rom ina 4:21

Abraham aitno dagar lokono mase Ida Tapolngon ila promis tonari ma polou lokono.

Pas ka Pol sogoe uti la ke osep Rom ina 8:24

Aitno lite la dagar ke Ida Tapolngon deka iye lua ite. E aitno lite dagar ma iye due pampamu lite tipolou itau lokono. E iye due pampamu lite tipolou itau lokono dau kovok. E dau itapara ine.

2 Korin 4:18

Aitno lite mter ke wan ka amtada karanga vati ke taklak ane kovok. Aurou. Aitno lite mter ke wan ka omur heven ina ka amtada karanga vati kovok. Kesua wan ka itakaranga itavati isak wan ka tidong sasi boto vala e wan ka itakaranga itavati kovok isak wan ka tidong vala tidong.

2 Korin 5:6

Aitno lite mter langare e aling aling elio tonari due aitno lite dagar. Kesua iteile alo ka itodong ke pampamu lite ke taklak ane itodong kap Ida Puda ke ila omur kovok.

Efesus 2:19

E Ida Tapolngon vati umu langka osep kaulei e langka osua silang kovok. Aurou. Lumu osua Ida Tapolngon ila osua vala e umeneklep ke Ida Tapolngon ila osep kodong.

Hibru 11:14

Alo ka osep tiwai langane iteile omur tikrim omur ka isak tona urok omur.

Hibru 11:17

Ke oglou Ida Tapolngon wai dagar ke Abraham langane. “Lem napakngan ma tipolou pula pula lokono batne ke etim arang Aisak.” Ida Tapolngon wai dagar ke Abraham langane e mase iye tok Abraham e wai ke iye langane. “Omdue elio opmu ina ke etim arang Aisak.” Abraham aitno dagar ke Ida Tapolngon e iye redi ma iye due elio opmu ina ke Aisak.

Hibru 11:27

Moses aitno dagar ke Ida Tapolngon deka iye songon omur Isip la. E iye ulou ke gute ka vri mgo ke omur Isip ka aitno engil ke iye kovok. E langane. Itosep itakaranga itavati Ida Tapolngon kovok e dau Moses dong dagar langka iye karanga vati iye.

Hibru 11:39

Osep ka pula keniye tonari aitno lisak dagar ke Ida Tapolngon e aitno itau ke isak. E dau alo ka tidong ke taklak tikis e tidue wan ka Ida Tapolngon wai dagar ine kovok.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.

1 Pita 1:17

Alo ka umawai itau ke Ida Tapolngon umesir iye Pmada. E Ida Tapolngon didi elio kene vala e wade ite kente kente udo elio isuk isuk ka itodue. Deka alo ka umu dau umodong ke taklak ane umodong langka osep kaulei e umodue anit ke Ida Tapolngon ke wan ka pula keniye ka umodue.

1 Pita 2:11

Sipmi ka ngong lana ngong ke umu. Umodong ke taklak ane langka osep kaulei e langka osep ka tilila ke omur omur deka ngawai dagar ke umu ma umopul dogur ke elio soulu ka pampamu lumu waiki umodue. Kesua aling aling elio soulu waiki mole umu.

1 Jon 3:19

Langka ite lana ite ke sudo deka iteile omur ite Ida Tapolngon ila osep lokono. Iteile itodong itau ke Ida Tapolngon bitna deka aitno lite mtong ine.