Hibru 11:10 - Aria New Testament

¹⁰ Alo ari Abraham dong e para ke mase alo ka iye dong ke armok ka Ida Tapolngon urie ke omur heven ka dong vala dong.

Hibru 11:10 ပူးပေါင်းရင်းမြစ်များ

Jon 14:2

Eliang pula tidong ke Livou ila ninu ke omur heven. E ngala are ma ngakere omur ka ma umodong ine. Langka langane kovok ma ngakaranga ngapalongo lumu ine kovok.

2 Korin 5:1

Iteile pampamu lite langka ninu molo ina. Langka ninu tonari polou yagos Ida Tapolngon ma kere ninu oku ina ke ite ka osep tiurie kovok. Ninu oku ina tonari dong vala dong ke omur heven.

Filipai 3:20

E ite osep ka omur heven ina e itodong itapara ke alo ka Ida Luangan ka Ida Puda Yesus Krais songon omur heven e duru me due ite.

Hibru 11:16

E tidue langane kovok. Aurou. Tikrim ke omur ka mole urok omur oglou ina. Tikrim ke omur heven. Deka tiwai ke Ida Tapolngon langane. “Wom Ipem Tapolngon.” E Ida Tapolngon mnak iye ke urok pelengon tonari kovok e iye rere armok ma tidong ine.

Hibru 12:22

E umopolou ke gigri langare kovok. Umopolou ke gigri Saion e ke armok Jerusalem ka dong ke omur heven ka Ida Tapolngon dong ine. E ensel pula pula lokono tidong ine e aitno lisak neser omba.

Hibru 12:28

Deka langane. Mase ma itodong ke omur ka Ida Tapolngon plaue e omur tonari karanga nemilmil kovok. Deka ma itawai tenkyu ke Ida Tapolngon e itolotuim iye ke elio ka aitno itau ine. Ma itodue anit ke iye e iteini iye.

Hibru 13:14

E iteile omur langane. Ke taklak ane udo armok dong ka dong vala dong kovok e itapara ke armok ka mase ma polou.

Hibru 3:4

Iteile ninu ka pula keniye tidong kesua batne osep tiuri isak. E Ida Tapolngon tapol wan ka pula keniye.

Pelengon kukwopngon 21:2

Deka ngavati Ida Tapolngon ila armok ka Jerusalem oku ina ka itau lokono songon omur heven e duru me ke taklak. Armok tonari iye langka apmang ka kere ina baresngen bitna bitna ma iye la gi ila boget.