Hibru 10:36 - Aria New Testament

³⁶ Ma umodong dagar e umedidi Ida Tapolngon aitno ke wan bitna bitna ka iye waiki umodue. Umodue langane deka Ida Tapolngon ma kar umu wan bitna bitna ka iye wai dagar ine kodong.

Hibru 10:36 ပူးပေါင်းရင်းမြစ်များ

Matyu 10:22

E ma osep aitno lisak engil lokono ke umu batne aitno lumu dagar ke ngong. E langka aitno lumu dagar la lama wan ka pula keniye yagos ma Ida Tapolngon lua umu.

Matyu 12:50

Gute gesa ka ini Livou ka dong ke omur heven iye ngau aiver koke luku koke nina.”

Matyu 21:31

Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu.

Matyu 24:13

E gute gesa ka aitno dong dagar la lama wan yagos ma Ida Tapolngon lua iye.

Matyu 7:21

“Aitno lumu mter langane kovok. Osep keniye ka tisir ngong Ipem Puda ma tisep ke omur heven ka Ida Tapolngon plaue. Aurou. Osep ka tini Livou ka dong ke omur heven vala ma tisepe.

Mak 3:35

Gute sei ka didi Ida Tapolngon aitno iye ngau aiver e luku e nina.”

Luk 21:19

E langka umodong dagar ke aitno lumu ila dagar ma umodue lumu mosongon ka dong vala dong.”

Luk 8:15

E londo ka tiduru timunu ke taklak itau isak langka osep ka tiklingen omon itau e tikise dagar. E aitno lisak mter osuk e itau e tivri dagar e anino itau.”

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Aposel 13:22

Sol vri mgo ke isak tobor isapanal deka Ida Tapolngon pli iye e rere Devit ma iye kasip Sol amune. Ida Tapolngon wai ke Devit ila elio isuk isuk langane. ‘Devit ka Jesi otno arang iye lana iye omba lokono ke ngong e didi aitno kovok. E iye didi aitno lungong vala.’

Pas ka Pol sogoe uti la ke osep Rom ina 12:12

Umapara ke Ida Puda ma iye lua umu ke wan bitna bitna e ma aitno lumu itau lokono ine. E langka elio soulu polou ke umu ma umevri dagar ine. E aling aling ma umawai itau ke Ida Tapolngon.

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

Pas ka Pol sogoe uti la ke osep Rom ina 8:25

E eknikane itapara ke alo ka Ida Tapolngon due pampamu lite tipolou itau. Itodong itapara ine e aitno lite kro ine kovok.

1 Korin 13:7

Gute ka lana iye ke osep leklou io wan gesa karanga mole iye kovok. Aling aling aitno dagar ke Ida Tapolngon e iye para ma elio itau polou ke iye. E alo ka elio polou ka opru iye ma iye vri dagar ine.

Galesia 6:9

Deka ite ma itodue elio itau e tarna lite meingen ine kovok. Langka itoboko engil deka alo ka ngangon anino ma itodue ngangon itau lokono.

Efesus 6:6

Umoboko engil ke upu gute ila bokongon aling ka pula keniye. Umoboko engil lama iye karanga vati umu koke iye karanga vati umu kovok. Umodue elio langane kesua umu Krais ila osep bokongon ina. Deka umoboko engil ke upu gute ila bokongon eriar langka Ida Tapolngon waiki umodue.

Kolosi 1:11

E imorwo imawai itau langane. Alo ka umanamani ke elio ka opru umu imawaiki Ida Tapolngon ila arit omba ka itau lokono lua umu ma umevri dagar ine. E ma aitno lumu dong epen e ma umodong umapara ke alo ka elio ka opru umu polou yagos. E ma aitno lumu itau e aitno lumu neser ine.

Kolosi 3:24

Umodue lumu bokongon itau kesua umeile omur umodue Upu Puda Krais ila bokongon. Deka ma iye kar kerengen ke umu ka iye wai ine kodong.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

Hibru 11:39

Osep ka pula keniye tonari aitno lisak dagar ke Ida Tapolngon e aitno itau ke isak. E dau alo ka tidong ke taklak tikis e tidue wan ka Ida Tapolngon wai dagar ine kovok.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

Hibru 6:12

E imawaiki umodue ropo ke lumu bokongon kovok. Imawaiki umakana osep ka aitno lisak ila dagar dong dagar e tipara ke wan itau. Kesua imawaiki umodue wan ka Ida Tapolngon wai dagar ma iye kare ke osep.

Hibru 6:15

E Abraham dong para e kerker kovok e ile mase ma iye due wan ka Ida Tapolngon wai promis ine.

Hibru 6:17

Ida Tapolngon waiki ma Abraham ila napakngan tile omur ila pelengon dagar a segesege kovok. Deka iye wai promis e sir iye tona angaine.

Hibru 9:15

Krais loulou ke ite deka iye due Ida Tapolngon ila kontrak oku ina polou kesua Ida Tapolngon waiki osep ka iye rere isak ila osep tidue wan ka iye wai dagar ma tidue e wan tonari dong vala dong. Yesus ina marau e ina metengen kli urok elio epmes ina bitna bitna ka tidue alo ka oglou tididi Moses ila sogongon.

1 Pita 1:9

Aitno lumu neser langane kesua umeile Ida Tapolngon lua umu ke lumu elio epmes ina. Ke batne langane aitno lumu la dagar ke Krais.

1 Jon 2:17

Mase taklak ane e wan ka pula keniye ka taklak ina ma tipolou yagos. E gute ka didi Ida Tapolngon aitno ma dong vala dong.

Pelengon kukwopngon 13:10

Langka Ida Tapolngon rere gute gesa ma iye la ke kalabus deka ma iye la ke kalabus e langka iye rere gute gesa ma osep tiblou iye ke elil omba deka ma tiblou iye ke elil omba. Alo ka elio tonari polou Ida Tapolngon ila osep ma tidong dagar e tikis dagar ke aitno lisak ila dagar.

Pelengon kukwopngon 14:12

Alo ka elio ane polou Ida Tapolngon waiki ila osep tidong dagar ine. E tini Ida Tapolngon ila pelengon dagar e aitno lisak la dagar ke Yesus e tididi iye.