Hibru 10:25 - Aria New Testament

²⁵ E aling aling itoduni pulu e itosongon elio tonari langka osep leklou tidue kovok. Iteile oklou ka Ida Puda ma iding me isuk boto polou deka itoboko engil ma itodue osep aitno lisak ila dagar dong dagar.

Hibru 10:25 ပူးပေါင်းရင်းမြစ်များ

Matyu 10:15

Ngawai lokono ke umu. Ke oklou ka Ida Tapolngon wade osep ka pula keniye ine armok tonari ila ulesngen ma mole armok orwo Sodom e Gomora urok ules-ngen.”

Matyu 18:20

Kesua alo ka osep orwo eklu langane tiduni pulu ke angain ngong ma ngadong airavu ke isak.”

Jon 12:48

Wan dong ka ma wade gute ka pli ngong e didi lou pelengon kovok. Lou pelengon ka ngawai ine ma wade gute are ke oklou ka wan ka pula keniye yagos ine.

Aposel 16:16

Ari ke oklou gesa imala ma imopolou ke omur ka osep tiwai itau ke Ida Tapolngon ine. E apmang gesa ka iye wokmeri nating polou ke imi. Angelo soulu gesa dong ke apmang ane e due wai ke elio bitna bitna ka ma tipolou e osep pula tikli iye ine. Deka ina puda tidue mani pula ine.

Aposel 2:1

Alo ari oklou ka tipou rogo omba ka tisire Pentikos polou. Deka Yesus ila disaipel tiduni pulu ke ninu kene e tipara ke Ano Itau.

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Aposel 20:7

E ke Sande imoduni pulu kesua imawaiki imodue elio komunio ina. Ari Pol napapra osep pula. Iye nogrum wai ila pelengon e dong tauni ine la lama epmes airavu kesua oklou silang iye waiki songon isak e la.

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

1 Korin 11:20

Deka alo ka umoduni pulu e umangen ngangon io ngangon tonari ka umangene ane langka Ida Tapolngon ina ngangon lokono kovok.

1 Korin 14:23

Deka langka osep ka pula keniye tiduni pulu ke duningen e umu ka pula keniye umawai tokples bitna bitna ka osep tile ine kovok deka osep leklou ka aitno lisak dagar ke Yesus kovok tisep ma tiwai langane. “Umu manga manga.”

1 Korin 14:3

E osep ka tinapapra Ida Tapolngon ila pelengon ma urok pelengon due osep aitno lisak dagar lokono e sruk aitno lisak ma tidue elio itau e due aitno lisak itau.

1 Korin 3:13

Mase bokongon ka osep ka pula keniye tidue ma tipolou malak ke oklou ka Ida Tapolngon ma wade osep ka pula keniye ine. Oklou tonari ma polou langka eiou e Ida Tapolngon ma tok osep ka pula keniye kensak kensak urok bokongon ine ma tile urok bokongon itau koke soulu.

Filipai 4:5

Umodue elio molil molil ke osep ka pula keniye ma tivati lumu elio itau kesua isuk boto Ida Puda ma iding me.

1 Tesalonaika 4:18

Deka ngawai langane. Sipmi. Umawai pulu ke pelengon ane ma due aitno lumu dong dagar ine e aitno lumu kro kovok.

1 Tesalonaika 5:11

E umawai pelengon itau pulu ka due aitno lumu dong dagar e umolua pulu ine. Eriar langka eknikane umodue.

Hibru 10:24

E ma aitno lite mter ke elio ka ma itakaranga itosruk aitno lite ma ite lana ite pulu e itodue elio itau pulu.

Hibru 10:37

Oglou osep tisogo Ida Tapolngon pelengon ka wai langane. “Isuk boto ma gute me langka oglou iye wai ke osep ine. Iye me e suvu kovok.

Hibru 13:22

Sipmi. Ngawaiki umo-klingen lou pelengon ka ngasogoe. Kesua ngawaiki ngadue aitno lumu dong dagar e pas ane bolbolo vala.

Hibru 3:13

E alo ka umesir oklou kene kene “eknikane” aling aling umosruk aitno lumu pulu ke elio itau. Umodue langane lama gute gesa airavu ke umu pono aitno e elio epmes ina yak iye.

Jems 5:8

E umu blang umapara e umevri dagar alo ka wan polou ka opru umu. Kesua oklou ka Ida Puda ma iding me isuk boto polou.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

2 Pita 3:11

Ngawaiki aitno lumu mter itau. Mase wan tonari ma polou yagos e oku ane umu kenmu kenmu umodue elio isuk isuk ka lange? Ma umodue elio isuk isuk ka itau ka Ida Tapolngon aitno itau ine.

2 Pita 3:14

Sipmi. Ngong lana ngong ke umu e ngawai langane. Umapara ke alo ka wan tonari polou deka umu arit umu ma umodue elio itau vala ma umodong itau ke Ida Tapolngon bitna. E aitno lumu dong epen kap iye.

2 Pita 3:9

E osep leklou tiwai langane. “Ida Puda dong tauni e didi ila promis molil molil vala.” E langane kovok. Aitno omba ke umu e dong para ma osep tibauluk aitno lisak ke urok elio epmes ina. Kesua iye waiki gute kene gesa mete ke ila elio epmes ina kovok.

Pas ka Jut sogoe 1:19

E tiwaiki tidue umu ka Ida Tapolngon ila osep ma umadardar. Tididi osep taklak ina aitno lisak vala e Ano Itau dong ke aitno lisak kovok.