Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibru 10:22 - Aria New Testament

22 E iye ris aitno lite ke ina marau ma elio soulu vri ke ite kovok. Ane langka iye ris pampamu lite ke aki ka wan sasi dong ine kovok. Deka aitno lite kene ke Ida Tapolngon e aitno lite ila dagar dong dagar e itopolou olwo boto ke Ida Tapolngon.

အခန်းကိုကြည့်ပါ။ ကော်ပီ




Hibru 10:22
66 ပူးပေါင်းရင်းမြစ်များ  

“E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.


Osep pula tinogrum ma tisogo basikngen ke elio omba ka polou airavu ke imi.


E Yesus koli wai langane. “Ngawai ke wom lokono langane. Langka gute polou oku ke aki e ke Ano Itau kovok iye karanga sep ke omur ka Ida Tapolngon plaue kovok.


Alo ka osep tiklingen Yesus ila pelengon isak kensak kensak kla. E osep namormor isak kla mgo deka osep leklou isak kla blang la lama Yesus vala dong e apmang dau vri are.


E omdong ane batne lange? Emtito itala e omdue elio paunimngen ina. Emsir Yesus angaine ma iye tona lua wom ke lem elio epmes ina e ma iye due noklok la.’”


Eknikane emneklep ke imi e omdong ke limem bokongon ane kovok. Ida Tapolngon vati aitno lugom e ile aitno lugom dau orwo ke iye.


Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.


Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.


Iteneklep ke Krais kesua aitno lite dagar ke iye. Deka itakaranga itawai itau ke Ida Tapolngon e itoulou tarna lite ine kovok. E iteile omur iye klingen udo pelengon kesua batne aitno lite dagar ke Krais.


Krais pli tarna e kasip amunte. Deka eriar langka iteris pampamu lite ma tipolou eip Krais waiki ris aitno lite ke ila pelengon ma aitno lite tipolou itau lokono. Krais ris ite ka ila osep ke ila pelengon kesua iye waiki due ite itopolou itau lokono ke iye tona bitna.


Umu ka wokboi nating umoboko lumu bokongon ke elio langane. Umeini upu gute ka plau umu ila pelengon. Umodue anit ke iye e umedidi ila pelengon lokono. Aitno lumu mter ke wan langka upu gute aitno mter ine e umoboko ke ila bokongon eriar langka umoboko ke Krais ila bokongon.


Osep yak-ngan ina tiwai pelengon tonari ke osep. E tile ke elio itau e elio soulu kovok e tinamani urok elio soulu kovok.


Deka iye lua ite ke udo elio epmes ina. E aitno mter ke elio itau ka itodue e iye lua ite ke udo elio epmes ina kovok. Aurou. Iye tona aitno due ite deka iye lua ite ke udo elio epmes ina. Iye langka ris ite deka itopolou langka mimi edimor. Deka Ano Itau kar ite udo mosongon ka oku ina.


Moses ila sogongon nisngen vala ke wan itau ka mase ma polou e iye wan itau tonari kovok. Aurou. Iye nisngen vala. Langka osep tididi Moses ila sogongon deka tidue elio opmu ina ke tobor aling aling. E ke batne langane Moses ila sogongon karanga due osep ka kla ke Ida Tapolngon ila ninu tidong itau ke Ida Tapolngon bitna kovok.


Sipmi. Ngawai ke umu langane. Yesus ina marau kli udo elio epmes ina kodong. Deka ita-karanga itesep ke Ida Tapolngon ila ninu molo ina ila Eliang Ka Itau Lokono.


Moses aitno dagar ke Ida Tapolngon deka iye mter sipsip ke oklou ka Ida Tapolngon wai tidue elio langane ine. E tisak sipsip inarak marau ke urok ninu ina ekreng bitna ina kisngen. Tidue langane ma Ida Tapolngon ila ensel ka ma mluk osep Isip ina inarak sirngen sirngen ma mluk osep Israel ina inarak sirngen sirngen kovok.


Umopolou ke Yesus ka loulou ke ite ke Ida Tapolngon ila kontrak oku ina. E umopolou ke Yesus ina marau ka baser polou e kli udo elio epmes ina e lua ite. Yesus ina marau nisngen omba e mole Abel ina marau.


Deka ma itopolou olwo boto ke Ida Tapolngon ka makai ite e itoulou ke iye kovok. Ma aitno due ite e ila makaingan polou ke ite e lua ite alo ka elio bitna bitna polou ka opru ite.


Imawaiki umu kenmu kenmu umodue elio itau langane. Imawaiki umodue Ida Tapolngon ila bokongon itau e umapara ke wan ka itau ka mase ma polou.


E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.


E wan tonari la ke ngangon ka itakaranga itangen e ke aki ka itakaranga iteinim e ke elio bitna bitna ka osep tidue ma tidong itau e eip ke Ida Tapolngon bitna. Isak wan ke tarna lite vala e dong la lama iding ke wan oku polou.


Oglou Moses wai ila sogongon keniye ke osep Israel ina. Deka iye due marau ke bulmakau e meme ka tidue elio opmu ina ine e iye bulie kap aki. Deka iye due akai ka angaine hisop tetna e pou sipsip tarna elilo ka edimor ine. Deka iye due tetna tonari sep ke marau e iye ser marau ke ila sogongon e ke osep ka pula keniye.


E gute ka waiki due ilengen aitno dagar ma Ida Tapolngon kar iye ilengen e aitno orwo ine sakam. Kesua gute ka aitno orwo iye langka misuon ina boitini ka engen ipue nokul nokul.


Umala olwo boto ke Ida Tapolngon e ma iye polou olwo boto ke umu. Umu ka umodue elio epmes ina umosongon lumu elio epmes ina langka gute ka grong limla. E umu ka aitno lumu orwo ke Ida Tapolngon aitno lumu mter ke elio itau vala.


Oglou ari Ida Tapolngon ka Pmada ile umu kodong e rere umu ila osep e Ano Itau lua umu ma umodong itau lokono ke Ida Tapolngon bitna. Iye due langane ma umeini Yesus Krais ka ina marau baser e kli lumu elio epmes ina. Ngawaiki Ida Tapolngon ila makaingan e elio ka iye due aitno lumu dong epen bon ke aitno lumu.


Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.


E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ