Hibru 10:10 - Aria New Testament10 Yesus Krais didi Ida Tapolngon aitno deka pli tarna e mete langka iye wan ka osep tidue elio opmu ina ine. Iye due langane aling kene vala e Ida Tapolngon klok udo elio epmes ina la deka itopolou Ida Tapolngon ila osep batne ke iye. အခန်းကိုကြည့်ပါ။ |
Krais lana iye ke ite omba deka iye mana ke ina akai e mete ine. Iye pli tarna e polou langka sipsip gesa ka osep tidue elio opmu ina ine deka iye mete. Deka ina metengen e ina marau bakop Ida Tapolngon aitno e aitno itau ine. Deka umu lana umu ke osep eriar langka Krais lana iye ke umu. Ma lumu elio tonari langka amnangan itau lokono ka Ida Tapolngon aitno itau ine.
Langka elio tonari dong deka aitno lumu lange ke gute ka pul dogur ke Ida Tapolngon Otno Arang? Ma Ida Tapolngon due elio lange ke iye? Ida Tapolngon ma due agegeng omba ke iye kesua ane langka gute tonari aitno mter Krais ina marau wan adai vala. E Krais ina marau batne ke Ida Tapolngon ila kontrak oku ina ka due osep tidong itau ke Ida Tapolngon bitna. E iye wai soulu ke Ano Itau ka makai iye.
Oglou osep loulou ina ka mgo tidue elio opmu ina ke oklou kene kene. Paide gute kene kene due elio opmu ina ke iye tona ila elio epmes ina deka iye due ke osep leklou urok elio epmes ina. E Yesus due langane kovok kesua iye pli tarna e mete aling kene vala. Deka ina metengen tonari kli osep ka pula keniye urok elio epmes ina.
Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.
Langka Krais mete aling pula nogrum ke alo ka Ida Tapolngon tapol wan ka pula keniye lila me iye namani doro aling pula. E alo ane iye polou ke taklak aling kene vala isuk boto ke taim ka Ida Tapolngon due wan ka pula keniye yagos. E iye kar iye tona ke Ida Tapolngon langka wan ka osep tidue elio opmu ina ine ma iye klok osep urok elio epmes ina.