Hibru 10:1 - Aria New Testament

¹ Moses ila sogongon nisngen vala ke wan itau ka mase ma polou e iye wan itau tonari kovok. Aurou. Iye nisngen vala. Langka osep tididi Moses ila sogongon deka tidue elio opmu ina ke tobor aling aling. E ke batne langane Moses ila sogongon karanga due osep ka kla ke Ida Tapolngon ila ninu tidong itau ke Ida Tapolngon bitna kovok.

Hibru 10:1 ပူးပေါင်းရင်းမြစ်များ

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Kolosi 2:17

Wan tonari isak langka ano e nisngen vala ke wan bitna bitna ka ma me e Krais iye wan ka lokono.

Hibru 10:22

E iye ris aitno lite ke ina marau ma elio soulu vri ke ite kovok. Ane langka iye ris pampamu lite ke aki ka wan sasi dong ine kovok. Deka aitno lite kene ke Ida Tapolngon e aitno lite ila dagar dong dagar e itopolou olwo boto ke Ida Tapolngon.

Hibru 7:11

Ida Tapolngon rere osep Livai ina ma tipolou osep loulou ina e mase iye kar osep Israel ina Moses ila sogongon. Lama osep Livai ina tidue urok bokongon itau tikaranga tidue osep tipolou itau lokono ke Ida Tapolngon bitna kovok. Deka mase Ida Tapolngon rere gute loulou ina silang ka iye langka Melkisedek e iye langka Aron kovok.

Hibru 8:5

Oglou alo ka Moses waiki uri ninu molo ina Ida Tapolngon wai langane. “Emile wom itau e emdidi lou pelengon keniye ka la ke ninu molo ina ka nganis wom ine alo ka omdong ke gigri Sainai.” E tiboko ke Ida Tapolngon ila ninu ka dong ke taklak e ninu tonari langka ano vala ke Ida Tapolngon ila ninu ka dong ke omur heven.

Hibru 9:11

Eknikane Krais polou kodong e iye gute loulou ina ka mgo ke wan bitna bitna ka itau ka polou kodong. Iye due Ida Tapolngon ila bokongon ke ninu molo ina ka osep tiurie ke taklak ane kovok. Iye sep ke Ida Tapolngon ila ninu molo ina ka dong ke omur heven. Ninu molo ina tonari mole ninu molo ina ka osep tiurie ke taklak.

Hibru 9:23

Elio bitna bitna ka osep tidue ke Ida Tapolngon ila ninu molo ina isak nisngen ke wan lokono ka dong ke omur heven. E osep tiser ongwa bitna bitna inarak marau ma tidue ninu molo ina polou itau. E tikaranga tiser ongwa ina marau ma Ida Tapolngon ila ninu ke omur heven polou itau kovok. Aurou. Yesus ina marau vala ka mole ongwa inarak marau karanga due ninu tonari polou itau.

Hibru 9:25

Ke tobor kene kene osep Israel ina urok gute loulou ina ka mgo sep ke Eliang Ka Itau Lokono. E iye kalke marau ka iye tona ina kovok. E Krais due langane kovok. Aurou. Iye sep ke omur heven e kalke iye tona ina marau. E iye due ane aling kene vala.