Hibru 1:9 - Aria New Testament

⁹ Aitno lugom itau ke elio itau ka osep tidue e aitno lugom engil ke elio soulu ka osep tidue. E ke batne langane ngarere wom ma ommole supmu keniye deka aitno lugom neser ine.”

Hibru 1:9 ပူးပေါင်းရင်းမြစ်များ

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Jon 1:41

Ke kotkotu alo ka Andru songon Yesus lokono iye la pado ina aiver Saimon e wai ke iye langane. “Imavati gute ka Mesaia kodong.” Pelengon palma Mesaia lana ine gute ka Ida Tapolngon rere Krais ma iye lua osep ke urok elio epmes ina.

Jon 10:17

Ma ngapli tarna lungong e ngamete ma ngakaranga ngadue lou mosongon blang. E ke batne langane Livou lana iye ke ngong.

Jon 20:17

E Yesus wai ke iye blang langane. “Emkis ngong dagar kovok kesua ngatito ke Livou dau kovok. E amla e amwai ke sipmi ngawai langane. ‘Ma ngatito ke Livou e Pmomu blang. E iye Tapolngon ka ngalotuim iye e iye Tapolngon ka umolotuim iye blang.’”

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 4:26

Osep ka tivri mgo ke omur pula tikere isak ma tidue evlei. Deka osep plaungan ina pula tiduni pulu e tiwaiki tipaiavu wom Ipem Tapolngon e gute Krais ka lua osep e ka emrere Ipem Puda kodong.’”

Aposel 4:27

“Pelengon ane ka oglou Devit wai ine polou lokono ko-dong. Oglou Herot orwo Pontius Pailat tigosok osep ka tile Ida Tapolngon kovok e osep Israel ina tiduni pulu ke armok ane. Deka tidue agegeng ke Yesus ka emrere iye lem gute bokongon ina ka itau lokono.

Pas ka Pol sogoe uti la ke osep Rom ina 12:9

Umu lana umu ke osep leklou e umayak ine sakam. Ma aitno lumu itau lokono ke isak. E ma umekis dagar ke elio ka itau vala e umopul dogur ke elio soulu bitna bitna.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

1 Korin 1:9

E langane. Ida Tapolngon rere ite ma iteneklep ke Otno Arang Yesus Krais ka Ida Puda. Deka iye due ite iteneklep ke iye. Kesua iye tona didi ila pelengon keniye deka due polou lokono.

2 Korin 11:31

Ngawai lokono e Ida Tapolngon ile ngawai pelengon yakngan kovok. Ma itakakai Ida Tapolngon ka Ida Puda Yesus Timla angaine tito la egim dong vala dong.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Efesus 1:3

Deka ngawaiki itakakai Ida Tapolngon ka Ida Puda Yesus Krais timla angaine tito la ke egim lokono. Kesua batne iye kere ite ke ila kerengen ka itau lokono ka la ke omur heven batne iteneklep ke Krais kodong.

Filipai 2:9

Iye mete kodong ke ina akai deka Ida Tapolngon due iye mole osep ka pula keniye e due angaine omba lokono e gute silang angaine omba langane kovok.

Hibru 2:11

Deka Yesus ka iye gute ka due osep tipolou itau lokono ke Ida Tapolngon bitna e osep tonari Pmarak kene vala. Iye Ida Tapolngon. Deka Yesus mnak iye ma iye sir osep tonari iye sisrok kovok. Aurou.

Hibru 2:9

Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.

Hibru 7:26

Yesus iye udo gute loulou ina ka karanga lua ite ke udo elio isuk isuk keniye. Iye due elio itau vala e elio soulu gesa vri ke iye kovok. E Ida Tapolngon vati iye dong itau lokono vala. Ida Tapolngon due tito la ke omur heven e iye dong mawa ke osep epmes ina.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

Pelengon kukwopngon 2:15

E osep leklou blang ka tidong kap umu tididi gute Nikolas ila osua urok pelengon.