Hibru 1:4 - Aria New Testament

⁴ E iteile omur langane. Otno Arang mole ensel ka pula keniye eriar langka Ida Tapolngon kar iye angaine ka mole ensel ka pula keniye angainsak blang.

Hibru 1:4 ပူးပေါင်းရင်းမြစ်များ

Efesus 1:21

Deka Krais dong ke omur heven e mgo ke ensel e wan ka pula keniye ka tidong ine e iye plau isak. Iye mgo ke osep ka pula keniye ka tidong ke omur omur ke taklak. Iye mgo ke osep ka pula keniye ka tivri mgo ke omur omur. Iye mgo ke osep keniye ka urok arit dong lisak. Iye mgo ke osep ngongle keniye. E angaine ombatno lokono e mole osep ka pula keniye ka eknikane tidong angainsak e osep ka pula keniye ka mase ma tidong angainsak blang.

Kolosi 1:18

Sios iye Krais pampamu ine e iye mgo ke sios langka otuk ine. E iye mosongon ka itau batne e iye mgo ke osep ka timole inarak denga e iye ma vri mgo ke wan ka pula keniye.

Kolosi 2:10

Umeneklep ke Krais deka umodue mosongon ka lokono lokono batne ke iye. Ila arit ombatno e iye mole e plau ano ka pula keniye ka tiplau wan bitna bitna.

2 Tesalonaika 1:7

E ma iye due elio ka osep tidue agegeng ke umu e ke imi blang polou yagos. Ida Tapolngon ma lua ite langane alo ka Ida Puda Yesus kap ila ensel pula ka urok arit omba tisongon omur heven e tipolou malak. Deka iye ma polou ke eiou omba.

Hibru 1:9

Aitno lugom itau ke elio itau ka osep tidue e aitno lugom engil ke elio soulu ka osep tidue. E ke batne langane ngarere wom ma ommole supmu keniye deka aitno lugom neser ine.”

Hibru 12:17

E umeile langane. Mase Iso waiki due timla ila keregen e iye karanga due kovok. E iye kngis ine e dau iye karanga due kerengen tonari kovok.

Hibru 2:9

Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.