Hibru 1:2 - Aria New Testament

² E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

Hibru 1:2 ပူးပေါင်းရင်းမြစ်များ

Matyu 13:39

E oul ka me ser londo sasi iye Satan e alo ka osep tipi wan iye alo ka taklak yagos. E osep ka tipi wan itau isak Ida Tapolngon ila ensel.

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 21:38

E alo ka osep ka tidong tiboko ke yage tivati gute otno arang me tiwai pulu langane. ‘Gute ane yage ina gute otno arang. Ma itemter iye ma iye mete deka itodue ila wan matamuli.’

Matyu 26:63

E dau Yesus koli wai kovok. E gute loulou ina ka mgo wai ke iye langane. “Ngawai ke wom ke Ida Tapolngon ka dong vala dong angaine ma amwai lokono ke imi. Wom gute Krais ka Ida Tapolngon rere ma iye lua osep koke aurou? Wom Ida Tapolngon Otno Arang?”

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Matyu 3:17

E osep tiklingen kreine kene wai ke omur heven langane. “Gute ane Erigu Arang ka ngong lana ngong ke iye e aitno lungong itau lokono ke iye.”

Mak 1:1

Pelengon ane nogrum wai ke omon itau ka la ke Ida Tapolngon Otno Arang Yesus Krais.

Mak 12:6

“Yage ina gute pagei ila wokboi nating keniye ma isak tidue ina galou wain toru ine tonari e osep ka tiplau yage tipaiavu isak keniye. E gute kene vala dau dong ka iye karanga pagei iye la ke osep tonari. Iye otno arang ka iye lana iye omba ke iye. Deka yage ina gute aitno mter langka iye pagei otno arang la ma iye due ina galou wain toru ine ma osep ka tiplau yage tidue anit ke iye.

Mak 12:7

Deka yage ina gute pagei otno arang la ke yage deka iye polou ine. Deka osep ka tiplau yage tiwai pulu langane. ‘Gute ka me are iye yage ane ina gute otno arang. Mase ma iye due timla ila wan matamuli deka ma yage ane polou ila wan blang. Itala itodue burwa ke iye ma mete deka ila wan matamuli ka munu ke yage ane ma polou udo wan.

Jon 1:10

Bublongon me dong ke taklak e lama Ida Tapolngon due gute tonari tapol taklak e wan ka pula keniye ka tidong ine dau osep ke taklak tile iye kovok.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:3

Ida Tapolngon due gute tonari ma iye tapol wan ka pula keniye ka tidong. E wan gesa polou ke ekreng silang kovok. Aurou.

Jon 13:3

E Yesus ile Timla kar arit ke iye ma iye plau wan ka pula keniye e silang iye ile iye me ke Ida Tapolngon e ma iye iding ke Ida Tapolngon.

Jon 13:32

E langka osep tidue anit ke Ida Tapolngon batne ke Gute Ka Polou Langka Osep deka Ida Tapolngon ma nis Gute Ka Polou Langka Osep ila arit e ila elio itau lokono ke osep blang. E ma iye due suong.

Jon 15:15

E oku ane ngasir umu lou osep bokongon ina kovok kesua gute bokongon ina ile wan ka ina puda due kovok. Oku ane ngasir umu lou saten e wan ka pula keniye ka ngaklingen ke Livou ngawai ine ke umu.”

Jon 16:15

Wan ka pula keniye ka tidong ke Livou tidong ke ngong blang e ke batne langane ngawai iye karanga due lou pelengon e wai ine ke umu.”

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 3:25

E Jon ila disaipel leklou tituk orsak pulu kap gute Yuda ina kene ke inarak apu ka tigrong pampamu lisak ma tidong eip e itau ke Ida Tapolngon bitna.

Jon 5:26

Eriar langka Livou iye mosongon oku batne iye kar ngong ka Otno Arang arit ma ngong blang ngong mosongon oku batne.

Jon 5:27

E iye kar arit ke ngong ma ngawade osep urok elio kesua ngong Gute Ka Polou Langka Osep.

Jon 9:29

Imeile omur oglou Ida Tapolngon wai ke Moses e imeile omur ke gute are kovok.”

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Aposel 2:17

Iye sogo langane. ‘Ida Tapolngon wai mase dau tauni deka alo ka pula ane ina yagosngon ma polou. Deka ma ngapagei Anngong duru sep ke osep pula aitno lisak deka ma iye due lumu napakngan ka arang e apmang aitno lisak deka ma tiwai ke elio bitna bitna ma tipolou. Deka ma lumu napakngan ka auram e ka arang ka namormor ma timunu ansak e tivati ansak.

Pas ka Pol sogoe uti la ke osep Rom ina 1:4

Mase iye me dong kap itosep. Alo ka iye dong kap ite Ano Itau dong ke aitno. Iye dong la lama iye mete deka osep tiyas iye ke ina denga e iye munu ine. Mase Ida Tapolngon didi ila arit e due poga tito e dong blang. Ila baulukngon nis itosep Ida Puda Yesus Krais iye tona Ida Tapolngon Otno Arang lokono.

Pas ka Pol sogoe uti la ke osep Rom ina 8:17

E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.

1 Korin 2:7

Imanapapra pelengon itau e Ida Tapolngon ila ilengen itau ka oglou iye kukwope ke osep ke umu. Alo ka Ida Tapolngon dau tapol taklak kovok iye ile kodong e iye rere oklou ka ma iye due umu umodong kap iye ke omur heven.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Efesus 1:10

Oglou Ida Tapolngon rere oklou ka lesen ma wan ka pula keniye ma polou yagos. Deka mase ma iye due polou yagos. E ma iye tona due Krais ma plau ila duengen ka pula keniye. Ma iye plau wan bitna bitna keniye ka dong ke omur ka egim e ma iye plau wan bitna bitna keniye ka dong ke taklak blang.

Efesus 3:9

Oglou ari Ida Tapolngon due wan bitna bitna keniye ka tidong. Alo ari pelengon leklou polou malak kovok. Iye bisi ine ke aitno vala e osep tile ine kovok. E pelengon tonari dong ke iye vala. E eknikane langane. Ida Tapolngon rere ngong ma nganapapra ila pelengon tonari. Kesua iye waiki osep tile omur ke elio ka iye due kodong e waiki pelengon tonari polou malak ke osep.

Hibru 1:5

Ke oglou Ida Tapolngon wai ke Otno Arang langane. “Wom Erigu Arang e ngong Ngap Abo.” E iye wai blang langane. “Ma ngadong Timla e iye dong Erigu Arang.” E Ida Tapolngon wai langane ke ila ensel gesa koke aurou? Aurou lokono.

Hibru 1:8

E Ida Tapolngon wai ke Otno Arang langane. “Wom Tapolngon e wom emvri mgo e amplau osep dong vala dong. E emdidi elio itau vala e amplau lem osep.

Hibru 11:3

E aitno lite dagar e iteile omur langane. Ke oglou Ida Tapolngon wai vala deka wan ka pula keniye tipolou. Deka wan ka pula keniye ka itakaranga itavati Ida Tapolngon due isak tipolou ke wan ka itakaranga itavati kovok.

Hibru 2:3

Deka oku ane langane. Langka itopul dogur ke elio ka Ida Tapolngon lua ite ke udo elio epmes ina ka mole Moses ila sogongon tonari ma itokos ke Ida Tapolngon ila wadengen kovok. Mgo Ida Puda napapra Ida Tapolngon ila pelengon itau ka karanga lua ite ke udo elio epmes ina. Deka osep ka tiklingen ine tipalongo udo langane. Pelengon tonari pelengon lokono.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

Hibru 5:8

E lama Yesus Ida Tapolngon Otno Arang iye namani elio soulu e elio tonari parere iye ma iye ini Ida Tapolngon.

Hibru 7:28

Osep ka tididi Moses ila sogongon tirere osep loulou ina ka mgo ka urok arit dong kovok. E mase Ida Tapolngon ila pelengon dagar ka iye wai ke iye tona angaine polou. E pelengon dagar tonari rere Ida Tapolngon Otno Arang udo gute loulou ina dong vala dong. E iye due Ida Tapolngon ila bokongon keniye.

Hibru 7:3

Osep ka tisogo Ida Tapolngon ila pelengon tisogo Melkisedek tna e timla e ila seia angainsak kovok. Tisogo oklou ka tna divir iye e oklou ka iye mete ine kovok. Iye dong gute loulou ka dong vala dong eriar langka Ida Tapolngon Otno Arang.

Hibru 9:26

Langka Krais mete aling pula nogrum ke alo ka Ida Tapolngon tapol wan ka pula keniye lila me iye namani doro aling pula. E alo ane iye polou ke taklak aling kene vala isuk boto ke taim ka Ida Tapolngon due wan ka pula keniye yagos. E iye kar iye tona ke Ida Tapolngon langka wan ka osep tidue elio opmu ina ine ma iye klok osep urok elio epmes ina.

1 Pita 1:20

Oglou alo ka Ida Tapolngon dau tapol wan gesa kovok iye rere Krais ma iye polou Ida Luangan. Deka ke taim ane alo ka wan ka pula keniye isuk boto yagos Ida Tapolngon due Krais polou malak.

2 Pita 3:3

Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.

Pas ka Jut sogoe 1:18

Tiwai ke umu langane. “Mase alo ka isuk boto wan keniye yagos osep ma tipolou e tidue apok ke umu. Ma tipul dogur ke Ida Tapolngon e tididi aitno lisak ke elio soulu vala.”