Galesia 6:9 - Aria New Testament

⁹ Deka ite ma itodue elio itau e tarna lite meingen ine kovok. Langka itoboko engil deka alo ka ngangon anino ma itodue ngangon itau lokono.

Galesia 6:9 ပူးပေါင်းရင်းမြစ်များ

Matyu 10:22

E ma osep aitno lisak engil lokono ke umu batne aitno lumu dagar ke ngong. E langka aitno lumu dagar la lama wan ka pula keniye yagos ma Ida Tapolngon lua umu.

Matyu 24:13

E gute gesa ka aitno dong dagar la lama wan yagos ma Ida Tapolngon lua iye.

Matyu 25:17

E gute ka due 2,000 kina due burong ine blang e iye due 2,000 kina silang.

Matyu 9:19

E Yesus gosok ila disaipel titito kla kap gute tonari.

Mak 3:3

Yesus vati isak e ile aitno lisak. Deka iye wai ke gute ka limla mete langane. “Omo emvri ane.”

Luk 18:1

Deka Yesus wai pelengon ano ke ila disaipel ma tile langane. Aling aling ma tiwai itau ke Ida Tapolngon e meingen isak ine kovok.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 4:1

Ida Tapolngon aitno due imi e kar bokongon ane ke imi e imoulou ine e imosongone kovok. E imodue vala.

2 Korin 4:16

Aitno limi mter ke wan tonari deka imodong dagar ke limem bokongon. Lokono. Pam-pamu limi polou nopos e sasi e dau aitno limi polou oku ke oklou kene kene.

2 Korin 9:6

Aitno lumu mter itau ke pelengon ano ane. Gute ka usak yage daudeng ma due ngangon sasi boto vala ine. E gute ka usak yage omba ma due ngangon pula ine.

Efesus 3:13

E langane. Umeile omur osep tidue elio soulu bitna bitna ke ngong kesua batne ngaboko ke Ida Puda ila bokongon ma lou bokongon lua umu. E ngawai ke umu ma aitno lumu kro ine kovok. Kesua elio bitna bitna ka opru ngong karanga lua umu e aitno lungong itau ine.

2 Tesalonaika 3:13

E sipmi imawaiki aling aling umodue elio itau vala e umodue ropo kovok.

Hibru 12:3

Aitno lumu mter ke elio ka polou ke Yesus. Osep epmes ina aitno lisak engil ke iye e tidue elio soulu ke iye. E iye vri dagar ine. Deka tarna lumu meingen kovok ke elio ka umodong dagar ke elio soulu ka osep tidue ke umu e umosongon aitno lumu ila dagar kovok.

Hibru 12:5

Ida Tapolngon ila pelengon wai ke umu langka titno umu ma due umu umodong dagar. Omtomu uli ine koke aurou? Iye wai langane. “Erigu arang. Langka Ngap Puda mosi lem elio ka sasi omdue markan ine kovok. E alo ka iye nis wom ke lem elio soulu aitno lugom kro ine kovok.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Jems 5:7

Sipmi ngawai ke umu lang-ane. Langka osep tidue elio soulu ke umu deka umapara ke alo ka Ida Puda ma iding me. Ma ngawai pelengon ano ke umu. Langka gute due yage iye para ke alo ka wan ka iye usake anino. Iye usak wan deka iye para ke aragu e oklou ka due wan ka iye usake polou anino.

1 Pita 2:15

Ida Tapolngon waiki umodue elio ka itau e osuk. Umodue langane deka osep ka kaka tikaranga tiwai ulik ulik ke lumu elio kovok.

1 Pita 3:17

Langka Ida Tapolngon waiki umanamani agegeng lama umodue elio itau are wan gesa kovok. E elio langane mole elio ka umanamani agegeng langka umodue elio soulu.

1 Pita 4:19

Deka langane. Langka Ida Tapolngon didi aitno e songon agegeng polou ke ite ma aitno lite dong dagar ke iye e itodue elio itau. Kesua iteile omur Ida Tapolngon ma kere ite itau e didi ila pelengon keniye.

Pelengon kukwopngon 2:17

“Deka gute ka tala ma iye klingen pelengon ka Ano Itau wai ine ke sios. Gute ka mole elio soulu ma ngakar iye ngangon mana ka dong kukwop. E silang ma ngakar iye opmu ka okou ka ngasogo angaine oku ina ine. E gute silang karanga ile angaine tonari kovok. Gute ka due opmu vala ile ine.”

Pelengon kukwopngon 2:3

Alo ka osep tidue agegeng ke umu kodong batne aitno lumu dagar ke ngong io ngaile umevri dagar ine. E tarna lumu meingen ine kovok.’”

Pelengon kukwopngon 2:7

“Deka gute ka tala ma iye klingen pelengon tonari ka Ano Itau wai ine ke sios. Gute ka mole elio soulu ma iye karanga due ngangon ke akai ka kar ite udo mosongon ka dong vala dong. Akai tonari dong ke Ida Tapolngon ila yage ka dong ke omur heven.”