Galesia 6:2 - Aria New Testament

² E umolua supmu leklou ke elio ka polou ka opru ka isak. Langka umodue elio langane ma umeini e umedidi Krais ila elio.

Galesia 6:2 ပူးပေါင်းရင်းမြစ်များ

Matyu 8:17

Iye due langane ma pelengon ka gute napaprangan ina Aisaia wai ine polou lokono. Iye wai langane. “Iye due udo paiangan yagos e due ite itopolou itau blang.”

Luk 11:46

E Yesus koli wai ke iye langane. “Aisudo ke umu ka umeile itau ke Moses ila sogongon blang. Kesua umu langka umegilgil wan ka anit ke osep dogursak ka engil ma tikalke e dau umawaiki umolua isak ine kovok.

Jon 13:34

Ngakar pelengon dagar oku ina ke umu langane. Ma umu lana umu pulu. Eriar langka ngong lana ngong ke umu io umu lana umu pulu.

Jon 15:12

Lou pelengon dagar ke umu langane. Umu lana umu pulu eriar langka ngong lana ngong ke umu.

Pas ka Pol sogoe uti la ke osep Rom ina 15:1

Ite ka itodong dagar ke aitno lite ila dagar ma itolua osep ka aitno lisak dagar isuk boto vala. E aitno lite vri ke ite vala kovok.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

1 Korin 9:21

E alo ka ngadong kap osep ka tididi Moses ila sogongon kovok ngadidi urok elio ma ngalua isak. E dau ngasongon Ida Tapolngon ila pelengon kovok. Aurou. Ngadidi Krais ila pelengon dagar.

Galesia 6:5

E silang blang osep ka pula keniye ma isak kensak kensak aitno lisak mter ke urok bokongon e urok elio ka tidue.

1 Tesalonaika 5:14

Sipmi. Imawai dagar ke umu ma umodue langane. Umawai ke osep ropo bitna ma tidue elio langane sakam e tiboko vala. E umolua osep leklou ka tilim ke wan bitna bitna ma tilim kovok. E umolua osep ka aitno lisak dau dagar kovok ma tipolou dagar. E umawai molil e umodue mada ke osep ka pula keniye.

Jems 1:25

E gute ka klingen Ida Tapolngon ila pelengon dagar ka itau lokono deka meit ine e bitna uli ine kovok ma Ida Tapolngon kere iye itau ke ila elio isuk isuk ka iye due. Kesua pelengon dagar tonari karanga due ite itodong fri.

Jems 2:12

Oglou udo elio epmes ina pes ite deka Ida Tapolngon didi ila elio itau e lua ite ine. Mase ma Ida Tapolngon didi ila elio itau tonari e wade udo elio isuk isuk ine. Deka aitno lite mter itau ke pelengon ka itawai ine e elio ka itodue.

Jems 2:8

E Ida Tapolngon ka vri mgo ke ite wai ila pelengon dagar langane. “Umu lana umu ke supmu langka lana umu ke umu kenmu kenmu.” Langka umodue langane umodue elio itau.

1 Pita 2:24

Krais mana ke ina akai e mete e kasip amunte. E Ida Tapolngon due udo elio epmes ina munu pes Krais pampamu ine ma aitno lite oglou ina mete e itakaranga itodue elio itau e osuk vala. Osep timluk Krais e pampamu ine amal amal ma iye lua ite ma itopolou itau blang.

2 Pita 2:21

Tile omur ke elio ka tikaranga tipolou itau e osuk ke Ida Tapolngon bitna kodong. E mase tipul dogur ine deka tidong soulu lokono. Langka tile elio itau tonari kovok are itau. Tiklingen Ida Tapolngon ila pelengon e dau tipul dogur ine deka tidong soulu lokono.

2 Pita 3:2

E ngawaiki omtomu sisir pelengon ka oglou Ida Tapolngon ila osep napaprangan ina tiwai ine. E ngawaiki omtomu sisir pelengon dagar ka Ida Puda ka Ida Luangan kare ke ila osep aposel deka tiwai ine ke umu.

1 Jon 4:21

Krais kar pelengon dagar ke ite langane. “Gute ka iye lana iye ke Ida Tapolngon ma iye lana iye ke ila saten blang.”