Galesia 6:1 - Aria New Testament

¹ Sipmi. Ngawaiki umeile lang-ane. Langka lumu aten gesa due elio epmes ina deka umu ka umedidi Ano Itau umodue elio itau ke iye e umolua iye ma iye mosi ila elio epmes ina. E umaplau umu itau lama Satan tok umu deka umu blang umegene ke elio epmes ina.

Galesia 6:1 ပူးပေါင်းရင်းမြစ်များ

Matyu 11:29

Umomo ke ngong e umanana ke ngong deka umodue sigi ka ngakare ke umu e umakalke sigi tonari kesua ngong gute ka due mada e ngapes ngong tona e ma aitno lumu mtong e dong epen ke ngong.

Matyu 26:69

E Pita dong ke omur ka lelei ninu e apmang bokongon ina kene me e wai ke iye langane. “Wom blang omdong kap Yesus ka gute Galili ina.”

Matyu 26:75

Deka Pita bitna sisir oglou Yesus wai pelengon langane. “Mgo ke alo ka kwako bole wai ma amwai emile ngong kovok aling eklu.” E Pita la ke dogur e kngis omba lokono.

Matyu 9:13

Umala e umanana ma umeile Ida Tapolngon ila pelengon ka wai langane lana ine. ‘Ngawaiki umodue elio opmu ina ke ngong kovok. Aurou. Ngawaiki aitno lumu due osep vala.’” Deka Yesus wai langane. “Ngame ma ngagi osep ka itau ma tididi ngong kovok. Aurou. Ngame ma ngagi osep epmes ina tididi ngong.”

Pas ka Pol sogoe uti la ke osep Rom ina 14:1

Langka gute dong ka aitno dagar ke Krais kodong e dau aitno ila dagar polou dagar lokono kovok umodue sep ke lumu duningen. E ma umotuk opmu pulu kap iye kovok ke pelengon gesa ka aitno lumu kene pulu ine kovok.

Pas ka Pol sogoe uti la ke osep Rom ina 15:1

Ite ka itodong dagar ke aitno lite ila dagar ma itolua osep ka aitno lisak dagar isuk boto vala. E aitno lite vri ke ite vala kovok.

Pas ka Pol sogoe uti la ke osep Rom ina 8:6

Silang blang langane. Osep ka aitno lisak mter ke elio epmes ina bitna bitna vala ma timete ine. E osep ka Ano Itau plau isak ma tidue mosongon ka itau dong vala dong e ma aitno lisak tidong epen vala.

1 Korin 10:12

E langka gute gesa waiki aitno vri dagar ma iye plau iye itau lama iye due elio epmes ina.

1 Korin 14:37

Langka gute gesa aitno mter langka Ida Tapolngon rere iye gute napaprangan ina koke aitno mter langka iye due kerengen ke Ano Itau ngawaiki iye ile langane. Pelengon ka ngasogoe ke umu ane Ida Puda ila pelengon.

1 Korin 2:15

Gute ka Ano Itau dong ke aitno iye wade wan ka pula keniye. Lokono gute gesa karanga wade elio bitna bitna ka osep ka Ano Itau dong ke aitno lisak tidue kovok.

1 Korin 3:1

Sipmi. Oglou ngakaranga ngakar pelengon ke umu langka ngakare ke osep ka tididi Ano Itau kovok. Aurou. Ngakar pelengon ke umu langka ngakare ke osep ka tididi aitno lisak oglou ina. E eknikane umu dau umodong langka agau ke Krais ila pelengon.

1 Korin 4:21

E umawaiki ma ngadue elio ka lange? Umawaiki ma ngadue kanda e ma ngaules umu ine koke aurou? Koke umawaiki ngauti ke umu e ngong lana ngong ke umu e aitno lungong epen ke umu?

1 Korin 7:5

Langka umorwo umegi deka amkaranga ompul dogur ke eswom e amdangdang pampamu lugom ke iye kovok. E langka umorwo aitno lumu kene e umadangdang pampamu lumu isuk boto ma umakaranga umawai itau ke Pmada ke elio gesa elio langane itau. E mase umorwo blang umodue pampamu lumu tineklep pulu blang. Lama umakaranga umaplau pampamu lumu itau kovok e Satan tok umu.

2 Korin 10:1

Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 2:7

E silang oku ane ma umasak ila elio epmes ina e umodue mada ke iye. Lama aitno kro lokono ke ila elio e iye karanga ine kovok.

2 Korin 2:8

Deka ngawai dagar ke umu ma umawai ke iye langane. “Imi dau lana imi ke wom.”

Galesia 5:23

E itodue wan bitna bitna molil e itaplau ite itau. E wan gesa karanga dangdang elio itau bitna bitna tonari kovok.

Galesia 6:18

Sipmi. Ngawaiki ma Ida Puda Yesus Krais ila makaingan dong kap umu ka pula keniye. Lokono.

1 Tesalonaika 4:1

Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

2 Tesalonaika 3:15

E dau imawaiki aitno lumu mter langka gute tonari upu oul kovok. Aitno lumu mter iye langka sudo gesa. E umakar iye pelengon ka lua iye e mosi aitno.

2 Timoti 2:25

Iye wai molil e mosi osep ka tipara pulu ke ila pelengon. Iye due langane kesua aitno mter Ida Tapolngon karanga due isak tibauluk aitno lisak e tile omur ke pelengon ka lokono.

Hibru 12:13

E umelila ke ekreng ka osuk ma kopmu sasi kovok. Aurou. Ma tipolou itau vala.

Hibru 13:3

Omtomu sisir osep ka tidong ke kalabus e aitno lumu mter langka umodong ke kalabus kap isak. E omtomu sisir osep ka agegeng polou ke isak langka agegeng polou ke umu blang.

Jems 3:13

Gute gesa dong kap umu ka aitno mter itau ke elio bitna bitna e ila ilengen itau koke aurou? Langka gute langane dong kap umu ma iye due elio isuk isuk ka itau e iye pes iye tona. Deka osep ka tivati iye ma tile gute tonari ile omur itau.

Jems 3:2

Umeile ite ka pula keniye aling pula itodue elio soulu e langka gute wai pelengon soulu kovok iye gute ka itau lokono e karanga plau pampamu ine itau.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.

1 Jon 5:16

Langka gute gesa vati ila aten due elio epmes ina e elio epmes ina tonari due gute tonari mete kovok ma iye wai itau ke Ida Tapolngon ine ma gute tonari mete kovok. Lou pelengon ane la ke osep ka tidue elio epmes ina ka timete ine kovok. Aurou. E osep leklou tidue elio epmes ina ka timete ine e ngawai ma umawai itau ke isak kovok.