Galesia 5:6 - Aria New Testament

⁶ Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Galesia 5:6 ပူးပေါင်းရင်းမြစ်များ

Luk 7:5

Kesua iye lana iye ke ite osep Israel ina e iye due osep tiuri limem duningen ina ninu.”

1 Korin 13:13

E eknikane elio eklu tidong. Elio ka aitno lite ila dagar dong dagar ke Ida Tapolngon e elio ka itapara ke Ida Tapolngon ma iye due elio itau ke ite e elio ka ite lana ite ke osep leklou. Elio eklu tonari tidong vala. E elio ka mgongon lokono iye elio ka ite lana ite ke osep leklou.

1 Korin 7:19

Elio ka gute didi elio ulangngan ina langka wan adai. E elio ka gute didi elio ulangngan ina kovok elio langane wan adai blang. E elio ka osep tididi Ida Tapolngon ila pelengon dagar ane wan ombatno lokono.

2 Korin 5:14

Kesua elio ka Krais lana iye ke imi plau imi. E imeile gute kene mete e kasip osep ka pula keniye amunsak e elio ane langka isak ka pula keniye timete blang.

Galesia 3:26

Umu ka pula keniye aitno lumu dagar ke Krais Yesus e umeneklep ke iye e ke elio langane umopolou Ida Tapolngon titno.

Galesia 3:28

Ke Krais ila osua osep tidong langka osep Yuda ina e osep Grik ina kovok. E osep tidong langka wokboi nating e osep ka tidong fri kovok. E osep tidong langka osep arang e apmang kovok. Aurou. Ke Krais Yesus umu ka pula keniye umodong langka osua kene vala.

Galesia 6:15

Elio ulangngan ina iye wan adai e elio ka gute gesa ulang merge kovok iye blang wan adai. Ida Tapolngon due ite itopolou oku ina e elio ane iye wan omba lokono.

Efesus 6:23

Sipmi. Aitno lungong lang-ane. Ngawaiki Ida Tapolngon ka Pmada e Ida Puda Yesus Krais tidue aitno lumu epen pulu. Ngawaiki tidue aitno lumu ila dagar dong dagar e ma umu lana umu pulu.

Kolosi 1:4

Kesua imorwo imeklingen pelengon ke umu langane. Ime-klingen aitno lumu la dagar ke Krais Yesus e umu lana umu ke Ida Tapolngon ila osep ka pula keniye.

Kolosi 3:11

Ida Tapolngon lua ila osep ka pula keniye ke urok mosongon oku e aitno lite langane. Langka ite leklou osep Yuda ina e ite leklou osep ka isak osep Yuda ina kovok aitno lite mter ine kovok. E langka ite leklou itedidi elio ulangngan ina e ite leklou itedidi elio ulangngan ina kovok aitno lite mter ine kovok. E langka ite leklou osep ke kantri silang koke ite leklou osep omong aitno ina aitno lite mter ine kovok. E langka ite leklou langka wokboi nating e ite leklou langka itodong fri aitno lite mter ine kovok. Aitno lite mter langane kovok kesua Krais vala dong e iye dong ke aitno lite.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

Hibru 11:8

Abraham aitno dagar ke Ida Tapolngon. E Ida Tapolngon wai ke iye ma iye songon ila omur e la dong ke omur silang ka mase ma polou ila omur. Deka iye didi Ida Tapolngon aitno e la ke omur silang lama iye ile omur tonari kovok.

1 Pita 1:8

Lama oglou umavati Krais kovok dau umu lana umu ke iye. E oku ane lama umavati iye kovok aitno lumu la dagar ke iye. E umeketir omba ke ketirngen ka mole ketirngen ke taklak e umakaranga umawai pelengon ka wai ke ketirngen tonari kovok.