Galesia 5:16 - Aria New Testament

¹⁶ Lou pelengon langane. Umedidi Ano Itau ila plaungan ma iye plau umu ke lumu mosongon. Langka umodue langane ma umedidi aitno lumu oglou ina kovok.

Galesia 5:16 ပူးပေါင်းရင်းမြစ်များ

Pas ka Pol sogoe uti la ke osep Rom ina 6:12

Eknikane aitno lumu itau ke elio epmes ina bitna bitna kovok lama iye plau pampamu lumu. Umadangdang ine vala lama umawaiki umodue elio epmes ina bitna bitna blang.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

1 Korin 7:29

Sipmi. Ngawai langane. Dau tauni kovok e ma taim ane yagos. Deka ke eknikane osep ka tigi sasarak kodong ma tidong langka sasarak kovok.

2 Korin 7:1

Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.

Galesia 3:17

Lou pelengon batne langane. Oglou Ida Tapolngon wai promis dagar ke Abraham deka tobor 430 mela yagos e Moses ila sogongon polou. Moses ila sogongon polou ke batne e karanga dar promis dagar ka Ida Tapolngon kare ke Abraham kodong kovok. Iye karanga due Ida Tapolngon ila pelengon ka oglou iye wai ine kodong polou yagos kovok. Aurou.

Galesia 6:8

E lana ine langane. Langka gute gesa usak wan ke aitno oglou ina ma aitno oglou ina due elio soulu polou ke iye tona aitno e ma due agegeng ke aitno. E langka iye usak wan ke Ano Itau ma Ano Itau due elio itau polou ke aitno e iye ma dong vala dong.

Efesus 2:3

Oglou ite blang itodong kap osep tonari e itodong soulu eriar langka isak tidong soulu. E itedidi aitno lite oglou ina e itodue elio epmes ina bitna bitna ka aitno lite mter ine e pampamu lite waiki itodue. Deka itanamani ine kesua Ida Tapolngon aitno engil lite eriar langka aitno engil ke osep epmes ina keniye.

Kolosi 2:11

Umeneklep ke iye deka umodue elio ulangngan ina. E elio ulangngan ina tonari langka elio ka osep tidue ke pampamu lumu kovok. Aurou. Krais ulang umu langka iye klok lumu elio epmes ina deka elio epmes ina plau umu blang kovok.

1 Pita 1:14

Umu Ida Tapolngon titno deka ma umeini ila pelengon vala. Oglou aitno lumu kaka e umedidi elio bitna bitna ka taklak ane ina e eknikane umedidi elio tonari sakam.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 2:11

Sipmi ka ngong lana ngong ke umu. Umodong ke taklak ane langka osep kaulei e langka osep ka tilila ke omur omur deka ngawai dagar ke umu ma umopul dogur ke elio soulu ka pampamu lumu waiki umodue. Kesua aling aling elio soulu waiki mole umu.

1 Pita 4:6

Ke batne ane osep ka timete kodong tiklingen Ida Tapolngon ila omon itau alo ka dau tidong. E lama timete kodong langka osep taklak ina timete oku ane tidong ansak langka Ida Tapolngon dong ano.