Galesia 5:12 - Aria New Testament

¹² Osep ka tipagolgol aitno lumu isak dau arit isak ke elio ka tiulang osep otne lisak. Deka itau langka ma isak tona tiulang otne lisak e tisok lesna lisak blang.

Galesia 5:12 ပူးပေါင်းရင်းမြစ်များ

Jon 9:34

Deka osep Farisi ina tikoli tiwai langane. “Aiya divir wom ke elio epmes ina e lila me ke eknikane wom dau omdong ine. E oku ane amwaiki amparere imi i?” Deka tisapir iye ke urok duningen ina ninu.

Aposel 15:24

­Imeklingen sipmi leklou tikar pelengon ke umu ka didi aitno lisak vala e aitno lumu kro ine. Imi ane imapalongo urok langane kovok. Aurou. Tididi aitno lisak vala.

Aposel 5:5

Ananaias klingen Pita ila pelengon deka lokono iye gene e mete. Iye mete kodong deka osep auram leklou tipolou ke iye e tidue pampamu ine e tidugume deka tikalke la ke dogur e tiyase. Alo ari osep ka tiklingen ke elio ka polou ke Ananaias ansak nesik omba ine.

Aposel 5:9

Deka Pita wai ke iye langane. “Ina lange umorwo aitno lumu mter ke elio ane e umawaiki umayak Ida Puda Ano Itau ine? Emklingen osep ka tiyas lem boget tipolou ke ninu ane ina ekreng bitna kodong deka ma tikalke pampamu lugom ari blang.”

1 Korin 5:13

E osep ka tidong ke dogur Ida Tapolngon ma wade urok elio. Ida Tapolngon ila pelengon wai langane. “Ma umasapir gute ka due elio soulu ka dong airavu ke umu la.”

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Galesia 5:10

Aitno lungong dagar ma Ida Puda lua umu ma aitno lumu mter eriar langka aitno lungong. E ngaile sei pagolgol aitno lumu kovok. E Ida Tapolngon ma koli batne ke elio soulu ka gute tonari due.

Taitus 3:10

Langka gute gesa wai pele-ngon ka due Ida Tapolngon ila osep tidardar deka amwai pelengon dagar ke iye ma ommosi aitno. Ma iye wai langane blang kovok. Langka omdue langane aling orwo ina e iye dau klingen pelengon kovok deka umopul dogur ine e umodong kap iye kovok.