Galesia 5:1 - Aria New Testament

¹ Krais due ite itopolou osep ka itodong fri deka itodong moli ke Moses ila sogongon kovok. Aurou. Deka aling aling umevri dagar ine. Ma itosongon osep tidue ite ma itopolou wokboi nating blang kovok.

Galesia 5:1 ပူးပေါင်းရင်းမြစ်များ

Matyu 23:4

Ane langka tigilgil wan ka anit e opru ma osep tikalke e tidue dong ke osep dogursak. E dau tiwaiki tidue wan gesa ka tilua osep ma tikalke wan anit tonari kovok.

Luk 5:38

E gute due aki wain oku ina sep ke aki wain tarna oku ina.

Aposel 15:10

E ina lange umakar elio ka opru ke osep ka aitno lisak dagar ke Yesus? Oglou udo seia tikaranga ke elio tonari kovok e ite blang itakaranga ine kovok. Ina lange umotok Ida Tapolngon ine langane?

Pas ka Pol sogoe uti la ke osep Rom ina 6:14

Umadangdang elio epmes ina ma iye dong upu puda kovok. Kesua eknikane umedidi elio langka Ida Tapolngon ila makaingan. E umedidi Moses ila sogongon kovok.

Pas ka Pol sogoe uti la ke osep Rom ina 6:18

Ngakakai Ida Tapolngon angaine tito kesua iye klok lumu elio epmes ina e elio epmes ina plau umu kovok. Deka eknikane elio itau vala plau umu.

Pas ka Pol sogoe uti la ke osep Rom ina 7:3

E langka apmang ila boget dau dong e iye la dong kap gute silang apmang tonari ila elio soulu lokono. Kesua iye klou ila boget e dar Moses ila sogongon. E silang blang langane. Langka apmang gesa ila boget mete mgo deka iye la gi gute silang apmang tonari klou ila boget e dar Moses ila sogongon kovok. Kesua ila boget mete kodong.

Pas ka Pol sogoe uti la ke osep Rom ina 7:6

E eknikane itodong langka itemete kap Yesus kodong. Itemete kap Yesus deka Moses ila sogongon karanga plau ite blang kovok. Kesua itemete ine kodong. E eknikane Ida Tapolngon kar ite elio oku ina ka Ano Itau ka karanga plau ite vala.

Pas ka Pol sogoe uti la ke osep Rom ina 8:15

Ida Tapolngon tuktuk Ano Itau ke ite kente kente ma lua ite. E Ano Itau dangdang ite ke elio ka itoulou tarna lite ke wan bitna bitna e ma elio tonari plau ite blang kovok. Ida Tapolngon tuktuk Ano Itau ke ite ma itopolou titno vala. Deka Ano Itau due ite ka titno aitno lite e itawai ke Ida Tapolngon langane. “Abo. Livou.”

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

1 Korin 16:13

E ma umaplau umu itau e umodong dagar lokono ke aitno lumu ila dagar ka la ke Ida Tapolngon. Ma umodong dagar e ma umoulou tarna lumu ke wan gesa kovok.

1 Korin 7:22

E gute ka dong wokboi nating alo ka Ida Puda rere iye ila gute io ke Ida Puda bitna iye dong langka iye fri. E gute ka dong fri alo ka Ida Puda rere iye ila gute iye polou langka Ida Puda ila wokboi nating.

2 Korin 11:20

E ngaile osep leklou tiwaiki tipagei umu e tiplau umu koke tiwaiki tipi lumu wan bitna bitna deka umosongon isak ma tidue langane. Koke tiwaiki tiyak umu ma umedidi isak koke aitno lisak langka isak itau e timole umu koke tiwaiki tiuri limsak ke banga lumu deka umosongon isak tidue langane.

2 Korin 3:17

Ida Puda ka imawai ine iye Ano Itau e Ida Puda Ano Itau due ite ma itodong fri.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Galesia 3:25

E alo ka aitno lite ila dagar polou deka itodong moli ke plaungan tonari kovok.

Galesia 4:26

E Jerusalem silang dong ke omur heven e iye dong fri. Iye langka tnada.

Galesia 4:31

Sipmi. Iteile ite apmang ka wokmeri nating titno ite kovok. Aurou. Ite apmang ka dong fri titno ite.

Galesia 4:9

E eknikane umeile Ida Tapolngon kodong. Koke wan ka itau Ida Tapolngon ile umu kodong. Deka umawaiki umeiding ke wan ka tapolngon yakngan ka urok arit kovok blang i? E umawaiki umodong langka wokboi nating ke isak blang?

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.

Efesus 6:14

Umodong umekere umu itau. Eriar langka gute ola ina pou let ke palma umopou pelengon lokono ke palma lumu. Eriar langka gute ola ina pou wan langka siot kapa ke omun ine umopou elio ka itau lokono ke omun lumu.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

1 Tesalonaika 3:8

Deka eknikane imeile umodong dagar ke Ida Puda e aitno limi itau e limem mosongon polou itau lokono.

2 Tesalonaika 2:15

E sipmi umevri dagar e aitno lumu la dagar ke pelengon lokono ka imaparere umu ine. Pelengon ka imanapapra ke umu koke imosogoe ke pas ke umu kodong. Deka aling aling umekise dagar.

Hibru 10:23

E itapalongo osep ke aitno lite ila dagar e ke wan itau lokono ka itapara ine. Deka itekis dagar ine e aitno lite orwo ine kovok. Kesua iteile Ida Tapolngon didi ila pelengon keniye ka iye wai ine kodong.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

1 Pita 2:16

Umodong fri e dau ngawaiki aitno lumu mter langane kovok. Itodong fri e itakaranga itodue elio soulu bitna bitna ka itawaiki itodue. Aurou. E ngawaiki umodong Ida Tapolngon ila wokboi nating.

2 Pita 2:19

Osep parerengen yakngan ina tiwai ke osep tonari ma tidong fri e dau isak tona tidong langka wokboi nating ke urok elio soulu ka plau isak. Kesua wan ka mole gute gesa karanga plau iye blang.

Pas ka Jut sogoe 1:3

Sipmi ka ngong lana ngong ke umu. Ke mgongon aitno lungong mter langka ngasogo pas ke umu ka wai ke elio ka Ida Tapolngon lua ite ke udo elio epmes ina. E eknikane aitno lungong mter ma ngasogo pelengon silang ke umu ka langane. Ida Tapolngon kar ila pelengon ke ite ka ila osep deka aitno lite la dagar ine deka ngawaiki umoboko engil ma aitno lumu ila dagar dong dagar. E ngawaiki umopul dogur ke osep ka tiwai pelengon leklou ke umu. Kesua Ida Tapolngon kar ila pelengon ke ite aling kene e ila pelengon segesege kovok.

Pelengon kukwopngon 2:25

Deka umodong dagar ke aitno lumu ila dagar la lama iding ke oklou ka ma ngame.”

Pelengon kukwopngon 3:3

Omtomu sisir pelengon ka oglou umoklingen ine e umekise dagar. E umedidie itau e umabauluk aitno lumu ke lumu elio epmes ina. Langka umakaranga umetipa e umetito kovok ma ngame ke umu suong langka gute panakongon ina me suong. E umakaranga umeile alo ka ma ngame kovok.