Galesia 4:9 - Aria New Testament

⁹ E eknikane umeile Ida Tapolngon kodong. Koke wan ka itau Ida Tapolngon ile umu kodong. Deka umawaiki umeiding ke wan ka tapolngon yakngan ka urok arit kovok blang i? E umawaiki umodong langka wokboi nating ke isak blang?

Galesia 4:9 ပူးပေါင်းရင်းမြစ်များ

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Luk 5:38

E gute due aki wain oku ina sep ke aki wain tarna oku ina.

Jon 10:14

“Ngong sipsip inarak plaungan ka itau e ngaile lou sipsip e tile ngong.

Jon 10:27

Lou sipsip tiklingen kre lungong. E ngaile isak e tididi ngong.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Pas ka Pol sogoe uti la ke osep Rom ina 8:29

Oglou ari Ida Tapolngon rere ite kodong ma itopolou eriar langka Otno Arang Yesus. Iye rere ite deka Yesus ina saiver ite e ida tovro iye.

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

1 Korin 13:12

E eknikane iteile emkil emkil ke Ida Tapolngon ila elio. Eriar langka itavati amtada ke glas ka itavati ite malak ine kovok e itavati langka rurut. E mase ma ite e Ida Tapolngon itavati amtada pulu e ma iteile lokono ke iye eriar langka eknikane iye ile ke ite.

1 Korin 15:34

Umeile umu itau e umosongon lumu elio epmes ina bitna bitna e umodue elio itau vala. Umodue elio soulu e supmu leklou tile ke Ida Tapolngon dau kovok. Ngawai pelengon ane ke umu ma umu mnak umu ke lumu elio soulu.

1 Korin 8:3

E langka gute gesa lana iye ke Ida Tapolngon are Ida Tapolngon ile itau ke gute tonari aitno.

2 Korin 11:20

E ngaile osep leklou tiwaiki tipagei umu e tiplau umu koke tiwaiki tipi lumu wan bitna bitna deka umosongon isak ma tidue langane. Koke tiwaiki tiyak umu ma umedidi isak koke aitno lisak langka isak itau e timole umu koke tiwaiki tiuri limsak ke banga lumu deka umosongon isak tidue langane.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

Galesia 3:3

Aitno lumu kaka koke aurou? Oglou umonogrum umedidi Ano Itau ila arit e eknikane umawaiki umodong e umedidi umu tona lumu arit?

Galesia 4:3

E ite blang langane. Alo ka itodong langka mimi daudeng itodong langka wokboi nating. Itodong langane ke ansak ka tiplau wan ke sirva e wan ke taklak.

Efesus 1:17

Ngapmi Pmada ka Ida Puda Yesus Krais Ina Tapolngon ka ila bublongon e ila arit ombatno lokono ma iye due Ano Itau ma lua umu ma aitno lumu mter itau ke ila elio itau. Ma Ano Itau nis umu ke Ida Tapolngon ila elio itau ma umeile omur ke iye.

2 Timoti 2:19

E Ida Tapolngon ila pelengon dong langka kadanga ka due ninu dong dagar. E sogongon dong ke kadanga tonari ka langane. “Ida Puda ile itau ke osep ka tidong ke ila osua.” E sogongon silang langane. “Osep ka isak Ida Puda ila osep ma tipul dogur ke elio epmes ina.”

Hibru 7:18

Pelengon ane nis ite langane. Ida Tapolngon due Moses ila sogongon polou yagos kesua sogongon tonari ila arit kovok e karanga lua osep kovok.

2 Pita 2:20

Langka osep aitno lisak la dagar ke Yesus Krais ka iye Ida Puda e Ida Luangan deka tikos ke wan bitna bitna ka soulu ka taklak ina. E langka mase tiding tidue elio soulu blang e elio soulu plau isak deka urok mosongon polou soulu blang. Oglou urok mosongon soulu e eknikane urok mosongon soulu lokono.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.