Galesia 4:6 - Aria New Testament

⁶ Eknikane umodong Ida Tapolngon titno. E Ida Tapolngon pagei Otno Arang Ano Itau me dong ke aitno lite deka Ano Itau due ite ma itegi langane. “Abo. Livou.”

Galesia 4:6 ပူးပေါင်းရင်းမြစ်များ

Mak 14:36

Ari iye wai langane. “Abo Livou. Ngaile elio keniye ka amwaiki omdue amkaranga omdue. Ngawaiki elio soulu lokono ka osep tiwaiki tidue ke ngong ma polou ke ngong kovok. E dau emdidi aitno lungong ine kovok. Aurou. Emdidi aitno lugom ine vala.”

Luk 11:13

Umu osep ka umodue elio soulu e dau umakar wan itau ke otopmu. Deka Pmomu ka dong ke omur heven ma mole lumu elio tonari e kar Ano Itau ke osep ka tipmi iye ine.”

Luk 11:2

E Yesus wai ke isak langane. “Alo ka umawai itau umawai langane. ‘Pmemi omlua imi ma imodue anit ke wom. E imawaiki omur ka amplaue me ke taklak.

Jon 14:16

E ma ngapmi Livou e ma iye pagei Luangan silang ke umu e ma iye dong kap umu aling aling.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Aposel 16:7

Isak kla tipolou ke omur Misia ina olung ma tisep ke provins Bitinia e tisepe kovok kesua Yesus Ano Itau dangdang isak ine.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

Pas ka Pol sogoe uti la ke osep Rom ina 8:9

E langka umu io elio oglou ina pagei pampamu lumu kovok. Kesua Ida Tapolngon Ano Itau ka dong ke aitno lumu plau umu vala. E osep ka Krais Ano Itau dong ke aitno lisak kovok isak Krais ila osep kovok.

1 Korin 15:45

Ida Tapolngon ila pelengon wai langane. “Gute ka mgongon ina angaine Adam. Ida Tapolngon due polou deka iye dong.” E Ano Itau due gute Adam ka orwo ina ka me batne polou deka iye dong ma iye kar mosongon lokono ke ite.

2 Korin 1:22

Iye due ila nisngen ke ite ka nis osep ite ila osep ite e iye kar Ano Itau ke ite ka dong ke aitno lite. Deka iteile omur ma iye kar wan ka itau lokono ke ite kesua Ano Itau dong ke aitno lite.

2 Korin 3:17

Ida Puda ka imawai ine iye Ano Itau e Ida Puda Ano Itau due ite ma itodong fri.

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Efesus 2:18

Deka imi osep Yuda ina e umu ka osep Yuda ina kovok ite keniye itodong ke Krais ila osua ka kene vala. E Ano Itau dong ke ite keniye aitno lite langka ekreng gesa ma itakaranga itawai itau ke Pmada e itakakai angaine tito ine.

Efesus 4:30

Umodue elio soulu ka due Ida Tapolngon Ano Itau kro ine kovok. Kesua Ida Tapolngon due Ano Itau sep ke aitno lumu deka iye rere umu ila osep umu. E Ano Itau ka dong ke aitno lumu iye nisngen umu Yesus ila osep. Deka mase ma Ida Tapolngon due umu ka Ano Itau dong ke aitno lumu ma lumu elio epmes ina munu pes umu kovok e umodong kap iye.

Efesus 6:18

Alo ka Ano Itau due aitno lumu e waiki umawai itau ke Ida Tapolngon ma iye lua umu ke lumu elio isuk isuk deka umawai itau ke iye. E oklou aling aling umeile umu itau e umawai itau ke Ida Tapolngon e umosongon elio ane kovok. E silang blang langane. Umawai itau ke Ida Tapolngon ma iye lua ila osep ke urok mosongon.

Filipai 1:19

Aitno lungong neser kesua ngaile lumu pmingen itau e Yesus Krais Ano ila luangan ma lua ngong ma ngasongon kalabus ane.

1 Tesalonaika 4:8

E gute ka pli pelengon ane iye langka pli osep urok pelengon vala kovok. Aurou. Iye pli Ida Tapolngon ka kar Ano Itau ke ite ila pelengon.

1 Pita 1:11

Ari Krais Ano Itau due aitno lisak deka nis isak ke elio ka mase Krais namani agegeng ka polou ke iye. Ano Itau nis osep napaprangan ina ke elio tonari deka tiwaiki tile omur lesen ma elio tonari polou lokono e elio itau lokono lange ma polou.

Pas ka Jut sogoe 1:20

Sipmi. Aitno lumu la dagar ke Ida Tapolngon kodong e ngawaiki aitno lumu ila dagar res polou dagar lokono. E Ano Itau dong ke aitno lumu e ngawaiki umawai itau ke Ida Tapolngon ke Ano Itau ila arit.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”