Galesia 4:4 - Aria New Testament

⁴ E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Galesia 4:4 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Matyu 3:15

E Yesus koli wai langane. “Omsongone ke oku ane kesua ke elio ane itodue wan ka didi Ida Tapolngon ila elio ka itau e osuk.” Deka Jon didi ila pelengon e paunim Yesus.

Matyu 5:17

“Aitno lumu mter langka ngame ma ngadue Moses ila sogongon e osep napaprangna ina urok sogongon polou yagos kovok. Aurou. Ngame ma ngadue isak tipolou yagos kovok. Ngame ma ngadue isak tipolou lokono.

Mak 1:15

Iye napapra ke isak langane. “Eknikane taim ka Ida Tapolngon rere ma iye vri mgo ke osep polou kodong. Deka umabauluk aitno lumu ke lumu elio epmes ina e aitno lumu la dagar ke Ida Tapolngon ila omon itau.”

Luk 1:31

Emklingen. Ma omsomugu e emdivir etim arang e ma ambaski angaine Yesus.

Luk 1:35

Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 2:7

E Maria divir ina sirngen otno arang e tikading iye ke molo arlak e tidue munu ke karoro ka ongwa aim tingen inarak ngangon ine. Tidue langane kesua spes dong ke isak ke ninu kaulei ina kovok.

Luk 20:44

Devit sir iye ‘Ngau Puda’ deka ina lange iye karanga dong Devit otno arang?”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 10:36

Langka iye wai ke isak langane lange ke ngong ka Ida Tapolngon rere ngong e pagei ngong ngame ke taklak? Ina lange umawai ngawai soulu ke Ida Tapolngon alo ka ngasir ngong Ida Tapolngon Otno Arang?

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 6:38

Kesua ngaduru ngame ke omur heven ma ngadidi aitno lungong kovok. Aurou. Ngame ma ngadidi gute ka pagei ngong ngame aitno vala.

Jon 8:42

Deka Yesus koli wai ke isak langane. “Langka Ida Tapolngon pmomu lokono ma umu lana umu ke ngong kesua ngasongon iye e ngame ngadong ane. E ngadidi aitno lungong e ngame kovok. Aurou. Iye pagei ngong ngame.”

Aposel 1:7

Deka iye koli wai ke isak langane. “Oglou kodong Livou didi aitno deka rere wan bitna bitna keniye ka ma tipolou ke lesen ma tipolou. Iye tona ile ine e umeile ine kovok. Deka aitno lumu kro ke lesen ma wan bitna bitna tipolou kovok.

Pas ka Pol sogoe uti la ke osep Rom ina 1:3

Omon tonari lana ine la ke Ida Tapolngon Otno Arang Yesus. Iye tona gute Devit ka oglou vri mgo ke osep Israel ina ila napakngan.

Pas ka Pol sogoe uti la ke osep Rom ina 15:8

Ngawai langane. Krais polou langka gute bokongon ina ma iye lua osep Yuda ina. Iye due langane ma tile omur Ida Tapolngon ila elio didi ila promis ka oglou iye wai ke urok seia ine.

Pas ka Pol sogoe uti la ke osep Rom ina 5:6

Oglou elio epmes ina kading itosep. E ari iteile ke ekreng itau gesa ka karanga lua ite ma itomole udo elio epmes ina kovok. Ari Ida Tapolngon didi aitno e pagei Yesus me polou ke ite ma ina metengen kli udo elio epmes ina.

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

Efesus 1:10

Oglou Ida Tapolngon rere oklou ka lesen ma wan ka pula keniye ma polou yagos. Deka mase ma iye due polou yagos. E ma iye tona due Krais ma plau ila duengen ka pula keniye. Ma iye plau wan bitna bitna keniye ka dong ke omur ka egim e ma iye plau wan bitna bitna keniye ka dong ke taklak blang.

Kolosi 2:14

Oglou itadar Ida Tapolngon ila pelengon e itodue elio epmes ina bitna bitna ka tivri lite e iye sogo ite kente kente udo elio soulu ke ila buk. Deka alo ka Ida Tapolngon klok udo elio epmes ina la ane langka iye sak udo elio epmes ina ke ila buk ma isak yagos e tivri lite kovok. Elio ka iye lua ite langka iye nilim udo elio epmes ina bitna bitna ke Krais ina akai deka isak yagos.

1 Timoti 2:6

Alo ka Ida Tapolngon rere io Krais soro pampamu ine ma iye lua ite ma itodong itau ke Ida Tapolngon bitna. E ke elio tonari Ida Tapolngon nis ite langka iye waiki lua osep ka pula keniye.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Hibru 2:14

Osep tonari ka Yesus wai ine isak osep vala. E Yesus me polou langka itosep ma iye mete e ina metengen due Satan ila arit ka due osep timete polou yagos.

Hibru 9:10

E wan tonari la ke ngangon ka itakaranga itangen e ke aki ka itakaranga iteinim e ke elio bitna bitna ka osep tidue ma tidong itau e eip ke Ida Tapolngon bitna. Isak wan ke tarna lite vala e dong la lama iding ke wan oku polou.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

1 Jon 4:2

Umoklingen. Osep ka tiwai Yesus Krais duru ke taklak e polou langka itosep urok pelengon ina poloungon batne ke Ida Tapolngon.