Galesia 4:3 - Aria New Testament

³ E ite blang langane. Alo ka itodong langka mimi daudeng itodong langka wokboi nating. Itodong langane ke ansak ka tiplau wan ke sirva e wan ke taklak.

Galesia 4:3 ပူးပေါင်းရင်းမြစ်များ

Matyu 11:28

“Langka umakalke lumu sigi e umobure deka umomo ke ngong e ma ngalua umu ma umomtong.

Jon 8:31

E Yesus wai ke osep Yuda ina ka aitno lisak dagar ke iye langane. “Langka umedidi lou parerengen umodong lou disaipel lokono.

Aposel 15:10

E ina lange umakar elio ka opru ke osep ka aitno lisak dagar ke Yesus? Oglou udo seia tikaranga ke elio tonari kovok e ite blang itakaranga ine kovok. Ina lange umotok Ida Tapolngon ine langane?

Pas ka Pol sogoe uti la ke osep Rom ina 7:14

Oglou Ano Itau due Moses aitno deka iye sogo ila sogongon ka itau. E ngong gute e elio epmes ina waiki plau ngong ma ngadue elio soulu vala.

Pas ka Pol sogoe uti la ke osep Rom ina 8:15

Ida Tapolngon tuktuk Ano Itau ke ite kente kente ma lua ite. E Ano Itau dangdang ite ke elio ka itoulou tarna lite ke wan bitna bitna e ma elio tonari plau ite blang kovok. Ida Tapolngon tuktuk Ano Itau ke ite ma itopolou titno vala. Deka Ano Itau due ite ka titno aitno lite e itawai ke Ida Tapolngon langane. “Abo. Livou.”

2 Korin 11:20

E ngaile osep leklou tiwaiki tipagei umu e tiplau umu koke tiwaiki tipi lumu wan bitna bitna deka umosongon isak ma tidue langane. Koke tiwaiki tiyak umu ma umedidi isak koke aitno lisak langka isak itau e timole umu koke tiwaiki tiuri limsak ke banga lumu deka umosongon isak tidue langane.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Galesia 3:19

Ina lange Moses ila sogongon dong? Iye dong batne langane. Ida Tapolngon waiki elio epmes ina ina poloungon batne ma polou malak. Iye waiki elio tonari dong la lama iding ke Abraham ila napakngan ka Krais polou. Ida Tapolngon wai ila promis dagar ke iye. E Ida Tapolngon kar Moses ila sogongon ke ensel e tipalongo ine ke gute airavu ina deka gute airavu ina paure ke ite.

Galesia 4:2

Iye dong moli ke osep plaungan ina e osep ka timgo ke iye la lama iding ke alo ka timla rere.

Galesia 4:24

Deka pelengon ano kene dong ke basikngen tonari. Apmang orwo tonari isak nisngen ke pelengon orwo. Hagar iye langka pelengon ke gigri Sainai deka titno tipolou langka osep ka wokboi nating.

Galesia 4:25

Hagar iye langka gigri Sainai ka dong ke omur Arebia e silang iye langka armok Jerusalem ka dong ke eknikane. Jerusalem tonari iye langka apmang ka wokmeri nating kap titno ka pula keniye.

Galesia 4:31

Sipmi. Iteile ite apmang ka wokmeri nating titno ite kovok. Aurou. Ite apmang ka dong fri titno ite.

Galesia 4:8

Oglou umeile Ida Tapolngon kovok e umodong langka wokboi nating ke wan ka isak tapolngon kovok.

Galesia 4:9

E eknikane umeile Ida Tapolngon kodong. Koke wan ka itau Ida Tapolngon ile umu kodong. Deka umawaiki umeiding ke wan ka tapolngon yakngan ka urok arit kovok blang i? E umawaiki umodong langka wokboi nating ke isak blang?

Kolosi 2:20

Umemete kap Krais kodong e ano ka tiplau taklak ane tiplau umu kovok. Deka ina lange umu dau umelila langka isak dau tiplau umu? Ina lange umedidi urok pelengon bitna bitna?

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.

Hibru 5:12

Umoklingen Ida Tapolngon ila pelengon ko-dong. E eknikane ngawaiki ma umakaranga umaparere osep leklou ke Ida Tapolngon ila pelengon. E aurou. Osep dau tiparere umu ke Ida Tapolngon ila pelengon ka mgongon ina vala. Ane langka umakaranga umangen ngangon dagar kovok. E langka umu dau umeinim sisu vala.

Hibru 7:16

Osep Livai ina tikaranga tipolou osep loulou ina batne Moses ila sogongon wai ine. E gute loulou ina oku polou batne ke ila arit ka ombatno e ke ila mosongon ka dong vala dong.