Galesia 4:18 - Aria New Testament

¹⁸ Langka aitno lite omba ma itodue elio itau ke osep are itau. Aling aling umodue elio langane lama ngadong kap umu koke ngadong kap umu kovok.

Galesia 4:18 ပူးပေါင်းရင်းမြစ်များ

Jon 2:17

Deka ila disaipel amtarsak sisir pelengon ka oglou osep tisogo ke Ida Tapolngon ila pelengon ka wai langane. “Elio ka ngong lana ngong ke lem ninu due ngong e polou langka eiou ka dong ke aitno lungong.”

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

Galesia 4:13

E umeile langane. Dangon due ngong alo ka ngame nganapapra omon itau ke umu aling mgongon ina.

Galesia 4:17

Umoklingen. Osep ka tiwai dikngen ke umu aitno lisak mter langka tilua umu kovok. Aurou. Tiwaiki tidue ngong e umu itadar pulu ma aitno lumu la ke isak ma umolua isak.

Galesia 4:20

Aisudo. Eknikane ngadong kap umu kovok. Langka ngadong kap umu ma ngawai pelengon itau ke umu. Aitno lungong kro lokono ke umu e ngaile kovok ma ngalua umu ke elio lange.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Pelengon kukwopngon 3:19

Ngong lana ngong ke osep deka ma nganis isak ke urok elio soulu e ma ngamosi urok elio soulu. Deka ma umoboko engil lokono e umabauluk aitno lumu ke lumu elio epmes ina.’”