Galesia 4:14 - Aria New Testament

¹⁴ Pampamu lungong ila arit kovok e elio ane due elio ka opru umu. E umopul dogur ke ngong kovok e umoulou ma umodong kap ngong kovok. Aurou. Umodue ngong langka ngong Ida Tapolngon ila ensel gesa koke langka umodue Krais Yesus.

Galesia 4:14 ပူးပေါင်းရင်းမြစ်များ

Matyu 10:40

“Gute gesa ka due umu umesep ke ila ninu due ngong ngasep blang. E gute ka due ngong ngasep ke ila ninu due gute ka pagei ngong ngame iye sep blang.

Matyu 18:5

E gute sei ka aitno mter ke ngong e aitno itau ke agau langka agau ane aitno itau ke ngong blang.

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Luk 10:16

E Yesus wai ke ila osep bokongon ina tonari langane. “Gute ka klingen lumu pelengon klingen lou pelengon blang e gute ka pli umu pli ngong blang. E gute ka pli ngong pli Ida Tapolngon ka pagei ngong ngame.”

Jon 13:20

Ngawai lokono ke umu langane. Langka osep aitno lisak itau ke osep ka ngapagei isak deka aitno lisak itau ke ngong blang. E langka aitno lisak itau ke ngong deka aitno lisak itau ke Ida Tapolngon ka pagei ngong ngame blang.”

1 Korin 1:28

Ida Tapolngon rere osep ka langane ma isak ila osep. Osep ka angainsak omba kovok e osep leklou ka aitno lisak soulu ke isak e tivati isak langka wan adai vala. Ida Tapolngon rere osep ka langane kesua iye waiki osep ka pula keniye tile osep ka isak kensak kensak aitno lisak itau ke isak tidong langka wan adai.

1 Korin 4:10

Aitno limi dagar ke Krais deka osep aitno lisak mter langka imi osep ka kaka e umodong langka osep ka umeile omur ke Krais. Limem arit kovok e lumu arit omba. Angainmi daudeng e angainmu omba.

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

Galesia 3:26

Umu ka pula keniye aitno lumu dagar ke Krais Yesus e umeneklep ke iye e ke elio langane umopolou Ida Tapolngon titno.

Galesia 3:28

Ke Krais ila osua osep tidong langka osep Yuda ina e osep Grik ina kovok. E osep tidong langka wokboi nating e osep ka tidong fri kovok. E osep tidong langka osep arang e apmang kovok. Aurou. Ke Krais Yesus umu ka pula keniye umodong langka osua kene vala.

Galesia 4:13

E umeile langane. Dangon due ngong alo ka ngame nganapapra omon itau ke umu aling mgongon ina.

Galesia 4:15

Alo ari aitno lumu neser e aitno lumu itau ke ngong. E eknikane ina lange aitno lumu neser kovok? Ngawai lokono. Alo ari aitno lumu omba lokono ke ngong ma umawaiki umolua ngong. Langka umakaranga umepi omtomu deka umepie e umakar isak ke ngong.

1 Tesalonaika 2:13

Aling aling imawai tenkyu ke Ida Tapolngon ke wan bitna bitna ka iye due batne langane. Alo ka imanapapra Ida Tapolngon ila omon itau ke umu deka umodue e aitno lumu la dagar ine langka pelengon tonari gute gesa ila pelengon vala kovok. Aurou. Umodue langka iye Ida Tapolngon ila pelengon. E lokono pelengon ane Ida Tapolngon ila pelengon. E omon tonari lua umu ka aitno lumu dagar ke Krais ke lumu mosongon.

1 Tesalonaika 4:8

E gute ka pli pelengon ane iye langka pli osep urok pelengon vala kovok. Aurou. Iye pli Ida Tapolngon ka kar Ano Itau ke ite ila pelengon.

Hibru 13:2

E omtomu sisir langane. Alo ka osep kaulei time ke umu deka umekere isak itau. Kesua umeile oglou ensel leklou tipolou e osep tivati isak langka isak osep kaulei. E tikere isak itau e tile isak ensel kovok.