Galesia 4:13 - Aria New Testament

¹³ E umeile langane. Dangon due ngong alo ka ngame nganapapra omon itau ke umu aling mgongon ina.

Galesia 4:13 ပူးပေါင်းရင်းမြစ်များ

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Aposel 16:6

Pol gosok sisrok tilila ke omur Frigia e omur Galesia e ari tinapapra Ida Tapolngon ila pelengon ke provins Esia kovok. Kesua Ida Tapolngon Ano Itau dangdang isak ine.

1 Korin 2:3

E alo ka ngadong kap umu lou arit kovok. Aurou. Anngong nesik e nganakarkar omba.

2 Korin 10:10

Osep leklou tiwai langane. “Pol sogo pelengon ka dagar ke ila pas keniye e alo ka iye polou ke amtada itavati iye langka ila arit kovok e elio ka iye wai ke osep are wan adai vala.”

2 Korin 11:30

Ngakakai angain ngong ke wan pula kovok. Aurou. E langka ngakakai angain ngong io ma ngakakaie kesua lou arit dong kovok.

2 Korin 11:6

E osep leklou aitno lisak mter ngaile omur ke elio ka ngawai ke osep amtarsak kovok e dau ngaile omur ke wan bitna bitna. E aling aling ke wan bitna bitna keniye imenis umu langka imeile omur ke wan tonari.

2 Korin 13:4

Lokono. Alo ka osep tinilim Krais mana ke ina akai iye didi ila arit kovok. E oku ane Ida Tapolngon ila arit due poga tito ke ina denga. E imeneklep ke Krais e imi kenmi kenmi limem arit kovok. E dau alo ka imodong kap umu ma umeile omur Ida Tapolngon ila arit dong kap imi.

Galesia 1:6

E oku ane ngadigrik lokono ke elio ka umodue. Krais ila bokongon lua umu e Ida Tapolngon due umu umopolou ila osep ine. Deka tauni kovok umosongon iye e umedidi omon silang ka umesire omon itau.

Galesia 4:12

Sipmi. Ngawaiki ma umo-polou eriar langka ngong. Ngasongon Moses ila sogongon e ngapolou eriar langka umu. E umodue elio soulu gesa ke ngong kovok.

Galesia 4:14

Pampamu lungong ila arit kovok e elio ane due elio ka opru umu. E umopul dogur ke ngong kovok e umoulou ma umodong kap ngong kovok. Aurou. Umodue ngong langka ngong Ida Tapolngon ila ensel gesa koke langka umodue Krais Yesus.

Galesia 4:18

Langka aitno lite omba ma itodue elio itau ke osep are itau. Aling aling umodue elio langane lama ngadong kap umu koke ngadong kap umu kovok.