Galesia 3:8 - Aria New Testament

⁸ Ke oglou lokono Ida Tapolngon ile langane. Mase osep ka isak osep Yuda ina kovok ma aitno lisak la dagar ke omon itau. Deka elio langane polou e iye due isak ma tipolou itau lokono ke bitna. Oglou iye palongo Abraham ke omon itau e Ida Tapolngon ila pelengon wai langane. “Mase ma ngakere osep ka pula keniye itau batne ke wom.”

Galesia 3:8 ပူးပေါင်းရင်းမြစ်များ

Jon 19:37

E Ida Tapolngon ila pelengon palma silang wai langane. “Osep ma tivati gute ka oglou timter iye.”

Jon 7:38

Ane langka Ida Tapolngon ila pelengon ka wai langane. ‘Langka gute aitno dagar ke ngong ma aki ka mosongon ina polou ke aitno e baser la.’”

Jon 7:42

Kesua Ida Tapolngon ila pelengon wai gute Krais iye Devit ila napakngan e ma tna divir iye ke Devit ila armok batne Betlehem.”

Pas ka Pol sogoe uti la ke osep Rom ina 9:17

Ke Ida Tapolngon ila pelengon iye wai ke Fero langane. “Ngadue wom emvri mgo ke omur Isip. Ngadue lang-ane kesua batne ma osep ka pula keniye ke taklak ka pula keniye tivati lou arit ka ngadue ke wom. E ma osep pula tikakai angain ngong tito la egim ine.”

Pas ka Pol sogoe uti la ke osep Rom ina 9:30

E aitno lite lange ke elio tonari? Kesua oglou ari osep ka isak osep Yuda ina kovok tikrim ekreng ma tipolou itau e osuk ke Ida Tapolngon bitna kovok. Lama langane Ida Tapolngon due isak tipolou itau e osuk ke bitna kesua aitno lisak dagar ke iye.

Galesia 3:16

Oglou Ida Tapolngon wai ke wan itau ka mase ma polou. Ida Tapolngon kar promis dagar tonari ke Abraham orwo otno. Ida Tapolngon ila pelengon wai ke Abraham titno pula kovok. Aurou. Iye wai ke otno kene vala. Otno tonari Krais.

Galesia 3:22

Ida Tapolngon ila pelengon wai elio epmes ina due ite ka pula keniye ka itodong ke taklak itodong langka itodong ke kalabus. E Ida Tapolngon songon elio tonari polou ma aitno lite dagar ke Yesus Krais. Deka ma itodue wan ka Ida Tapolngon wai dagar kodong ka ma iye kare ke osep ka aitno lisak dagar ke iye.

Galesia 4:30

Ida Tapolngon ila pelengon wai lange? Iye wai langane. “Amsapir apmang ka wokmeri nating kap otno kla. Mimi ke apmang ka wokmeri nating ma due wan ke timla kovok. E mimi ke apmang ka dong fri vala ma due.”

Hibru 4:2

E iteklingen Ida Tapolngon ila omon itau langka oglou osep Israel ina tiklingen ine. Tiklingen ine e dau aitno lisak la dagar ine kovok deka pelengon tonari lua isak kovok.

Pelengon kukwopngon 11:15

Deka ensel lumorwo ina ipu ina kuliep e ngaklingen osep ka tidong ke omur heven tiwai omba langane. “Elio ka osep tivri mgo ke omur omur ke taklak polou yagos e Ida Tapolngon ka iye Ida Puda kap Yesus ka iye rere gute Krais ma tiplau osep dong vala dong.”