Galesia 3:22 - Aria New Testament

²² Ida Tapolngon ila pelengon wai elio epmes ina due ite ka pula keniye ka itodong ke taklak itodong langka itodong ke kalabus. E Ida Tapolngon songon elio tonari polou ma aitno lite dagar ke Yesus Krais. Deka ma itodue wan ka Ida Tapolngon wai dagar kodong ka ma iye kare ke osep ka aitno lisak dagar ke iye.

Galesia 3:22 ပူးပေါင်းရင်းမြစ်များ

Mak 16:16

Deka osep seisei ka aitno lisak dagar ine e tididi elio paunimngen ina ma ngalua isak ke urok elio epmes ina. E osep seisei ka aitno lisak la dagar ke ngong kovok ma Ida Tapolngon kot isak ine ke omur hel.

Jon 12:46

Ngame ke taklak ma ngadong langka bublongon ma gute ka aitno dagar ke ngong dong ke aivoro kovok.

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 3:36

Osep seisei ka aitno lisak la dagar ke Ida Tapolngon Otno Arang ma tidue urok mosongon ka dong vala dong. E osep seisei ka tipli iye ma tidue mosongon ka dong vala dong kovok e Ida Tapolngon aitno ila engil ma dong ke isak.”

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Aposel 16:31

Deka tikoli tiwai ke iye langane. “Langka aitno lugom la dagar ke Ida Puda Yesus ma iye lua wom ke lem elio epmes ina. Deka ma iye lua osep ka tidong kap wom ke lem ninu langane blang.”

Pas ka Pol sogoe uti la ke osep Rom ina 10:9

­Deka imanapapra langane. Umu kenmu kenmu umapalongo aitno lumu ke osep. Umapalongo urok aitno lumu dagar ke Upu Puda Yesus e aitno lumu dagar ke elio ka Ida Tapolngon due Yesus poga tito ke ina denga kodong. E ma Ida Tapolngon lua umu kenmu kenmu ke lumu elio epmes ina.

Pas ka Pol sogoe uti la ke osep Rom ina 11:32

Ida Tapolngon dau songon elio ka osep tididi ila pelengon kovok e elio ane bitna langka urok elio epmes ina kis dagar ke isak. Lama langane lokono Ida Tapolngon kot isak ine kovok. Kesua iye waiki aitno due isak.

Pas ka Pol sogoe uti la ke osep Rom ina 3:22

Eknikane elio kene vala dong ka Ida Tapolngon didie e due osep tipolou itau e osuk ke bitna. Iye due osep ka pula keniye ka aitno lisak la dagar ke Yesus Krais tipolou itau e osuk ke bitna. Iye due ila elio kene langane ke osep ka pula keniye.

Pas ka Pol sogoe uti la ke osep Rom ina 3:23

Kesua osep ka pula keniye tidue elio epmes ina kodong e tidong mawa ke iye e ke ila bublongon.

Pas ka Pol sogoe uti la ke osep Rom ina 5:12

Oglou ari Adam due elio epmes ina gesa ka mgo ke elio epmes ina ka pula keniye. Deka ari elio epmes ina e metengen duru dong ke iye. Deka elio epmes ina e metengen tonari pakes duru ke itosep ka pula keniye. Kesua batne elio epmes ina ka mgongon ka Adam due.

Galesia 3:14

Ida Tapolngon kar kerengen ke Abraham e iye wai ma kerengen la ke osep ka pula keniye. Deka ke bokongon ka Yesus Krais due kerengen tonari polou ke osep ka pula keniye kodong. Ite ka pula keniye ma aitno lite dagar ke omon itau e ma itodue Ano Itau langka oglou Ida Tapolngon wai promis ine.

Galesia 3:17

Lou pelengon batne langane. Oglou Ida Tapolngon wai promis dagar ke Abraham deka tobor 430 mela yagos e Moses ila sogongon polou. Moses ila sogongon polou ke batne e karanga dar promis dagar ka Ida Tapolngon kare ke Abraham kodong kovok. Iye karanga due Ida Tapolngon ila pelengon ka oglou iye wai ine kodong polou yagos kovok. Aurou.

Galesia 3:23

Alo ka aitno lite dau dagar kovok itodong ke kalabus ke Moses ila sogongon. Itodong ke kalabus tonari la lama iding ke alo ka aitno lite ila dagar polou malak kodong.

Galesia 3:29

E langka umodong ke Krais ila osua umodong langka Abraham titno blang. E ma umodue wan ka oglou Ida Tapolngon wai dagar ine ke Abraham deka iye kare ke Abraham.

2 Timoti 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong ila aposel. Ma ngawai ke osep ke mosongon oku ina ka dong vala dong. Ida Tapolngon wai promis ma iye kar mosongon oku ina tonari ke osep ka aitno lisak dagar ke Krais Yesus.

Hibru 9:15

Krais loulou ke ite deka iye due Ida Tapolngon ila kontrak oku ina polou kesua Ida Tapolngon waiki osep ka iye rere isak ila osep tidue wan ka iye wai dagar ma tidue e wan tonari dong vala dong. Yesus ina marau e ina metengen kli urok elio epmes ina bitna bitna ka tidue alo ka oglou tididi Moses ila sogongon.

2 Pita 1:4

Iye due langane deka kar ila kerengen ka omba lokono e ka ina klingen ombatno ka iye wai promis ine kodong ke ite. Iye kar ila kerengen ke ite ma itokos ke elio soulu bitna bitna ka taklak ane ina ka waiki pagolgol aitno lite. E ma itodong kap iye e itodong itau lokono langka iye dong itau lokono.

2 Pita 3:13

E itapara ke wan ka Ida Tapolngon wai promis ine kodong. Iye wai promis ma sirva oku e taklak oku ma tipolou e tidong. Alo ka iye due isak tipolou osep ma tidong ine e tidue elio isuk isuk ka itau vala.

1 Jon 2:25

E Krais wai promis kodong ma iye kar mosongon ka dong vala dong ke ite.