Galesia 3:10 - Aria New Testament

¹⁰ E Ida Tapolngon ma due agegeng ke osep ka tiwaiki tididi Moses ila sogongon ma sogongon tonari due isak tipolou itau ke bitna. Kesua Ida Tapolngon ila pelengon wai langane. “Langka gute gesa didi pelengon keniye ka dong ke Moses ila sogongon kovok ma Ida Tapolngon due agegeng ke iye.”

Galesia 3:10 ပူးပေါင်းရင်းမြစ်များ

Matyu 25:41

“Deka iye ma wai ke osep ka tidong ke galna gala langane. ‘Umu ka Ida Tapolngon mulu umu umosongon ngong e umala ke eiou ka dong vala dong ka Ida Tapolngon rere ke Satan e ila angelo soulu.

Pas ka Pol sogoe uti la ke osep Rom ina 4:15

Moses ila sogongon nis ite ke udo elio soulu vala. E osep ka tidar sogongon tonari e tidue elio soulu vala Ida Tapolngon aitno ila engil ma due isak. E langka pelengon dagar gesa ka plau ite dong kovok ma itakaranga itadar pelengon dagar tonari kovok.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

Pas ka Pol sogoe uti la ke osep Rom ina 8:7

E osep ka elio epmes ina plau isak vala isak Ida Tapolngon ina oul. Kesua tidar ila pelengon e tididi aitno lisak vala. Osep ka langane tidar ila pelengon vala e tikaranga tididie kovok.

2 Korin 3:7

Oglou Ida Tapolngon kar ila pelengon ke Moses e pelengon tonari due metengen polou ke osep. E alo ka Ida Tapolngon sogoe ke opmu pelengon polou kap Ida Tapolngon ila bublongon. Deka Moses bitna bublo omba e osep Israel ina amtarsak tikaranga tinekek ine kovok. E dau bublongon dong tauni kovok e mase yagos.

Galesia 2:16

Iteile Ida Tapolngon aitno mter ke gute ka didi Moses ila sogongon e ke batne langane iye sir iye gute itau kovok. Aurou. Gute ka aitno dagar ke Krais Yesus vala Ida Tapolngon sir iye gute itau. Ite blang aitno lite dagar ke Krais Yesus kesua iteile ekreng ane ekreng kene vala ma Ida Tapolngon sir ite osep itau. E ke ekreng ka itedidi Moses ila sogongon kovok. Kesua gute gesa karanga didi Moses ila sogongon e Ida Tapolngon sir iye gute itau kovok. Aurou.