Galesia 3:1 - Aria New Testament

¹ Umu osep Galesia ina umu manga manga. Imenis Yesus Krais ke umu kodong. Deka umavati langka iye mana ke ina akai e mete ke osep amtarsak. Deka sei nak aitno lumu?

Galesia 3:1 ပူးပေါင်းရင်းမြစ်များ

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 7:26

E gute ka klingen lou pelengon e inie kovok iye langka gute ka kaka ka uri ila ninu ke lavu vala.

Luk 24:25

Deka Yesus wai ke isak langane. “Umu kaka lokono e aitno lumu la dagar suong ke pelengon ka oglou osep napaprangan ina tiwai ine kovok.

Aposel 16:6

Pol gosok sisrok tilila ke omur Frigia e omur Galesia e ari tinapapra Ida Tapolngon ila pelengon ke provins Esia kovok. Kesua Ida Tapolngon Ano Itau dangdang isak ine.

Aposel 6:7

Alo ari Ida Tapolngon ila pelengon pakes lila e osep pula ka tidong ke Jerusalem aitno lisak la dagar ke Yesus. Deka osep ka aitno lisak dagar ke Yesus tires tipolou pula. E silang osep loulou ina pula aitno lisak la dagar ke Yesus.

Pas ka Pol sogoe uti la ke osep Rom ina 10:16

Osep Israel ina leklou aitno lisak dagar ke Ida Tapolngon ila omon itau kovok. Elio ane eriar langka oglou Aisaia sogo ine langane. “Ngau Puda osep seisei tidong ka aitno lisak dagar ke pelengon ka imanapapra ine?”

Pas ka Pol sogoe uti la ke osep Rom ina 2:8

E osep ka aitno lisak vri ke isak e tipul dogur ke elio itau e tidue elio soulu vala ma Ida Tapolngon aitno engil ke isak. Ma aitno engil lokono ke isak e ila wadengen ma due isak.

Pas ka Pol sogoe uti la ke osep Rom ina 6:17

Oglou elio epmes ina plau umu e umodue elio epmes ina bitna bitna vala. Mase osep tiparere umu ke Ida Tapolngon ila pelengon deka aitno lumu la dagar ine. Aitno lumu dong dagar ine e ngakakai Ida Tapolngon angaine tito ine.

1 Korin 11:26

Yesus ila pelengon nisngen langane. Aling aling alo ka umangen bret e umeinim aki wain ane umapalongo osep ke Ida Puda ina metengen la lama alo ka ma iye iding me.

1 Korin 2:2

Aitno lungong langane. Alo ka ngadong kap umu aitno lungong mter ke wan silang blang kovok. Aurou. Aitno lungong la dagar ke Yesus Krais e elio ka iye mana ke ina akai e mete ine.

2 Korin 10:5

Imomole pelengon bitna bitna ka para pulu ke Ida Tapolngon ila pelengon e pelengon ka waiki pagolgol osep aitno lisak ma tile Ida Tapolngon kovok. Limem pelengon mole osep ka aitno lisak mter pelengon ka para pulu ke Ida Tapolngon ila pelengon deka ma tini Krais.

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

Galesia 1:2

Ngong imogosok osep ka tididi Ida Tapolngon ila pelengon imosogo pas ane uti ke umu osep ka umodong ke sios kene kene ke omur Galesia.

Galesia 1:6

E oku ane ngadigrik lokono ke elio ka umodue. Krais ila bokongon lua umu e Ida Tapolngon due umu umopolou ila osep ine. Deka tauni kovok umosongon iye e umedidi omon silang ka umesire omon itau.

Galesia 2:14

Alo ka ngavati isak tididi pelengon lokono ka omon itau kovok ngawai ke Pita ke osep amtarsak langane. “Wom gute Yuda ina e dau emdidi elio langka osep ka isak osep Yuda ina kovok e wom tona emdidi osep Yuda ina inarak apu kovok. E ina lange amwaiki ampagei osep ka isak osep Yuda ina kovok ma tididi osep Yuda ina inarak apu?”

Galesia 3:3

Aitno lumu kaka koke aurou? Oglou umonogrum umedidi Ano Itau ila arit e eknikane umawaiki umodong e umedidi umu tona lumu arit?

Galesia 4:9

E eknikane umeile Ida Tapolngon kodong. Koke wan ka itau Ida Tapolngon ile umu kodong. Deka umawaiki umeiding ke wan ka tapolngon yakngan ka urok arit kovok blang i? E umawaiki umodong langka wokboi nating ke isak blang?

Galesia 5:11

Sipmi. Ngawai ke osep ke elio ulangngan ina kovok. Aurou. Langka ngawai ine dau ina lange osep tidue elio soulu ke ngong? Langka ngong dau ngawai ke osep ma tididi elio ulangngan ina deka Ida Puda ina metengen ke ina akai ma due osep aitno lisak amnga ine kovok.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Efesus 5:15

Deka umeile umu itau lama lumu elio isuk isuk eriar langka osep ka aitno lisak kaka. Umodue elio isuk isuk eriar langka osep ka tile omur ine tidue.

2 Tesalonaika 1:8

Deka ma iye due agegeng ke osep ka tipul dogur ke Ida Tapolngon e osep ka tididi omon itau ka la ke Ida Puda kovok.

Hibru 11:8

Abraham aitno dagar ke Ida Tapolngon. E Ida Tapolngon wai ke iye ma iye songon ila omur e la dong ke omur silang ka mase ma polou ila omur. Deka iye didi Ida Tapolngon aitno e la ke omur silang lama iye ile omur tonari kovok.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 4:17

Taim ka Ida Tapolngon wade osep urok elio isuk isuk polou kodong. E mgo iye wade ila osep urok elio isuk isuk. Deka mase ma iye wade osep ka aitno lisak dagar ke omon itau kovok. Deka lange? Langka iye wade ila osep paide deka wansua ma polou ke osep ka aitno lisak dagar ke iye kovok?

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

Pelengon kukwopngon 18:3

Armok polou langane kesua osep ke taklak ka pula keniye tidue elio isungon kape e elio tonari langka aki dagar ka tinime. E osep ka tivri mgo ke omur omur ke taklak ka pula keniye blang tidue elio isungon kape. E osep ka pula keniye ka tidue burong ke wan bitna bitna tidue burong kape e tidue mani pula ke armok tonari ila elio soulu pula.”

Pelengon kukwopngon 2:20

“E lama umodue elio itau lou pelengon kene ke umu langane. Umosongon apmang ka angaine Jesebel dong kap umu. Apmang tonari wai langane. ‘Ngong apmang napaprangan ina.’ E iye yak lou osep wokboi nating ke ila parere-ngen e iye nis isak ke elio okwa e ke elio ka tingen ongwa ka tidue elio opmu ina ine ke sapingen leklou.