Galesia 2:9 - Aria New Testament

⁹ Osep ka pula keniye tivati Jems e Pita e Jon langka isak osep namormor ke sios. Deka osep tonari tile omur langka Ida Tapolngon makai ngong e kar bokongon ke ngong deka tisekan ke ngong kap Barnabas e tile omur imorwo imodue bokongon eriar langka tidue. E aitno limi kene pulu e aitno limi itau pulu e imalalo limem pelengon langane. Imorwo ma imodue bokongon ke osep ka isak osep Yuda ina kovok e isak ma tidue bokongon ke osep Yuda ina.

Galesia 2:9 ပူးပေါင်းရင်းမြစ်များ

Matyu 16:18

E ngawai ke wom langane. Angain wom Pita e ke opmu ane ma ngauri lou sios e wan bitna bitna e metengen blang tikaranga timole kovok.

Luk 22:8

E Yesus wai ke Pita e Jon langane. “Umala umekere wan bitna bitna ma itangen rogo omba ina ngangon.”

Jon 1:42

E iye paur Saimon la ke Yesus e Yesus vati iye deka wai ke iye langane. “Wom Saimon e abo angaine Jon. Ma osep tisir wom Sifas.” E angaine Sifas eriar langka angaine Pita e lana ine opmu.

Aposel 12:17

Pita kamudu isak ma tiwai kovok deka palongo urok ke elio ka Ida Puda lua iye ma iye songon kalabus. Deka Pita wai langane. “Umapalongo Jems gosok sudo ke elio ane blang.” Iye wai yagos deka songon ninu e la dong ke omur silang.

Aposel 15:13

Tiwai yagos deka Jems wai langane. “Sipmi. Umoklingen lou pelengon.

Aposel 15:7

Ari timter pelengon pula pulu ine deka Pita vri ke amtarsak e wai ke isak langane. “Sipmi. Umeile omur oglou Ida Tapolngon rere ngong ke ite ma nganapapra ila omon itau mgo ke osep ka isak osep Yuda ina kovok. Kesua iye waiki osep tonari tiklingen ine ma aitno lisak la dagar ine.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 12:3

Ida Tapolngon makai ngong deka ngakar umu kenmu kenmu pelengon dagar ane. Aitno lumu mter langka angainmu omba e lumu elio mole osep leklou urok elio sakam. Aurou. Ma umawade lumu elio isuk isuk itau. Umedidi aitno lumu ila dagar ka Ida Tapolngon lua umu ine e umawade umu kenmu kenmu lumu elio ine.

Pas ka Pol sogoe uti la ke osep Rom ina 15:15

E pelengon leklou ka ngasogoe ke umu langka pelengon dagar. E aitno lungong kro ine kovok. Aurou. Ngawaiki ngasruk aitno lumu kesua batne ke ila makaingan ka dong ke ngong.

1 Korin 15:10

E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

2 Korin 11:5

Umawai osep tonari isak lumu aposel ka angainsak omba lokono e isak osep aposel lokono kovok. E aitno lungong langka timole ngong kovok.

2 Korin 12:11

Ngawai langka gute ka kaka e batne ke umu. Umakakai angain ngong ke lou elio kovok deka ngong tona ngakakai angain ngong. Ngong langka gute adai vala e dau ngamole osep ka uma-wai isak lumu osep aposel ka angainsak omba lokono.

2 Korin 8:4

Tiwai ke imi dagar ma tikaranga tilua osep leklou deka tituktuk urok mani la ke Ida Tapolngon ila osep ka tidong ke omur Judia.

Galesia 1:16

Deka iye didi aitno e nis ngong ke Otno Arang ma ngadue ila bokongon ka nganapapra ila omon itau ke osep ka isak osep Yuda ina kovok. E alo ka Ida Tapolngon rere ngong io ngala ngapmi gute gesa ine kovok.

Galesia 1:18

Deka tobor eklu mela yagos e ngala ke Jerusalem ma ngawai kap Pita. E ngadong kap iye la lama iding ke oklou songotno elme.

Galesia 2:1

Ngadong la lama tobor songotno apanal mela yagos deka ngong imorwo Barnabas imala ke Jerusalem blang. E ngadue Taitus e iye la kap imi.

Galesia 2:2

Ngala kesua Ida Tapolngon nis ngong ma ngala are. E alo ka ngadong ke Jerusalem ngawai ke osep namormor ka tiplau sios vala. E ngapalongo urok ke omon itau ka oglou nganapapra ine ke osep ka isak osep Yuda ina kovok. Ngadue langane kesua aitno lungong kro lama bokongon ka eknikane ngadue e ke oglou blang ngadue polou adai.

Galesia 6:3

Langka gute gesa aitno mter langka angaine omba e dau angaine omba kovok deka gute tonari yak iye tona vala.

Efesus 2:20

Deka itodong langka Ida Tapolngon ila ninu e osep aposel e osep napaprangan ina tidong langka opmu ka Ida Tapolngon ila ninu dong dagar ine. E Yesus iye tona opmu ka due Ida Tapolngon ila ninu nepir pulu e dong dagar lokono.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Kolosi 1:29

Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.

1 Timoti 3:15

E langka ngame paide kovok amvati pelengon ka ngasogoe ma emile elio itau ka ite ka Ida Tapolngon ila osep itedidie. Ite ka Ida Tapolngon ila osep itodong langka Ida Tapolngon ka dong vala dong ila sios. E sios langka kadanga komdungo ina ka dagar e kis dagar ke Ida Tapolngon ila pelengon.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

Pelengon kukwopngon 3:12

“Ngakaranga ngadue gute ka mole elio soulu vri dagar langka kadanga ka due Ngau Tapolngon ila ninu dong dagar. E ma iye songon Ina Tapolngon ila ninu kovok. Ma ngasogo Ngau Tapolngon angaine ke iye e ma ngasogo ila armok angaine ka Jerusalem oku ina ke iye blang. Armok tonari me ke Ngau Tapolngon e songon omur heven e duru me ke taklak. E ngasogo angain ngong oku ke iye blang.