Galesia 2:5 - Aria New Testament

⁵ E imakaranga imodong moli ke urok pelengon kovok. Imawaiki pelengon lokono ka omon itau segesege kovok. Ma aling aling umakaranga umedidie osuk.

Galesia 2:5 ပူးပေါင်းရင်းမြစ်များ

Aposel 15:2

Deka Pol orwo Barnabas tigosok osep tonari tikot pulu e timter pelengon pula pulu ke urok pelengon. E osep leklou ka aitno lisak la dagar ke Yesus tirere Pol orwo Barnabas gosok osep leklou blang ma isak kla ke Jerusalem. Kesua tiwaiki timosi pelengon tonari kap osep aposel e osep ka tiplau Ida Tapolngon ila osep.

Galesia 1:6

E oku ane ngadigrik lokono ke elio ka umodue. Krais ila bokongon lua umu e Ida Tapolngon due umu umopolou ila osep ine. Deka tauni kovok umosongon iye e umedidi omon silang ka umesire omon itau.

Galesia 2:14

Alo ka ngavati isak tididi pelengon lokono ka omon itau kovok ngawai ke Pita ke osep amtarsak langane. “Wom gute Yuda ina e dau emdidi elio langka osep ka isak osep Yuda ina kovok e wom tona emdidi osep Yuda ina inarak apu kovok. E ina lange amwaiki ampagei osep ka isak osep Yuda ina kovok ma tididi osep Yuda ina inarak apu?”

Galesia 4:16

Ina lange? Ngawai pelengon lokono ke umu e pelengon tonari due ngong ngapolou langka upu oul?

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Kolosi 1:5

Oglou alo ka pelengon lokono ka omon itau polou ke umu deka umoklingen ke wan ka itau lokono ka Ida Tapolngon rere ka dong para ke umu ke omur heven.

1 Tesalonaika 2:13

Aling aling imawai tenkyu ke Ida Tapolngon ke wan bitna bitna ka iye due batne langane. Alo ka imanapapra Ida Tapolngon ila omon itau ke umu deka umodue e aitno lumu la dagar ine langka pelengon tonari gute gesa ila pelengon vala kovok. Aurou. Umodue langka iye Ida Tapolngon ila pelengon. E lokono pelengon ane Ida Tapolngon ila pelengon. E omon tonari lua umu ka aitno lumu dagar ke Krais ke lumu mosongon.

Pas ka Jut sogoe 1:3

Sipmi ka ngong lana ngong ke umu. Ke mgongon aitno lungong mter langka ngasogo pas ke umu ka wai ke elio ka Ida Tapolngon lua ite ke udo elio epmes ina. E eknikane aitno lungong mter ma ngasogo pelengon silang ke umu ka langane. Ida Tapolngon kar ila pelengon ke ite ka ila osep deka aitno lite la dagar ine deka ngawaiki umoboko engil ma aitno lumu ila dagar dong dagar. E ngawaiki umopul dogur ke osep ka tiwai pelengon leklou ke umu. Kesua Ida Tapolngon kar ila pelengon ke ite aling kene e ila pelengon segesege kovok.