Galesia 2:20 - Aria New Testament

²⁰ E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Galesia 2:20 ပူးပေါင်းရင်းမြစ်များ

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 10:11

“Ngong sipsip inarak plaungan ka itau. E sipsip inarak plaungan ka itau pli tarna e mete ma iye plau sipsip itau.

Jon 15:13

Langka gute lana iye ke osep e iye pli tarna e mete ma iye lua ila saten deka iteile omur iye lana iye lokono ke osep. E elio tonari mole elio ka pula keniye leklou ka osep lana isak ke osep leklou.

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 3:35

Ida Tapolngon ka Pmada lana iye ke Otno Arang e kar wan ka pula keniye ke limla ma iye plaue.

Jon 6:57

Livou ka iye mosongon batne pagei ngong ngame e ngadong batne ke iye e eriar langane gute sei ka ngen pampamu lungong ma iye due mosongon batne ke ngong.

Jon 6:69

E aitno limi dagar e imeile itau wom gute itau lokono ka Ida Tapolngon pagei me ke osep.”

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Pas ka Pol sogoe uti la ke osep Rom ina 1:17

Ida Tapolngon ila omon itau nis ite ke elio ka Ida Tapolngon due ite itopolou itau e osuk ke bitna. Eriar langka aitno lite dagar ine ma Ida Tapolngon sir ite ila osep itau lokono. Deka udo mosongon ka itau lokono dong vala dong. Oglou osep napaprangan ina tisogo Ida Tapolngon ila pelengon langane. “Osep seisei ka aitno lisak dagar ke Ida Tapolngon ma iye lua isak ma tipolou itau e osuk ke bitna.”

Pas ka Pol sogoe uti la ke osep Rom ina 14:7

Ite kente kente itodong ane batne ke ite kente kente kovok. Aurou. Ida Puda vala due ite itodong. Deka itemete batne ke ite kente kente kovok. Aurou. Ma itemete batne ke Ida Puda vala. Langka itodong e langka itemete batne ke ite kente kente kovok. Aurou. Batne dong ke Ida Puda vala.

Pas ka Pol sogoe uti la ke osep Rom ina 3:22

Eknikane elio kene vala dong ka Ida Tapolngon didie e due osep tipolou itau e osuk ke bitna. Iye due osep ka pula keniye ka aitno lisak la dagar ke Yesus Krais tipolou itau e osuk ke bitna. Iye due ila elio kene langane ke osep ka pula keniye.

Pas ka Pol sogoe uti la ke osep Rom ina 4:25

Oglou Yesus mete batne ma iye kli udo elio epmes ina. E Ida Tapolngon due poga tito ke ina denga. Deka iye due ite ka aitno lite dagar ine itopolou itau e osuk ke bitna.

Pas ka Pol sogoe uti la ke osep Rom ina 5:2

Iye lua ite e Ida Tapolngon ila makaingan kading ite batne ke Yesus ka aitno lite dagar ine kodong. Deka aitno lite neser ke iye kesua iteile omur ma Ida Tapolngon kakai ite kap Yesus.

Pas ka Pol sogoe uti la ke osep Rom ina 5:6

Oglou elio epmes ina kading itosep. E ari iteile ke ekreng itau gesa ka karanga lua ite ma itomole udo elio epmes ina kovok. Ari Ida Tapolngon didi aitno e pagei Yesus me polou ke ite ma ina metengen kli udo elio epmes ina.

Pas ka Pol sogoe uti la ke osep Rom ina 5:8

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

Pas ka Pol sogoe uti la ke osep Rom ina 6:13

E umadangdang pampamu lumu lama umodue elio epmes ina bitna bitna ine. Umadangdang pampamu lumu keniye ma umodue elio epmes ina ine kovok. Ida Tapolngon waiki pampamu lumu dong itau vala. Kesua umodong eriar langka osep ka oglou timete deka mase tipoga titito ke inarak denga. Ma umakar pampamu lumu ke Ida Tapolngon ma iye plau isak e ma umodue elio itau ine vala.

Pas ka Pol sogoe uti la ke osep Rom ina 6:8

E silang blang langane. Ite ka itemete kap Yesus aitno lite dagar Ida Tapolngon ma due ite itodong itau blang kap iye.

Pas ka Pol sogoe uti la ke osep Rom ina 8:10

Umu ka Krais dong ke aitno lumu umopolou itau e osuk ke Ida Tapolngon bitna kodong. Lama pampamu lumu mete batne ke elio epmes ina ka dong ke isak ma anmu tidong itau lokono vala.

Pas ka Pol sogoe uti la ke osep Rom ina 8:37

Eknikane lama osep aitno lisak soulu ke ite langka Devit sogo ine ma itoulou tarna lite ke isak kovok. Ma elio soulu tonari mole ite kovok kesua Yesus lana iye ke ite. E ma itomole isak.

1 Korin 6:17

E langka gute gesa neklep ke Ida Puda ano ma iye polou langka kene vala kap Krais.

2 Korin 1:24

Ngawaiki imaplau aitno lumu ila dagar kovok. Aurou. Umodong dagar kodong ke aitno lumu ila dagar. E imoboko kap umu ma aitno lumu neser.

2 Korin 10:3

Lokono. Imodong ke taklak ane e dau imodue evlei langka osep taklak ina tidue kovok.

2 Korin 11:10

Nga-didi Krais ila elio ka iye wai lokono vala deka langane. Ngawai ke osep pula ke elio ka ngapang mani ke umu kovok e gute gesa ke provins Akaia karanga dangdang lou pelengon kovok.

2 Korin 13:3

Umawaiki umeile omur langka ngong Krais ila aposel gesa e ngong ila gute meriang ina koke aurou. Alo ka iye didi ila arit e boko airavu ke umu ma umeile omur ine.

2 Korin 13:5

Umawade umu itau ke aitno lumu ila dagar. Langka aitno lumu ila dagar dau dong dagar koke aurou. Umeneklep ke Yesus Krais kodong deka iye dong ke aitno lumu. Langka iye dong ke aitno lumu kovok umu ila osep kovok.

2 Korin 5:14

Kesua elio ka Krais lana iye ke imi plau imi. E imeile gute kene mete e kasip osep ka pula keniye amunsak e elio ane langka isak ka pula keniye timete blang.

2 Korin 5:15

Gute tonari mete ma iye lua osep ka dau tidong ma aitno lisak mter ke isak vala kovok. Aurou. Ma aitno lisak mter ke gute ka mete e kasip amunsak deka iye poga tito ke ina denga.

2 Korin 5:7

Eknikane itodong batne ke aitno lite ila dagar e batne ke wan ka itakaranga itavati kovok.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

Galesia 2:16

Iteile Ida Tapolngon aitno mter ke gute ka didi Moses ila sogongon e ke batne langane iye sir iye gute itau kovok. Aurou. Gute ka aitno dagar ke Krais Yesus vala Ida Tapolngon sir iye gute itau. Ite blang aitno lite dagar ke Krais Yesus kesua iteile ekreng ane ekreng kene vala ma Ida Tapolngon sir ite osep itau. E ke ekreng ka itedidi Moses ila sogongon kovok. Kesua gute gesa karanga didi Moses ila sogongon e Ida Tapolngon sir iye gute itau kovok. Aurou.

Galesia 3:11

E Ida Tapolngon ila pelengon wai langane blang. “Osep ka aitno lisak dagar ke Ida Tapolngon ma iye sir isak osep itau e osuk e ma tidong itau.” Deka pelengon tonari nis ite malak langane. Ekreng gesa ka gute didi Moses ila sogongon ma Ida Tapolngon sir iye gute itau dong kovok.

Galesia 5:24

Osep ka tidong ke Krais ila osua tidue aitno lisak oglou ina kap elio soulu ka pampamu lisak waiki due e tinilim isak nepek mana ke Ida Puda ina akai e timete kodong.

Galesia 6:14

Ngong tona ngakaranga ngakakai angain ngong kovok. Aurou. Ngakakai Ida Puda Yesus Krais angaine vala. Iye mete ke ina akai e aitno lungong itau ke elio langane. E elio ka taklak ane ina iye mete ke aitno lungong kodong batne ke bokongon ka Krais due ke ina akai. E langka ngong tona ngamete kap Krais ke ina akai deka ngakaranga ngadidi elio ka taklak ane ina kovok.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Efesus 5:2

Krais lana iye ke ite omba deka iye mana ke ina akai e mete ine. Iye pli tarna e polou langka sipsip gesa ka osep tidue elio opmu ina ine deka iye mete. Deka ina metengen e ina marau bakop Ida Tapolngon aitno e aitno itau ine. Deka umu lana umu ke osep eriar langka Krais lana iye ke umu. Ma lumu elio tonari langka amnangan itau lokono ka Ida Tapolngon aitno itau ine.

Efesus 5:25

E umu arang ka pasinga umu lana umu ke lumu sasap eriar langka Krais lana iye ke ila osep. Krais lana iye ke ite omba. Deka iye pli tarna e mete ma iye lua ite.

Filipai 1:21

Aitno lungong langane. Langka ngadong ke mosongon ane ngadong kap Krais e langka ngamete kodong ma ngadue wan ka itau lokono.

Filipai 4:13

Krais lua ngong ke ila arit deka ngakaranga ngadong itau ke elio bitna bitna ka tipolou ke ngong.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

1 Tesalonaika 1:10

E tipalongo urok ke elio ka umapara ke alo ka Ida Tapolngon Otno Arang Yesus ma iding me ke omur heven. Otno Arang tonari mete deka Ida Tapolngon didi ila arit e due poga tito e dong blang e iye mole udo elio epmes ina e lua ite ma itanamani Ida Tapolngon aitno ila engil ka mase ma me kovok.

1 Tesalonaika 5:10

Yesus mete ma lua ite ma itodong kap iye. Langka itodong koke itemete kodong alo ka iye bauluk me ma itodong kap iye.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Hibru 8:3

Oglou Ida Tapolngon rere osep loulou ina ka mgo ma tipaur wan ke Ida Tapolngon e tidue elio opmu ina ine. E oku ane Yesus ka udo gute loulou ina ka mgo iye blang ma paur wan ke Ida Tapolngon.

1 Pita 1:8

Lama oglou umavati Krais kovok dau umu lana umu ke iye. E oku ane lama umavati iye kovok aitno lumu la dagar ke iye. E umeketir omba ke ketirngen ka mole ketirngen ke taklak e umakaranga umawai pelengon ka wai ke ketirngen tonari kovok.

1 Jon 1:7

E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.

Pelengon kukwopngon 3:20

“Umoklingen. Ngavri ke ekreng bitna e lungu nopolpol ine. Langka gute klingen kre lungong e klok ekreng bitna ma ngasep ke ninu e ma ngadong kap iye. Deka ma ngangen kap iye e iye ma ngen kap ngong.”