Galesia 2:2 - Aria New Testament

² Ngala kesua Ida Tapolngon nis ngong ma ngala are. E alo ka ngadong ke Jerusalem ngawai ke osep namormor ka tiplau sios vala. E ngapalongo urok ke omon itau ka oglou nganapapra ine ke osep ka isak osep Yuda ina kovok. Ngadue langane kesua aitno lungong kro lama bokongon ka eknikane ngadue e ke oglou blang ngadue polou adai.

Galesia 2:2 ပူးပေါင်းရင်းမြစ်များ

Matyu 10:16

“Ngapagei umu ke osep e umodong langka sipsip titno e tidong langka gemle kevena. Aitno lumu mter itau ke wan bitna bitna langka mota aitno mter e ile itau ke wan e umodue elio molil molil langka belis.

Aposel 15:12

Osep keniye ka tidong ke duningen tikoli Pita ila pelengon kovok e tidong vala. Deka Pol orwo Barnabas tipalongo osep tonari ke nisngen e elio arit ina ka Ida Tapolngon lua isak ine ka tidue airavu ke osep ka isak osep Yuda ina kovok.

Aposel 15:2

Deka Pol orwo Barnabas tigosok osep tonari tikot pulu e timter pelengon pula pulu ke urok pelengon. E osep leklou ka aitno lisak la dagar ke Yesus tirere Pol orwo Barnabas gosok osep leklou blang ma isak kla ke Jerusalem. Kesua tiwaiki timosi pelengon tonari kap osep aposel e osep ka tiplau Ida Tapolngon ila osep.

Aposel 15:4

Pol orwo Barnabas tipolou ke Jerusalem deka Ida Tapolngon ila osep e osep aposel e osep ka tiplau Ida Tapolngon ila osep ke armok ari aitno lisak itau ke isak orwo e tikere isak itau. Deka tipalongo osep ke urok bokongon ka Ida Tapolngon lua isak ine.

Aposel 18:9

Ari epmes gesa Pol vati ano e Ida Puda palongo ila langane. “Wom omulou tarna lugom ke osep sakam. Omdong amwai lem pelengon vala e omdong adai sakam. Omboko vala.

Aposel 23:11

Pol dong ke ninu tonari la lama epmes deka Ida Puda vri ke galna e wai ke iye langane. “Wom arit wom vala e emlim kovok. Eriar langka ampalongo osep ke ngong ke Jerusalem ane ma amla ampalongo langane ke Rom blang.”

Aposel 5:34

Osep tonari aitno lisak engil lokono ke osep aposel e tiwaiki timete. Deka gute Farisi ina gesa ka angaine Gamaliel tito wai ke isak. Iye gute parerengen ina ke Moses ila sogongon e osep pula tidue anit ke iye. Iye vri deka wai ke osep aposel langane. “Umopolou umala ke dogur.” Deka isak kla ke dogur e tipara are.

Pas ka Pol sogoe uti la ke osep Rom ina 9:16

E langane. Itosep udo elio gesa dong ka mter Ida Tapolngon aitno ma aitno due ite kovok. Aurou. Iye didi aitno e aitno due osep ka iye waiki aitno due isak.

1 Korin 1:23

E imanapapra pelengon kene ka la ke Krais ina metengen ke ina akai. Deka pelengon ka imanapapra ine due osep Yuda ina aitno lisak soulu e due osep Grik ina ma tiwai pelengon tonari pelengon adai vala.

1 Korin 2:2

Aitno lungong langane. Alo ka ngadong kap umu aitno lungong mter ke wan silang blang kovok. Aurou. Aitno lungong la dagar ke Yesus Krais e elio ka iye mana ke ina akai e mete ine.

1 Korin 9:24

Umeile langane. Osep ka tidue resis isak keniye tisuong dagar e dau gute kene vala due prais. E umu blang umosuong dagar ma umodue prais.

1 Korin 9:26

Deka ngasuong ulik ulik kovok. E ngong langka gute ka due evlei kap gute silang itau deka ngauri lungu ulik ulik vala kovok.

2 Korin 12:1

Alo ka osep tikakai angainsak ke urok elio ane lua osep kovok. E dau ma ngakakai angain ngong sasi boto blang. Ngawai ke wan ka Ida Puda nis ngong ine alo ka ngamunu anngong e wan ka iye wai ke ngong ine ka osep leklou tile ine kovok.

Galesia 1:12

Kesua ngadue pelengon ane ke gute gesa kovok. E osep tiparere ngong ine kovok. Aurou lokono. Yesus Krais vala nis ngong ke pelengon ane.

Galesia 1:16

Deka iye didi aitno e nis ngong ke Otno Arang ma ngadue ila bokongon ka nganapapra ila omon itau ke osep ka isak osep Yuda ina kovok. E alo ka Ida Tapolngon rere ngong io ngala ngapmi gute gesa ine kovok.

Galesia 1:6

E oku ane ngadigrik lokono ke elio ka umodue. Krais ila bokongon lua umu e Ida Tapolngon due umu umopolou ila osep ine. Deka tauni kovok umosongon iye e umedidi omon silang ka umesire omon itau.

Galesia 2:6

Osep leklou tidong langka sios ina plaungan. E langka angainsak omba koke angainsak omba kovok are wan gesa kovok ke ngong. Ida Tapolngon aitno mter ke gute angaine kovok. E osep ka angainsak omba tidue pelengon gesa nepir ke lou pelengon kovok.

Galesia 2:9

Osep ka pula keniye tivati Jems e Pita e Jon langka isak osep namormor ke sios. Deka osep tonari tile omur langka Ida Tapolngon makai ngong e kar bokongon ke ngong deka tisekan ke ngong kap Barnabas e tile omur imorwo imodue bokongon eriar langka tidue. E aitno limi kene pulu e aitno limi itau pulu e imalalo limem pelengon langane. Imorwo ma imodue bokongon ke osep ka isak osep Yuda ina kovok e isak ma tidue bokongon ke osep Yuda ina.

Galesia 5:7

Oglou umeile itau ke Krais ila ekreng. Deka sei dangdang umu ma umeini pelengon ka lokono kovok?

Filipai 2:16

Umodue langane ma uma-karanga umakar isak pelengon ka karanga lua isak ke mosongon ka dong vala dong. Deka alo ka oklou ka Krais iding me ma aitno lungong neser omba ke lumu elio itau ka umodue. Deka ma ngaile lou bokongon airavu ke umu polou adai kovok.

Filipai 2:29

Alo ka iye polou ke umu deka aitno lumu neser ke iye batne ke Ida Puda. Ngawaiki umodue anit ke osep ka tidue elio eriar langka iye due.

1 Tesalonaika 3:5

Ke batne langane ngakaranga ngapara kovok. E ngapagei Timoti la ke umu ma ngaile omur langka aitno lumu ila dagar dau dong dagar koke aurou. Lama Satan polou ke umu e tok umu kodong e umosongon aitno lumu ila dagar e limem bokongon ke umu polou adai.

2 Timoti 4:7

Ngaboko dagar ke Ida Tapolngon ila bokongon e ngong langka gute ka arit iye ma iye suong ke resis e isuk boto lou resis yagos. E aitno lungong ila dagar dau dong dagar.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.