Galesia 1:6 - Aria New Testament

⁶ E oku ane ngadigrik lokono ke elio ka umodue. Krais ila bokongon lua umu e Ida Tapolngon due umu umopolou ila osep ine. Deka tauni kovok umosongon iye e umedidi omon silang ka umesire omon itau.

Galesia 1:6 ပူးပေါင်းရင်းမြစ်များ

Mak 6:6

Iye vati urok elio tonari deka aitno mter pula ine. Kesua osep tonari aitno lisak dagar ke iye kovok. Deka iye lila la ke armok pula vala e parere osep pula.

Jon 9:30

E gute koli wai ke isak langane. “Ua. Ngadigrik va. Kesua umeile gute are ila omur batne kovok e dau iye due omtongu polou itau.

Aposel 15:11

­E aitno lite dagar langane. Ida Tapolngon lua ite ke udo elio epmes ina e due noklok la batne ke Ida Puda Yesus ila makaingan. E iye lua osep tonari langane blang.”

Pas ka Pol sogoe uti la ke osep Rom ina 10:3

E tididi aitno lisak ka tiwaiki due isak tipolou itau e osuk ke Ida Tapolngon bitna. E isak tile omur ke elio ka Ida Tapolngon due isak tipolou itau e osuk ke bitna kovok. E tididi elio tonari itau lokono kovok.

Pas ka Pol sogoe uti la ke osep Rom ina 5:2

Iye lua ite e Ida Tapolngon ila makaingan kading ite batne ke Yesus ka aitno lite dagar ine kodong. Deka aitno lite neser ke iye kesua iteile omur ma Ida Tapolngon kakai ite kap Yesus.

Pas ka Pol sogoe uti la ke osep Rom ina 8:28

E iteile omur ine langane. Ite ka ite lana ite ke Ida Tapolngon iye rere ite ila osep kodong. E elio keniye ka polou ke ite batne langane. Ida Tapolngon due isak tipolou ke ite ma tilua ite ma udo mosongon polou itau lokono e ma itodue wan ka iye rere ke ite.

Pas ka Pol sogoe uti la ke osep Rom ina 8:30

Ida Tapolngon rere ite ila osep e wai langane. “Osep ka ngarere umu kodong umu lou osep.” Iye wai ke ite langane kodong e due ite itopolou itau e osuk ke bitna. Deka osep ka tipolou itau e osuk ke bitna iye kakai isak.

1 Korin 4:15

Lama lumu plaungan pula pula tiplau umu kodong dau sipmomu pula ke Krais dong kovok. Aurou. Ke Krais Yesus ila elio ngong kenngong vala ngadong pmomu lokono. E umopolou langka dirgu alo ka nganapapra Ida Tapolngon ila omon itau ke umu.

2 Korin 11:4

Ngawai langare kesua ngaile langane. Langka gute gesa me ke umu e yak umu ke basikngen silang ka la ke Yesus ma umoklingen ine e umedidie. Koke umodue ano silang ka Ano Itau kovok ma aitno lumu itau ke iye. Koke umodue omon silang ka eriar langka omon itau ka imanapapra umu ine kovok ma umoklingen ine. Ngaile osep tidue langane ke umu deka umekis dagar ine. E ngawaiki umodue langane kovok.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

Galesia 1:11

Sipmi. Ngawai osuk ke umu langane. Omon itau ka oglou ngawai ke umu ine iye pelengon ka polou ke gute gesa aitno kovok.

Galesia 1:15

Alo ka nina dau divir ngong kovok Ida Tapolngon rere ngong kodong e ke ila makaingan iye rere ngong ila gute bokongon ina.

Galesia 1:7

E omon itau silang dong kovok. Aurou lokono. Osep leklou tinak aitno lumu e tiwaiki tipalele Krais ila omon itau.

Galesia 2:14

Alo ka ngavati isak tididi pelengon lokono ka omon itau kovok ngawai ke Pita ke osep amtarsak langane. “Wom gute Yuda ina e dau emdidi elio langka osep ka isak osep Yuda ina kovok e wom tona emdidi osep Yuda ina inarak apu kovok. E ina lange amwaiki ampagei osep ka isak osep Yuda ina kovok ma tididi osep Yuda ina inarak apu?”

Galesia 2:2

Ngala kesua Ida Tapolngon nis ngong ma ngala are. E alo ka ngadong ke Jerusalem ngawai ke osep namormor ka tiplau sios vala. E ngapalongo urok ke omon itau ka oglou nganapapra ine ke osep ka isak osep Yuda ina kovok. Ngadue langane kesua aitno lungong kro lama bokongon ka eknikane ngadue e ke oglou blang ngadue polou adai.

Galesia 2:5

E imakaranga imodong moli ke urok pelengon kovok. Imawaiki pelengon lokono ka omon itau segesege kovok. Ma aling aling umakaranga umedidie osuk.

Galesia 2:7

Aurou lokono. Aitno lisak langka Ida Tapolngon kar bokongon ke ngong ka nganapapra omon itau ke osep ka isak osep Yuda ina kovok. Langka iye kar bokongon ke Pita ma iye napapra omon itau ke osep Yuda ina.

Galesia 5:14

Pelengon ka pula keniye ke Moses ila sogongon dong sep ke pelengon kene. Pelengon tonari langane. Umu lana umu ke supmu langka umu lana umu ke umu tona.

Galesia 5:4

Langka umawaiki umedidi Moses ila sogongon e umawaiki Ida Tapolngon sir umu osep itau ke ekreng langane deka umosongon Krais kodong. Umosongon Ida Tapolngon ila makaingan kodong.

2 Tesalonaika 2:14

Oglou Ida Tapolngon rere umu e imanapapra omon itau ke umu deka umopolou ila osep ine. Iye rere umu ila osep kesua iye waiki umodong kap iye e umaplau omur kap iye.

1 Timoti 1:14

E Ida Puda Krais Yesus makai ngong omba lokono. E iye sruk aitno lungong ma aitno lungong dagar ke iye. E iye due aitno lungong la ke osep leklou blang.

1 Timoti 1:3

Eknikane ngawai ke wom eriar langka oglou ngawai ke wom alo ka ngala ke provins Masedonia. Ngawaiki ma omdong dau ke armok Efesus ma amwai pelengon dagar ke osep leklou. Isak osep ka tiwai pelengon yakngan alo ka tiparere Ida Tapolngon ila osep. Amwai ke isak ma tiparere osep langane kovok.

2 Timoti 1:9

Ida Tapolngon lua ite ke udo elio epmes ina kodong e rere ite itodong ila osep ka itau lokono. Iye due langane batne ke elio gesa ka itakaranga itodue kovok. Aurou. Oglou alo ka iye dau tapol wan gesa kovok iye didi aitno e didi ila makaingan e rere ite ma aitno lite la dagar ke Krais Yesus.

2 Timoti 2:1

Timoti wom langka erigu e ngawai ke wom langane. Emneklep ke Krais Yesus kodong deka ngawaiki ila makaingan due wom ma omdong dagar.

1 Pita 1:15

Iteile Ida Tapolngon ka rere ite ila osep iye itau itau lokono e ngawaiki umodong itau itau lokono ke wan ka pula keniye ka umodue.

2 Pita 1:3

Yesus iye Ida Tapolngon blang e iye didi ila arit e kar ite wan pula ka lua ite ma udo mosongon dong itau e itodue elio bitna bitna ka itau. Iye lua ite ma iteile itau ke iye ka gi ite ma itodong kap iye ke ila bublongon e ila elio ka itau lokono.

Pelengon kukwopngon 22:21

Deka ngawai ke umu lang-ane. Ida Puda Yesus ila makaingan dong kap Ida Tapolngon ila osep keniye. Lokono.