Galesia 1:5 - Aria New Testament

⁵ Deka aling aling itakakai Ida Tapolngon angaine tito la egim. Lokono.

Galesia 1:5 ပူးပေါင်းရင်းမြစ်များ

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Matyu 6:13

Omlua imi ma imoulou ke tokngon e ma elio soulu due imi kovok.’” “Kesua wom tona emvri mgo ke wan ka pula keniye. E lem arit e lem bublongon dong vala dong. Lokono.”

Luk 2:14

“Itodue anit ke Ida Tapolngon ka dong egim lokono e itakakai angaine. E osep ka Ida Tapolngon aitno itau ke isak ke taklak ma aitno lisak epen.”

Pas ka Pol sogoe uti la ke osep Rom ina 11:36

Kesua Ida Tapolngon due wan ka pula keniye e iye wan ka pula keniye me ke iye. E wan ka pula keniye iye tona vala ila wan. Deka ma itakakai Ida Tapolngon angaine tito la egim lokono dong vala dong. Lokono.

Pas ka Pol sogoe uti la ke osep Rom ina 16:27

E itakakai Ida Tapolngon ka ile omur ke wan ka pula keniye angaine tito la egim lokono. Itodue langane dong vala dong. Kesua batne ke Yesus Krais dong. Lokono.

1 Korin 8:13

Deka langka ngangon ka ngangene due agegeng ke osep leklou ma tidue elio epmes ina ma ngangen ongwa okurne aling silang blang kovok. Lama lou elio due isak tidue elio soulu.

Efesus 1:12

E langane. Imi osua ka mgo ke osep ka aitno lisak dagar ke Krais. Deka imakakai Ida Tapolngon angaine tito la egim ine.

Filipai 4:20

E ma itakakai Ida Tapolngon ka Pmada angaine tito la egim dong vala dong. Lokono.

1 Timoti 1:17

Ida Tapolngon plau omur ka pula keniye dong vala dong e iye mete kovok. Iye ano e itakaranga itavati iye kovok. Iye kene vala Ida Tapolngon lokono. Deka aling aling ma itakakai angaine dong mgo ke wan ka pula keniye. Lokono.

2 Timoti 4:18

E Ida Puda ma lua ngong ke elio soulu ka osep tiwaiki tidue ke ngong. E mase ma iye paur ngong ke omur heven ka iye plaue. Ma itakakai Ida Puda angaine tito la egim dong vala dong.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

1 Pita 5:11

Ida Tapolngon ila arit dong vala dong e ina yagosngon kovok. Lokono.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.

Pas ka Jut sogoe 1:25

Ida Tapolngon ka Ida Luangan kene vala dong e lua ite ke udo elio epmes ina batne ke Ida Puda Yesus Krais. Ma itakakai angaine tito la egim. Iye Ida Plaungan ina e ila arit ombatno deka wan ka pula keniye dong moli ke iye. Oglou oglou ari iye dong e eknikane iye dong blang deka mase ma iye dong vala dong blang. Lokono.

Pelengon kukwopngon 14:7

Iye wai omba langane. “Alo ka Ida Tapolngon wade osep ka pula keniye urok elio polou kodong. Deka umodue anit ke Ida Tapolngon e umakakai angaine tito la egim. E umolotuim Ida Tapolngon ka due sirva e taklak e misuon e aki ka pula keniye.”

Pelengon kukwopngon 5:12

E tidue sakul omba langane. “Sipsip Otno ka oglou timke iye mete iye itau lokono. Ida Tapolngon kar iye arit ma iye plau wan ka pula keniye e iye due wan ka pula keniye ka itau e iye due ilengen omba e iye due ila arit ka ombatno. E osep ka pula keniye tidue anit ke iye e tikakai angaine tito la egim lokono.”

Pelengon kukwopngon 7:12

E tiwai langane. “Lokono. Aitno lite itau lokono ke Ida Tapolngon e itakakai angaine tito la egim. Ila ilengen itau e itawai tenkyu ke iye e itodue anit ke iye. Ila arit ombatno e iye karanga due elio ka pula keniye. Wan ka pula keniye tonari Ida Tapolngon ila wan aling aling. Lokono.”