Galesia 1:23 - Aria New Testament

²³ E tiklingen omon ke ngong vala ka langane. Oglou gute tonari due agegeng ke ite e eknikane iye napapra omon itau ka oglou iye waiki due agegeng ine.

Galesia 1:23 ပူးပေါင်းရင်းမြစ်များ

Aposel 19:13

Alo ari osep Yuda ina leklou tisapir angelo soulu ke osep. E osep tonari tilila e tiwai Yesus angaine ke osep ka angelo soulu due isak kesua tiwaiki tisapir angelo soulu ine. Tiwai ke angelo soulu langane. “Yesus ka Pol napapra ine sapir umu e umopolou umala.”

Aposel 6:7

Alo ari Ida Tapolngon ila pelengon pakes lila e osep pula ka tidong ke Jerusalem aitno lisak la dagar ke Yesus. Deka osep ka aitno lisak dagar ke Yesus tires tipolou pula. E silang osep loulou ina pula aitno lisak la dagar ke Yesus.

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Aposel 9:21

Ari osep ka tiklingen ila pelengon tidigrik ine e tiwai langane. “Oglou gute ane due agegeng ke osep ka tisir Inarak Puda Yesus ka tidong ke Jerusalem. Deka oku ane iye me ke armok ane ma iye pou osep ka aitno lisak dagar ke Yesus deka paur isak ke osep loulou ina ka omba.”

Aposel 9:26

Sol songon Damaskus deka duru la ke Jerusalem e waiki neklep ke Yesus ila disaipel e tiulou tarna lisak ke iye. Tiulou tarna lisak ke iye kesua aitno lisak mter iye yak isak e didi Yesus kovok.

Galesia 6:10

E alo ka itakaranga itodue elio itau ke osep leklou ma itodue. Itodue elio itau ke osep ka pula keniye e wan ka itau lokono itodue elio itau ke Ida Tapolngon ila osep.