Galesia 1:16 - Aria New Testament

¹⁶ Deka iye didi aitno e nis ngong ke Otno Arang ma ngadue ila bokongon ka nganapapra ila omon itau ke osep ka isak osep Yuda ina kovok. E alo ka Ida Tapolngon rere ngong io ngala ngapmi gute gesa ine kovok.

Galesia 1:16 ပူးပေါင်းရင်းမြစ်များ

Matyu 16:17

E Yesus koli wai ke iye langane. “Ngawai lokono ke wom Saimon ka Jon otno arang. Aitno lugom ma dong itau itau kesua gute kene ka taklak ina nis wom ine kovok. Aurou. Livou ka dong ke omur heven nis wom ine.

Matyu 26:41

Umaplau umu itau e umawai itau lama Satan tok umu e umodue elio epmes ina kesua aitno lumu waiki due elio itau e dau pampamu lumu waiki due elio itau kovok.”

Aposel 22:21

Ngakoli Ida Puda ila pelengon langane deka iye wai ke ngong blang langane. ‘Aurou. Amla. Ngapagei wom amla ke osep ka isak osep Yuda ina kovok ka tidong ke omur ka mawa.’”

Aposel 5:42

Alo ari oklou aling aling tinapapra ke Yesus ka Ida Tapolngon rere Krais ka iye lua osep ila omon itau. Tiparere osep ka tidong ke omur ka lelei Ida Tapolngon ila ninu e osep ka tidong ke urok ninu ninu blang.

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 11:13

Deka ngawaiki ngawai ke umu ka osep Yuda ina kovok langane. Ida Tapolngon rere ngong ila aposel gesa ma ngala nganapapra ke osep ka isak osep Yuda ina kovok. E ngakakai Ida Tapolngon angaine tito ine kesua batne ke bokongon ka iye kare ke ngong.

1 Korin 15:50

Sipmi. Ngawai ke umu lang-ane. Pampamu lite ka okur lisak e inarak marau dong lisak tikaranga tipolou okus. E tikaranga tidong ke omur ka Ida Tapolngon plaue kovok kesua wan ka tipolou okus tikaranga tidong ke omur tonari kovok.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

2 Korin 5:16

Ke oglou itawade Krais ke ilengen ka taklak ina e oku ane itawade iye langane kovok. E silang blang oku ane itedidi ilengen ka taklak ane ina e itawade osep ine kovok. Aurou.

Galesia 2:1

Ngadong la lama tobor songotno apanal mela yagos deka ngong imorwo Barnabas imala ke Jerusalem blang. E ngadue Taitus e iye la kap imi.

Efesus 3:1

Ngong Pol nganapapra Ida Tapolngon ila omon itau ke umu ka osep Yuda ina kovok. Deka osep Yuda ina leklou aitno lisak engil lokono ke ngong ine e tidue ngong ngadong ke kalabus ane. Ngadong ine e ngawai itau ke Ida Tapolngon ma iye lua umu.

Efesus 6:12

Itekere ite itau lokono kesua itodong itodue evlei ke ida oul ka isak osep kovok. Aurou. Oku ane langka aivoro lokono e itodong itodue evlei ke Satan e angelo soulu. Itodue evlei ke angelo soulu leklou ka tivri mgo e angelo soulu leklou ka tiplau angelo soulu ka pula e angelo soulu leklou ka urok arit ombatno.

1 Tesalonaika 2:16

E tiwaiki tidangdang imi alo ka imawaiki imanapapra omon itau ke osep ka isak osep Yuda ina kovok. E umeile omon tonari karanga lua isak ke urok elio epmes ina. Deka aling aling osep tonari tidue elio epmes ina deka urok elio epmes ina res polou omba lokono. E eknikane Ida Tapolngon aitno ila engil polou lisak e ma ngen isak.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

2 Timoti 1:11

Ida Tapolngon rere ngong ila aposel gesa ma nganapapra ila omon itau e ngaparere osep ine.

Hibru 2:14

Osep tonari ka Yesus wai ine isak osep vala. E Yesus me polou langka itosep ma iye mete e ina metengen due Satan ila arit ka due osep timete polou yagos.