Galesia 1:13 - Aria New Testament

¹³ Umoklingen pelengon ko-dong ke elio ka oglou ngadue. Umeile ngadidi osep Yuda ina inarak apu lokono e ngadue agegeng ke Ida Tapolngon ila osep. E ngadue agegeng omba ke sios.

Galesia 1:13 ပူးပေါင်းရင်းမြစ်များ

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

Aposel 8:3

E Sol aitno amnga iye lokono ke osep ka aitno lisak dagar ke Yesus e iye waiki due agegeng ke isak keniye. E iye la ke urok ninu kene kene deka kis osep arang e apmang dagar e due isak kla tisep ke kalabus deka tidong ine.

Aposel 9:21

Ari osep ka tiklingen ila pelengon tidigrik ine e tiwai langane. “Oglou gute ane due agegeng ke osep ka tisir Inarak Puda Yesus ka tidong ke Jerusalem. Deka oku ane iye me ke armok ane ma iye pou osep ka aitno lisak dagar ke Yesus deka paur isak ke osep loulou ina ka omba.”

Aposel 9:26

Sol songon Damaskus deka duru la ke Jerusalem e waiki neklep ke Yesus ila disaipel e tiulou tarna lisak ke iye. Tiulou tarna lisak ke iye kesua aitno lisak mter iye yak isak e didi Yesus kovok.

1 Korin 10:32

E umodue elio gesa ka due osep Yuda ina koke osep Grik ina koke Yesus ila osep aitno lisak soulu ke umu sakam.

1 Korin 15:9

E osep aposel leklou timole ngong. Kesua oglou ngadue agegeng ke Ida Tapolngon ila osep. Deka osep tikaranga tisir ngong aposel kovok.

Filipai 3:6

Ngaboko engil ma ngawaiki ngadue Ida Tapolngon ila bokongon deka ngadue agegeng ke Yesus ila osep. Deka langka osep tididi Moses ila sogongon e tiwade lou elio isuk isuk ma tile lou elio vri ke ngong kovok.

1 Timoti 1:13

Lokono. Oglou aling aling ngawai soulu ke iye e ngadue agegeng ke ila osep e ngawai sasi ke iye. E dau iye ile ngadue elio tonari kesua ngaile iye kovok e aitno lungong dagar ke iye kovok. Deka aitno due ngong.

1 Timoti 1:14

E Ida Puda Krais Yesus makai ngong omba lokono. E iye sruk aitno lungong ma aitno lungong dagar ke iye. E iye due aitno lungong la ke osep leklou blang.