Galesia 1:10 - Aria New Testament

¹⁰ E aitno lumu lange? Pele-ngon ka eknikane ngawai ine ma lange? Ngawaiki ma osep aitno lisak itau ke ngong koke ngawaiki ma Ida Tapolngon aitno itau ke ngong? Koke lange? Ngawai dikngen ke umu vala? Umoklingen. Langka ngawai dikngen ke osep ngong Krais ila gute bokongon ina kovok.

Galesia 1:10 ပူးပေါင်းရင်းမြစ်များ

Matyu 22:16

E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Matyu 28:14

E langka gute ka vri mgo ke osep Rom ina ke omur ane klingen ke elio ane ma imawai ke iye e imomosi pelengon ine ma wan gesa polou ke umu kovok.”

Matyu 6:24

“Gute karanga boko ke osep orwo urok bokongon ke aling kene kovok. Aurou. Ma aitno itau ke gute kene e aitno soulu ke gute silang koke iye klingen gute kene ila pelengon e pli gute silang ila pelengon. Umakaranga umoboko ke Ida Tapolngon ila bokongon e umoboko ke mani ke aling kene kovok.”

Aposel 12:20

Ari Herot aitno engil lokono ke osep Tair ina e osep Saidon ina. Deka tiduni pulu e tipolou ke Herot bitna e tipmi iye ma aitno epen ke isak. Mgongon tiwai ke gute Blastus ka plau Herot ila ninu ma iye wai dikngen ke Herot. Tiwaiki Herot aitno epen ke isak kesua ke tobor aling aling tikli inarak ngangon ke omur ka Herot vri mgo ine.

Aposel 5:29

Deka Pita gosok osep aposel tiwai langane. “Eknikane lumu pelengon para pulu ke Ida Tapol-ngon ila pelengon deka imedidi Ida Tapolngon ila pelengon vala e imedidi osep aitno lisak kovok.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Pas ka Pol sogoe uti la ke osep Rom ina 2:8

E osep ka aitno lisak vri ke isak e tipul dogur ke elio itau e tidue elio soulu vala ma Ida Tapolngon aitno engil ke isak. Ma aitno engil lokono ke isak e ila wadengen ma due isak.

1 Korin 10:33

Umakana lou elio ka ngadue. Aitno lungong vri ke ngong kovok e ngadue wan gesa ka lua ngong tona vala kovok. E aitno lungong vri ke osep ka pula keniye e ngawaiki ngadue elio ka aitno lisak itau ine. Kesua ngawaiki ma Ida Tapolngon lua osep pula.

2 Korin 12:19

Aitno lumu lange? Imosogo pelengon ane ma imomosi limem elio ke omtomu? Aurou. Imi Krais ila osep e imawai pelengon ane ke Ida Tapolngon bitna. Sipmi. Imi lana imi ke umu e imawaiki aitno lumu ila dagar dong dagar.

Efesus 6:6

Umoboko engil ke upu gute ila bokongon aling ka pula keniye. Umoboko engil lama iye karanga vati umu koke iye karanga vati umu kovok. Umodue elio langane kesua umu Krais ila osep bokongon ina. Deka umoboko engil ke upu gute ila bokongon eriar langka Ida Tapolngon waiki umodue.

Filipai 1:1

Ngong Pol imorwo Timoti imi Krais Yesus ila osep bokongon ina. E imosogo pas ane uti la ke umu ka Krais Yesus ila osep ka umodong ke armok Filipai kap osep plaungan ina e osep luangan ina ka tilua Ida Tapolngon ila osep.

Kolosi 3:22

Umu ka wokboi nating umeini upu puda urok pelengon keniye. Umoboko itau alo ka tikaranga tivati umu vala ma aitno lisak itau ke lumu bokongon kovok. Aurou. Umoboko itau lama tikaranga tivati umu koke tikaranga tivati umu kovok. Aitno lumu kene ke urok pelengon e umeinie itau. E ke elio langane umodue anit ke Ida Puda.

1 Tesalonaika 2:4

E Ida Tapolngon tok imi deka aitno itau ke imi e iye kar imi bokongon ka imanapapra omon itau ke umu. E aitno limi langka imanapapra omon itau ma imodue osep ma aitno lisak itau ke imi kovok. Aurou. Ida Tapolngon wade aitno limi e imawaiki ma aitno itau ke limem bokongon vala.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.

1 Jon 3:9

Gute gesa ka Ida Tapolngon due polou ila gute due elio epmes ina aling aling kovok. Kesua Ida Tapolngon ila elio dong ke iye kodong e iye karanga due elio epmes ina aling aling kovok kesua iye Ida Tapolngon ila gute.