Filipai 4:9 - Aria New Testament

⁹ Ngaparere umu ke pelengon pula e umekis dagar ine kodong. Deka ngawaiki umedidi pelengon ka oglou umoklingen ine ke ngong e ka umavati ngong ngadue. Umodue langane deka Ida Tapolngon ka due aitno lite epen ma dong kap umu.

Filipai 4:9 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Matyu 7:21

“Aitno lumu mter langane kovok. Osep keniye ka tisir ngong Ipem Puda ma tisep ke omur heven ka Ida Tapolngon plaue. Aurou. Osep ka tini Livou ka dong ke omur heven vala ma tisepe.

Luk 6:46

“Umawai ke ngong langane. ‘Puda Puda.’ E dau umedidi lou pelengon kovok.

Luk 8:21

E Yesus koli wai langane. “Nina e ngau saiver isak osep ka tiklingen Ida Tapolngon ila pelengon e tididie.”

Jon 13:17

Langka umeile omur ke lou pelengon tonari e umedidie ma Ida Tapolngon due aitno lumu itau itau.”

Jon 15:14

Langka umeini e umedidi wan ka ngawai dagar ine deka umu lou saten.

Jon 2:5

E Yesus tna wai ke osep bokongon ina langane. “Wan ka iye wai ke umu ine umodue.”

Aposel 9:6

Emtito amla emsep ke Damaskus deka ma gute gesa palongo lem ke elio ka ma omdue.”

Pas ka Pol sogoe uti la ke osep Rom ina 15:33

Ngapmi Ida Tapolngon ma iye due aitno lite tidong epen pulu. E iye dong kap umu ka pula keniye. Lokono.

Pas ka Pol sogoe uti la ke osep Rom ina 16:20

Deka Ida Tapolngon ka due aitno lite tidong epen ma paiavu Satan ma ila arit yagos. Ma iye karanga due elio soulu ke umu kovok. Ma umomole iye vala. E ngawai ke Ida Tapolngon ma Ida Puda Yesus Krais ila makaingan dong ke umu.

1 Korin 10:31

E langane. Langka umangen ngangon koke umeinim aki koke umodue wan silang blang ma umakakai Ida Tapolngon angaine ine.

1 Korin 14:33

Ida Tapolngon ma due wan bitna bitna ulik ulik kovok. Iye waiki ma ite ka pula keniye aitno lite itau pulu. Alo ka Yesus ila osep tiduni pulu ke duningen apmang ma tiwai kovok. Ma tidong vala. Yesus ila osep ka tiduni pulu ke omur omur tidue langane. E apmang ma plau duningen kovok. Kesua Moses ila sogongon wai ine.

1 Korin 4:16

Deka ngawai dagar ke umu ma umavati lou elio e ma umakana ngong.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

Filipai 3:17

Sipmi. Ma umakana lou elio bitna bitna ka umavati ngong ngadue. E umavati elio ke osep ka tididi limem elio e umakana isak blang.

Filipai 4:7

Alo ka Ida Tapolngon due aitno lumu dong epen elio are wan ka itau lokono e itosep itakaranga iteile ine kovok. Ida Tapolngon due aitno lumu dong epen e elio ane plau aitno lumu.

1 Tesalonaika 1:6

Umodue Ida Tapolngon ila omon itau deka osep tidue elio soulu bitna bitna ke umu. E dau umakana limem elio e Ida Puda ila elio e Ano Itau sruk aitno lumu ma aitno lumu neser ine.

1 Tesalonaika 2:14

Sipmi. Agegeng polou ke umu eriar langka polou ke Ida Tapolngon ila osep ka tineklep ke Yesus Krais ka tidong ke omur Judia. Lumu osua tidue agegeng ke umu langka osep Yuda ina tidue ke Ida Tapolngon ila osep ka tidong ke omur Judia.

1 Tesalonaika 5:23

Ngawaiki Ida Tapolngon ka due aitno lite epen due umu umopolou itau lokono. E ngawaiki iye kere anmu e aitno lumu e pampamu lumu ma umodong itau lokono. E ma elio soulu gesa vri ke umu kovok alo ka Ida Puda Yesus Krais bauluk me.

2 Tesalonaika 3:4

Ida Puda due imi ma imeile langane. Umodue elio ka pula keniye ka imawai ke umu ine ma umodue. E mase aling aling ma umodue langane blang.

2 Timoti 4:22

Ngawaiki ma Ida Puda dong kap anwom e ngawaiki ila makai-ngan dong kap wom.

Jems 1:22

Umoklingen Ida Tapolngon ila pelengon e umemeit ine. E umoklingen ine vala kovok. Kesua langka umoklingen ine vala umakaranga umayak umu ine.

2 Pita 1:10

Sipmi. Ida Tapolngon gi umu e rere umu ila osep kodong. Deka umu arit umu ma umodue elio isuk isuk ka itau ma umeile omur Ida Tapolngon rere umu ila osep umu. Langka umodue langane ma umopul dogur ke iye kovok.

1 Jon 3:22

E langka itepmi Ida Tapolngon ke wan bitna bitna deka iye koli udo pmingen. Iye due langane kesua iteini ke ila pelengon e itodue elio isuk isuk ka aitno itau ine.