Filipai 4:8 - Aria New Testament

⁸ Sipmi. Ngawaiki ngawai ke umu sasi boto blang deka lou pelengon yagos. Ngawaiki aitno lumu mter ke elio ka lokono vala e elio ka osep tidue anit ine e elio ka osuk ke osep amtarsak. E elio ka Ida Tapolngon aitno itau ine e elio ka due osep lana isak pulu e elio ka osep aitno lisak itau ine. Aitno lumu mter ke elio ka itau lokono e elio ka due osep aitno lisak itau ine.

Filipai 4:8 ပူးပေါင်းရင်းမြစ်များ

Matyu 22:16

E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Mak 6:20

Kesua gute Herot due anit ke Jon e iye ile Jon iye gute ka dong itau e osuk ke Ida Tapolngon bitna e ila elio isuk isuk keniye itau vala. Deka iye plau Jon itau lama elio soulu polou ke iye. Alo ka gute Herot klingen Jon ila pelengon aitno mter pula ine. E dau iye waiki klingen Jon ila pelengon.

Luk 16:15

E Yesus wai ke isak langane. “Umu osep ka umawaiki osep tivati umu langka umu osep itau lokono e dau Ida Tapolngon ile aitno lumu. Wan ka osep tivati langka wan ka itau lokono Ida Tapolngon vati wan tonari langka wan ka soulu lokono.”

Luk 2:25

Alo ari gute dong ke Jeru-salem ka angaine Simeon ka dong itau e osuk ke Ida Tapolngon bitna e iye lotuim Ida Tapolngon. E Ano Itau dong ke iye e iye dong para ke alo ka gute ka Ida Tapolngon rere ma iye due elio ka opru osep Israel ina isak yagos iye polou.

Luk 23:50

E ari gute kene dong ka angaine Josep. Iye me ke armok Arimatea ka dong ke omur Judia. E iye gute kaunsil ina ka ila elio itau e osuk.

Jon 7:18

Gute ka didi aitno e wai ila pelengon due langane ma osep tikakai angaine tito. E gute ka waiki kakai gute ka pagei iye me angaine iye wai pelengon lokono vala e yakyak kovok.”

Aposel 10:22

Deka tipalongo Pita ila langane. “Gute Kornilius pagei imi ke wom. Iye gute ka plau osep ola ina buno kene. Ila elio isuk isuk itau e iye due anit ke Ida Tapolngon. Osep Yuda ina ka pula keniye tidue anit ke iye. Ida Tapolngon ila ensel ka itau lokono polou ke Kornilius deka iye wai langane. ‘Ampagei osep leklou ma isak kla tipolou ke gute Pita e tiwai ke Pita ma iye gosok isak tibauluk ke lem ninu ane. Deka emklingen pelengon ka Pita ma kare ke wom.’”

Aposel 22:12

“Ngadong ke Damaskus deka gute Ananaias me polou ke ngong. Iye gute gesa ka didi Moses ila sogongon keniye e osep Yuda ina pula ka tidong ke armok tonari aitno lisak itau ke iye.

Aposel 6:3

Ma umerere sudo arang lumorwo ma tiplau bokongon ane. Umerere osep ka osep leklou tiwai urok elio isuk isuk itau e Ano Itau plau isak e tile omur itau. Deka ma imakar bokongon tonari ke isak.

Pas ka Pol sogoe uti la ke osep Rom ina 13:13

Ma itodue elio itau vala eriar langka osep tidue ke osep ka pula amtarsak langka ke oklou. Ma itekepis kovok. E ma iteinim aki dagar ma amtada balilu kovok. Ma itodue okwa kovok e ma itodue wan ulik ulik kovok. Ma itodue amnga kovok e ma aitno lite soulu ke gute silang kovok.

Pas ka Pol sogoe uti la ke osep Rom ina 13:3

Osep gavman ina tidong e osep ka tidue elio soulu ma tilim ke isak. E osep ka tidue elio itau vala ma tilim ke isak kovok. Aurou. E langka omdue elio itau vala ma emlim ke osep gavman ina kovok. E ma tikakai angain wom ine.

Pas ka Pol sogoe uti la ke osep Rom ina 14:18

E gute ka didi Krais ila elio tonari ma Ida Tapolngon aitno itau ke ila elio e ma osep pula aitno lisak itau ke iye blang.

1 Korin 4:5

Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

2 Korin 13:7

Imawai itau ke Ida Tapolngon ma iye lua umu ma umodue elio soulu kovok. Langka osep aitno lisak itau ke limem bokongon koke aitno lisak soulu ine are wan gesa kovok. Wan ka omba langane. Imawaiki umodue elio itau.

2 Korin 6:8

Osep leklou tikakai angain-mi e osep leklou blang tipes angainmi. Osep leklou tidue anit ke imi e osep leklou blang tidue markan ke imi. Osep leklou tiwai imi osep yakngan ina e langane kovok. Imawai pelengon lokono vala.

2 Korin 8:18

E imapagei limem aten kene kap iye. Sios pula tidue anit ke gute tonari kesua iye boko engil e napapra omon itau.

2 Korin 8:21

Kesua imawaiki imodue wan ka itau e osuk ke Ida Puda bitna e ke osep amtarsak blang.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Efesus 4:25

E umayakyak umu pulu sakam. Umu keniye umawai pele-ngon lokono pulu vala. Kesua ite keniye pampamu lite Krais pampamu ine ka kene. Deka ma itawai lokono pulu.

Efesus 5:9

Osep ka tidong ke bublongon tidue elio ka itau e urok pelengon keniye lokono vala.

Efesus 6:14

Umodong umekere umu itau. Eriar langka gute ola ina pou let ke palma umopou pelengon lokono ke palma lumu. Eriar langka gute ola ina pou wan langka siot kapa ke omun ine umopou elio ka itau lokono ke omun lumu.

Filipai 3:1

Sipmi. Ngawaiki ngababrum lou pelengon ke pelengon ane. Aitno lumu neser ke elio ka umeneklep ke Ida Puda. Pelengon ane ka ngasogoe uti ke umu pelengon oku ina kovok. E ngong opru ngong ma ngasogo pelengon tonari blang kovok. Kesua pelengon ane karanga lua umu langka elio soulu polou ke umu.

Kolosi 4:5

Alo ka umodong airavu ke osep epmes ina umeile umu itau ma umodue elio itau vala. Umodong umaplau umu itau ma umakaranga umodue elio itau ka nis isak ke aitno lumu ila dagar.

1 Tesalonaika 4:12

Umoboko langane deka lumu wan bitna bitna tidong e ma umepmi osep leklou ma tilua umu kovok. E silang blang osep ka tidong dogur ke sios ma tidue anit ke umu kesua lumu elio itau.

1 Timoti 2:2

E itepmi iye blang ke osep ka tivri mgo ke omur omur e ke osep gavman ina blang. E ite ka pula keniye ma itodong itau e aitno lite dong epen pulu. Ma itodue anit ke Ida Tapolngon e itedidi elio itau ka Ida Tapolngon aitno itau ine.

1 Timoti 3:11

Gute tonari esna blang ma aitno mter ke elio itau ma iye due. E iye due adis e kopuk gute silang dogurne kovok. Iye inim aki dagar ma bitna balilu kovok e boko itau ke wan keniye ka iye due.

1 Timoti 3:4

E ma iye plau esna e titno itau ma tiklingen ila pelengon e tinie e tidue anit ke iye.

1 Timoti 4:12

E Timoti. Ngap tobor pula kovok. Deka langka osep tiwaiki tiklingen ke wom kovok are itau kovok. E dau aitno lugom kro ine kovok. Omdue elio itau vala ma osep Kristen tivati lem elio e ma tikanae. Ma omdue elio itau ke lem pelengon e ke lem mosongon e ke elio ka wom lana wom ke osep leklou. E aitno lugom dong dagar ke Yesus e amdangdang pampamu lugom ke elio epmes ina bitna bitna.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

1 Timoti 5:2

E omdue elio itau blang ke apmang ka namor langka omdue ke ngap aiya. E omdue elio itau blang ke apmang belbela langka omdue ke sulup. Aitno lugom mter ke elio silang blang kovok.

Taitus 1:8

Iye due elio itau e kere osep ka time ke ila ninu itau. E aitno itau ke elio bitna bitna ka itau vala. E iye plau iye itau. Iye didi elio isuk isuk ka itau e Ida Tapolngon ila elio bitna bitna vala. Iye ile iye itau lama iye due elio soulu.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Taitus 2:2

Amparere osep arang ka namormor ma tinim aki dagar ma amtarsak balilu kovok. Ma tile isak itau e tididi elio itau vala. E tivri dagar ke aitno lisak ila dagar e ke elio ka isak lana isak ke osep ka pula keniye. E langka wan gesa polou ka opru isak ma tivri dagar ine.

Taitus 2:7

Deka Taitus ke wan ka pula keniye ka omdue ma omdue elio itau ine vala ma osep tivati lem elio isuk isuk itau e tikanae. Alo ka amparere osep amwai osuk vala e omdue anit ke Ida Tapolngon ila pelengon.

Taitus 3:14

Nga-waiki aling aling Ida Tapolngon ila osep tidue elio itau. Elio langka tilua osep ka urok wan isuk boto vala. Ma tidong adai e tidue wan ulik ulik kovok.

Hibru 11:2

Osep ka tidong oglou aitno lisak dagar langane deka Ida Tapolngon aitno itau ke isak ine.

Hibru 13:18

Aling aling umawai itau ke imi ma Ida Tapolngon lua imi. E imeile omur wan gesa vri ke imi kovok e aling aling imawaiki imodue elio itau vala.

Jems 1:27

Langka itedidi Ida Tapolngon aitno e itodue elio isuk isuk ka itau vala ke Ida Tapolngon ka Pmada bitna ma itodue elio langane. Iye waiki itolua agau ka bimsei e apmang sasap batne ke elio ka opru isak. E iye waiki itaplau ite itau ma elio ka taklak ina due ite itopolou amum kovok.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 2:12

Umodong airavu ke osep epmes ina e ngawaiki umodue elio isuk isuk ka itau vala. Umodue elio itau vala e langka tisin elio soulu vri ke umu ma tivati lumu elio itau e ma tikakai Ida Tapolngon angaine tito la egim ke oklou ka iye ma me e wade osep ine.

1 Pita 4:8

Wan ka omba umu lana umu pulu lokono. Kesua langka umu lana umu pulu e supmu leklou tidue elio soulu ke umu ma aitno lumu mter ine kovok.

2 Pita 3:1

Sipmi ka ngong lana ngong ke umu. Pas ane pas orwo ina ka ngasogoe uti ke umu ma omtomu sisir lou pelengon. Ngasogo lou pas ane kesua ngawaiki ngasruk umu ma aitno lumu mter ke pelengon ka oglou umoklingen ine.

1 Jon 3:18

Lou mimi daudeng. Itawai ite lana ite ke osep leklou vala kovok. Aurou. Ite lana ite ke osep ke elio isuk isuk ka itodue e ke pelengon ka lokono.

1 Jon 3:3

Osep keniye ka tipara ke alo ka Krais iding me ma tidong itau lokono vala e tidue elio epmes ina kovok langka Krais dong itau lokono e due elio epmes ina kovok.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.