Filipai 4:6 - Aria New Testament

⁶ Aitno lumu kro ke wan gesa kovok. Aurou. Aling aling umepmi Ida Tapolngon ke wan bitna bitna ka ma lua umu. E silang blang umawai tenkyu ke wan ka pula keniye ka iye due.

Filipai 4:6 ပူးပေါင်းရင်းမြစ်များ

Matyu 10:19

E alo ka tidue umu umevri ke osep amtarsak aitno lumu mter pula ke wan ka umawai koke wan ka umodue kovok. Aurou. Alo ari Ida Tapolngon ma kar lumu pelengon ke umu ka ma umawai.

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Matyu 6:34

E silang blang aitno lumu mter pula ke wan ka ma polou kotu kovok. Kesua alo ka kotu polou ma aitno lumu mter ine. E ke oklou kene kene elio opru ka dong ine karanga ke oklou tonari vala.”

Matyu 6:8

Umodue langka isak kovok kesua Pmomu ile wansua karanga ke umu mgo ke alo ka umawai itau ine.

Luk 10:41

E Ida Puda koli wai ke iye langane. “Marta Marta aitno lugom mter e kro ke wan pula.

Luk 12:22

E Yesus wai ke ila disaipel langane. “Ngawai ke umu langane. Aitno lumu kro ke lumu mosongon e wan ka umangen kovok. E aitno lumu kro ke pampamu lumu e wan ka umetnei kovok.

Luk 12:29

Umekrim ke wan ma umangen koke wan ma umeinim kovok. Aitno lumu kro ke wan tonari kovok.

Luk 18:1

Deka Yesus wai pelengon ano ke ila disaipel ma tile langane. Aling aling ma tiwai itau ke Ida Tapolngon e meingen isak ine kovok.

Luk 18:7

Aitno lumu lange? Ma Ida Tapolngon lua e kere osep ka iye rere isak ila osep alo ka tiwai itau ke iye ke oklou e epmes koke aurou? Ma iye dong tauni deka lua isak koke aurou?

1 Korin 7:21

Umu leklou umodong langka wokboi nating alo ka Ida Tapolngon rere umu? E langka langane aitno lumu kro ine kovok. E langka gute ka plau umu waiki songon umu io umala vala.

1 Korin 7:32

Ngawaiki ma taklak ina wan bitna bitna due aitno lumu kro ine kovok. Gute ka gi kovok aitno dagar ke Ida Puda ila elio bitna bitna. Iye waiki due elio ka Ida Puda aitno itau ine.

2 Korin 1:11

E ma umolua imi alo ka umawai itau ke Ida Tapolngon ke imi. Ma osep pula aitno lisak itau ke kerengen ka polou ke imi batne ke urok pmingen itau ke imi.

Efesus 5:20

E aling aling umawai tenkyu ke Ida Tapolngon ka Pmada kesua batne ke wan bitna bitna ka iye lua umu ine. Umawai tenkyu ke Ida Tapolngon kesua batne ke Ida Puda Yesus Krais dong.

Efesus 6:18

Alo ka Ano Itau due aitno lumu e waiki umawai itau ke Ida Tapolngon ma iye lua umu ke lumu elio isuk isuk deka umawai itau ke iye. E oklou aling aling umeile umu itau e umawai itau ke Ida Tapolngon e umosongon elio ane kovok. E silang blang langane. Umawai itau ke Ida Tapolngon ma iye lua ila osep ke urok mosongon.

Kolosi 3:15

Krais due aitno lumu epen kap iye. E elio ka aitno lumu epen kap iye nis umu ma umeile omur ke elio bitna bitna ka Krais waiki umodue. Kesua Ida Tapolngon waiki aitno lumu epen pulu e iye waiki elio tonari gom umu e umodong langka umu Krais pampamu ine ka kene vala. E aitno lumu itau ke Ida Tapolngon ine.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.

Kolosi 4:2

Aling aling umawai itau ke Ida Tapolngon e umosongon elio tonari polou yagos kovok. Alo ka umawai itau aitno lumu mter itau ke lumu pmingen e umawai tenkyu ke wan ka Ida Tapolngon kare ke umu.

1 Timoti 2:1

E ngawai ke wan ka omdue mgo langane. Amwai ke osep ma itawai itau ke Ida Tapolngon e itepmi iye ma iye lua osep ka pula keniye. E itawai tenkyu ke wan ka pula keniye ka iye kare ke ite.

1 Timoti 5:5

Langka apmang ka sasap batne tidong kensak vala ma apmang tonari tidue elio langane. Ma aitno lisak dagar lokono ke Ida Tapolngon ma iye lua isak e kere isak itau. Deka ke oklou e ke epmes ma tiwai itau ke Ida Tapolngon e tipmi iye ma iye lua isak.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

1 Pita 5:7

Ida Tapolngon aitno mter ke umu deka langka elio opru umu deka umawai ke iye ma iye lua umu ine vala.