Filipai 4:3 - Aria New Testament

³ E lou aten ngawai ke wom ka omlua ngong ke lou bokongon ma omlua apmang orwo tonari blang. Kesua tilua ngong itau ke lou bokongon ka nganapapra Ida Tapolngon ila omon itau ke osep. Isak tigosok gute Klemen e osep leklou ka angainsak dong ke buk ka mosongon ka dong vala dong ina tilua ngong ke omon itau ila napaprangan.

Filipai 4:3 ပူးပေါင်းရင်းမြစ်များ

Luk 10:20

E dau aitno lumu neser kesua angelo soulu tididi lumu pelengon kovok. Aurou. Aitno lumu neser kesua Ida Tapolngon sogo angainmu ke ila buk ka dong ke omur heven.”

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Pas ka Pol sogoe uti la ke osep Rom ina 16:12

Umawai “oklou itau” ke apmang Trifina orwo apmang Trifosa. Isak orwo tiboko engil ma tidue Ida Puda ila bokongon. E umawai “oklou itau” ke apmang Persis. Iye lou aten lokono e ngong lana ngong ke iye. Iye boko engil lokono ke Ida Puda ila bokongon.

Pas ka Pol sogoe uti la ke osep Rom ina 16:9

Umawai “oklou itau” ke gute Urbanus. Iye lou aten lokono ke Krais ila bokongon. E umawai “oklou itau” ke gute Stakis blang. E ngong lana ngong ke iye blang.

Filipai 1:12

Sipmi. Ngawaiki umeile omur wan ka polou ke ngong dangdang omon itau kovok. Aurou. Wan tonari due omon itau la ke osep pula pula.

Filipai 1:16

Osep ka aitno lisak mter itau tinapapra kesua isak lana isak ke ngong e tile ngadong ke kalabus kesua ngapalongo osep langane. Omon itau iye pelengon ka lokono lokono.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 1:5

Aitno lungong neser ke umu batne langane. Ke mgongon lila me ke eknikane umoboko kap ngong ke omon itau ila napaprangan.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

Filipai 4:2

Ngawai dagar ke apmang orwo Yuodia e Sintike langane. Oglou aitno lumu kene pulu kovok e eknikane ngawaiki aitno lumu kene pulu kesua umorwo umeneklep ke Ida Puda.

Kolosi 1:7

Gute Epafras iye napapra omon itau ke umu e umeile ine. Epafras iye Krais ila gute bokongon ina ka itau e iye due bokongon eriar langka imi e imi lana imi ke iye lokono. Iye lua umu e due Krais ila bokongon itau.

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.

Pelengon kukwopngon 17:8

Ongwa kevena ka amvati iye dong ke oglou e eknikane dong kovok e isuk boto ma iye tito ke ovuk ka duru la ke moli lokono e me deka Ida Tapolngon ma due agegeng ke iye ma iye yagos. E osep ka tidong ke taklak ka angainsak tidong ke Ida Tapolngon ila buk ka mosongon ina kovok nogrum ke alo ka Ida Tapolngon due taklak ma tidigrik e aitno lisak mter pula ine. Kesua ke oglou ongwa tonari dong e eknikane iye dong kovok e mase ma iye dong blang.”

Pelengon kukwopngon 20:12

E ngavati osep ka pula keniye ka timete kodong langka angainsak omba koke angainsak omba kovok tidong mgongon ke kova. Deka ensel tiklok buk ka sogongon dong ine ka wai ke elio isuk isuk ka osep tidue alo ka tidong ke taklak. E tiklok buk silang ka mosongon ina ka osep ka tidue mosongon ka dong vala dong angainsak dong ine. Deka Ida Tapolngon wade osep ka timete kodong ke sogongon ka dong ke buk orwo tonari.

Pelengon kukwopngon 20:15

Deka osep ka angainsak dong ke buk ka mosongon ina tonari kovok tiuri isak kla ke eiou ombatno blang.

Pelengon kukwopngon 21:27

E wan ka soulu e osep ka tidue elio epmes ina bitna bitna ka soulu lokono e osep yakngan ina ma tikaranga tisep ke armok tonari kovok. Osep ka angainsak dong ke Sipsip Otno ila buk ka mosongon ina vala tikaranga tisep ke armok tonari.

Pelengon kukwopngon 3:5

“Gute ka mole elio soulu ma ngakaranga ngakar iye klos ka okou langka osep tonari deka ngapi angaine ke buk ke mosongon itau ka dong vala dong kovok. Aurou. Ma ngawai iye lou gute ke Livou bitna e ke ila ensel amtarsak blang.