Filipai 4:22 - Aria New Testament

²² Deka Ida Tapolngon ila osep ka pula ka tidong ane tiwai “oklou itau” ke umu. E lokono osep ka tidue Sisar ila bokongon tiwaiki tiwai “oklou itau” ke umu blang.

Filipai 4:22 ပူးပေါင်းရင်းမြစ်များ

Matyu 5:47

E langka umawai ‘oklou itau’ ke lumu saten vala umodue elio langka osep leklou tidue vala. Osep ka isak osep Yuda ina kovok tidue langane blang.

Aposel 20:38

Osep tonari aitno lisak kro lokono kesua Pol wai ke isak ma tivati iye aling kene blang kovok. Deka isak keniye tipaur iye la ke sip.

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

Pas ka Pol sogoe uti la ke osep Rom ina 16:16

E umu ka Ida Tapolngon ila osep umedidi elio ka umesekan pulu e umawai “oklou itau” pulu. E osep ka pula keniye ka tidong ke Krais ila osua tiwai “oklou itau” ke umu.

2 Korin 13:13

Ngawaiki Ida Puda Yesus Krais ila makaingan e elio ka Ida Tapolngon lana iye ke umu e elio ka Ano Itau due aitno lumu kene pulu dong kap umu ka pula keniye.

Filipai 1:13

Osep ola ina ka tiplau Sisar ila ninu e osep pula leklou tile ngadong ke kalabus ane batne ngadue Krais ila bokongon.

Hibru 13:24

Umawai “oklou itau” ke osep ka tiplau umu e ke Ida Tapolngon ila osep ka pula keniye. E osep ka tidong ke omur Itali tiwai “oklou itau” ke umu.

1 Pita 5:13

Osep ke Ida Tapolngon ila sios ka dong ke armok Babilon tiwai “oklou itau” ke umu. Ida Tapolngon rere isak ila osep eriar langka iye rere umu ila osep. E silang blang gute Mak ka langka erigu wai “oklou itau” ke umu blang.

3 Jon 1:14

Ngawaiki isuk boto ngauti ke wom deka ma itakaranga itawai pulu.