Filipai 4:1 - Aria New Testament

¹ Sipmi. Ngong lana ngong ke umu e ngawaiki ngavati umu kesua aitno lumu la dagar ke Yesus batne ke lou bokongon. Alo ka aitno lungong mter ke umu aitno lungong itau ke umu e aitno lungong neser ke umu. Sipmi. Ngawaiki umevri dagar ke Ida Puda vala.

Filipai 4:1 ပူးပေါင်းရင်းမြစ်များ

Matyu 10:22

E ma osep aitno lisak engil lokono ke umu batne aitno lumu dagar ke ngong. E langka aitno lumu dagar la lama wan ka pula keniye yagos ma Ida Tapolngon lua umu.

Jon 8:31

E Yesus wai ke osep Yuda ina ka aitno lisak dagar ke iye langane. “Langka umedidi lou parerengen umodong lou disaipel lokono.

Aposel 11:23

Barnabas la polou ke Antiok deka iye vati elio itau ka Ida Tapolngon due ke osep tonari e aitno neser ine. Deka iye wai dagar ke isak langane. “Oklou aling aling aitno lumu dagar lokono ke Ida Puda e aitno lumu kene ke iye e aitno lumu orwo ke iye sakam.”

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

1 Korin 16:13

E ma umaplau umu itau e umodong dagar lokono ke aitno lumu ila dagar ka la ke Ida Tapolngon. Ma umodong dagar e ma umoulou tarna lumu ke wan gesa kovok.

2 Korin 1:14

Langka eknikane umeile emkil emkil mase ke oklou ka Ida Puda Yesus iding me ma aitno lumu neser ke imi langka aitno lungong neser ke umu.

Galesia 5:1

Krais due ite itopolou osep ka itodong fri deka itodong moli ke Moses ila sogongon kovok. Aurou. Deka aling aling umevri dagar ine. Ma itosongon osep tidue ite ma itopolou wokboi nating blang kovok.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 1:8

Ida Tapolngon ile ngawaiki ngavati umu lokono e ngong lana ngong omba ke umu langka Krais Yesus lana iye ke umu.

Filipai 2:16

Umodue langane ma uma-karanga umakar isak pelengon ka karanga lua isak ke mosongon ka dong vala dong. Deka alo ka oklou ka Krais iding me ma aitno lungong neser omba ke lumu elio itau ka umodue. Deka ma ngaile lou bokongon airavu ke umu polou adai kovok.

Filipai 2:26

E eknikane aitno kro ke umu e iye waiki vati umu blang kesua umoklingen omon iye paia e aitno kro ke omon ka umoklingen ine.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

1 Tesalonaika 3:13

E ke elio langane Ida Tapolngon ma due aitno lumu dong dagar lokono. Deka alo ka Ida Puda Yesus bauluk me kap ila osep ma iye vati umu umodong itau lokono. Ma umodong itau lokono e lumu elio soulu gesa vri ke umu ke Ida Tapolngon ka Pmada bitna kovok.

2 Tesalonaika 2:15

E sipmi umevri dagar e aitno lumu la dagar ke pelengon lokono ka imaparere umu ine. Pelengon ka imanapapra ke umu koke imosogoe ke pas ke umu kodong. Deka aling aling umekise dagar.

2 Timoti 2:1

Timoti wom langka erigu e ngawai ke wom langane. Emneklep ke Krais Yesus kodong deka ngawaiki ila makaingan due wom ma omdong dagar.

Hibru 10:23

E itapalongo osep ke aitno lite ila dagar e ke wan itau lokono ka itapara ine. Deka itekis dagar ine e aitno lite orwo ine kovok. Kesua iteile Ida Tapolngon didi ila pelengon keniye ka iye wai ine kodong.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

2 Pita 3:17

Sipmi. Ngong lana ngong ke umu e ngawai langane. Umeile elio tonari kodong deka umaplau umu itau lama umedidi osep ka tidar Ida Tapolngon ila pelengon e tipagolgol aitno lumu ke urok pelengon yakngan. E lama umodong dagar ke aitno lumu ila dagar kovok.