Filipai 3:5 - Aria New Testament

⁵ Nina divir ngong sep ke gute Benjamin ila osua airavu ke osep Israel ina. Nina divir ngong deka mase ke oklou lumeklu ina tidue elio ulangngan ina ke ngong. E ngawai pelengon Hibru langka lou seia tiwai ine e ngadidi imi osep Yuda ina limem elio itau lokono e ngong gute Farasi ina.

Filipai 3:5 ပူးပေါင်းရင်းမြစ်များ

Luk 1:59

Deka ke oklou lumeklu ina time ma tiulang mimi e tiwaiki tibaski timla angaine Sekaraia ke iye blang.

Luk 2:21

Oklou epmes lumeklu mela yagos deka tiulang mimi e tibaski angaine Yesus ke iye. Angaine tonari angaine ka ensel wai ke Maria ine alo ka Maria dau somugu kovok.

Luk 5:38

E gute due aki wain oku ina sep ke aki wain tarna oku ina.

Aposel 22:3

“Ngong tona gute Yuda ina gesa e nina divir ngong ke Tarsus ka dong ke omur Silisia. Oglou alo ka ngong dau agau ngame ngadong ke armok ane. E alo ari gute Gamaliel parere ngong itau ke udo seia urok pelengon dagar. Iye due langane la lama aitno lungong polou dagar lokono ke Ida Tapolngon eriar langka eknikane umu blang aitno lumu dagar ke iye.

Aposel 23:6

Ari Pol ile osep leklou isak osep Farisi ina e osep leklou isak osep Sadyusi ina deka iye wai omba langane. “Sipmi umoklingen. Livou iye gute Farisi ina e ngong blang gute Farisi ina. Eriar langka osep Farisi ina aitno lisak dagar langka gute ka mete ano la e mase ma iye poga tito ke ina denga aitno lungong dagar langane blang. Eknikane umesin elio vri ke ngong batne aitno lungong dagar e ngapara ke elio langane.”

Aposel 6:1

Alo ari osep ka aitno lisak dagar ke Yesus tires tipolou pula. Osep Yuda ina leklou ka tiwai pelengon Grik tingurngur ke osep Yuda ina ka tiwai pelengon Hibru urok elio. Tiwai langane. “Aitno limi kro kesua oklou aling aling umolua osep ka inarak ngangon isuk boto e umolua limem apmang sasap batne langane kovok.”

Pas ka Pol sogoe uti la ke osep Rom ina 11:1

Eknikane ngapmi umu lang-ane. Ida Tapolngon pul dogur ke ila osep Israel ina kodong ma isak ila osep kovok koke aurou? Aurou lokono. Ngong gute Israel ina. Ngong Abraham ila napakngan gesa. E ngong gute ke Benjamin ila osua.

2 Korin 11:22

Tiwai pelengon Hibru i? Ngong blang ngawai pelengon Hibru. Isak osep Israel ina i? Ngong blang gute Israel ina. Isak Abraham ila napakngan i? Ngong blang Abraham ila napakngan gesa.