Filipai 3:2 - Aria New Testament

² E umeile umu itau. Kesua osep leklou tidong langka gemle kevena e tidue elio soulu. Osep tonari tiwaiki umebisik tarna lumu.

Filipai 3:2 ပူးပေါင်းရင်းမြစ်များ

Matyu 24:10

E osep pula ma tisongon aitno lisak ila dagar e lai urok pulu e aitno lisak soulu lokono pulu.

Matyu 7:15

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Matyu 7:6

“Umakar wan ka umerere Ida Tapolngon ila wan la ke gemle kovok. Ma tibauluk e tingen umu vala. E umatapre bis ka itau lokono e ka urok klingen omba la ke ovar kovok. Ovar kamsak ma tipes isak ke taklak vala.”

Pas ka Pol sogoe uti la ke osep Rom ina 2:28

Umoklingen. Gute ka didi elio ulangngan ina vala iye gute Yuda ina lokono kovok. Aurou. Gute ka iye gute Yuda ina lokono iye tona aitno dagar ke Ida Tapolngon. Iye tona gute ka Ida Tapolngon ile aitno kodong. E elio ka Ida Tapolngon rere osep ila osep didi Moses ila sogongon kovok. Aurou. Elio ka Ida Tapolngon rere osep didi Ano Itau ila elio vala. Osep ka Ida Tapolngon rere isak tikakai angainsak pulu ine kovok. Aurou. Ma Ida Tapolngon kakai osep tonari angainsak ine vala.

2 Korin 11:13

Osep tonari isak osep aposel lokono kovok. Aurou. Isak osep aposel yakngan ina e tiyak osep ke urok bokongon. E tibisi urok elio ma osep aitno lisak mter isak Krais ila osep aposel lokono.

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.

Galesia 5:15

E langka umu amnga umu pulu e umodue evlei pulu airavu ke umu deka ma umeile umu itau. Lama umu ka pula keniye umodue agegeng pulu.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Filipai 3:19

Osep tonari tidue wan ka pampamu lisak waiki tidue vala. Aitno lisak neser ke wan ka osep pula mnak isak ine e aitno lisak mter ke wan bitna bitna ka taklak ina vala. Osep ka tidue elio langane ma tikluk ke omur hel.

Filipai 3:3

Ite vala Ida Tapolngon titno lokono e itolotuim Ida Tapolngon batne ke Ano Itau ka iye kar iye ke ite. Aitno lite neser kesua iteneklep ke Krais Yesus. E aitno lite mter ke elio bitna bitna ka itakaranga itodue kovok. Aurou.

1 Timoti 1:19

Ke elio langane aling aling ma omdong dagar e ma aitno lugom dagar lokono ke Yesus ma emile langane. Lem elio soulu gesa vri ke wom ke Ida Tapolngon bitna kovok. Osep leklou tile ke elio itau e dau tipul dogur ine. Mase aitno lisak ila dagar dong dagar kovok e isak langka sip ka la nabak sep ke asar.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

2 Pita 2:22

Are langka pelengon ano ka kene ka langane. “Gemle mteke deka iding e ngen ila mtekngen.” E pelengon ano silang langane. “Osep tiris ovar deka suong iye la sabur ke taklak digor.”

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pelengon kukwopngon 2:9

‘Ngaile elio ka polou ka opru umu. E ngaile umodong langka lumu wan isuk boto vala. E lokono lumu wan pula dong para ke umu ke omur heven. E ngaile pelengon soulu ka osep leklou tiwai ine ke umu. Osep tonari tiwai langane. “Imi osep Yuda ina.” E isak osep Yuda ina kovok. Aurou. Isak Satan ila osua vala.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.

Pelengon kukwopngon 3:9

Umeile kodong langane. Osep ka Satan ila osua tiwai isak osep Yuda ina. E isak osep Yuda ina kovok. Isak osep yakngan ina vala. Deka umoklingen. Ma ngadue osep tonari ma time tigrum kamsak ke omtomu ma tile langane. Ngong lana ngong ke umu.