Filipai 3:18 - Aria New Testament

¹⁸ Deka ngawai ke umu blang ke pelengon ka oglou ngawai ine aling pula. E aitno lungong kro ine e ngakngis omba. Lou pelengon tonari langane. Osep leklou aitno lisak engil ke elio ka Krais mana ke ina akai e mete ine. Urok elio nis ite isak Krais ina oul.

Filipai 3:18 ပူးပေါင်းရင်းမြစ်များ

Luk 19:41

Alo ka Yesus polou olwo boto ke Jerusalem e vati armok iye kngis ine.

Aposel 20:19

­Lama osep Yuda ina tiwaiki tidue agegeng ke ngong e ngakngis pula ine dau ngaboko Ida Puda ila bokongon e aitno lungong mter ke ngong kovok. Aurou.

Pas ka Pol sogoe uti la ke osep Rom ina 9:2

Ngawai lokono e aitno lungong kro lokono e aitno lungong soulu lokono ke lou osua osep Israel ina.

1 Korin 1:18

E langane. Osep epmes ina urok elio vri ke isak e aitno lisak mter Krais ina metengen langka wan adai. E osep ka Ida Tapolngon lua isak tile elio tonari Ida Tapolngon ila arit ka lua isak.

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

2 Korin 11:13

Osep tonari isak osep aposel lokono kovok. Aurou. Isak osep aposel yakngan ina e tiyak osep ke urok bokongon. E tibisi urok elio ma osep aitno lisak mter isak Krais ila osep aposel lokono.

2 Korin 11:29

Langka gute gesa aitno ila dagar yagos aitno lungong kro ine. E langka gute kene due gute silang iye due elio epmes ina aitno lungong engil ke gute tonari ka due gute gene.

2 Korin 2:4

Alo ka oglou ngasogo pas ke umu aitno lungong soulu e kro lokono e ngakngis ine. E dau ngasogo pas tonari ma aitno lumu soulu ine kovok e ma umeile omur ngong lana ngong omba ke umu.

Galesia 1:7

E omon itau silang dong kovok. Aurou lokono. Osep leklou tinak aitno lumu e tiwaiki tipalele Krais ila omon itau.

Galesia 2:14

Alo ka ngavati isak tididi pelengon lokono ka omon itau kovok ngawai ke Pita ke osep amtarsak langane. “Wom gute Yuda ina e dau emdidi elio langka osep ka isak osep Yuda ina kovok e wom tona emdidi osep Yuda ina inarak apu kovok. E ina lange amwaiki ampagei osep ka isak osep Yuda ina kovok ma tididi osep Yuda ina inarak apu?”

Galesia 2:21

Ngawaiki ngadue Ida Tapolngon ila makaingan polou langka wan adai kovok. Aurou. Langka Moses ila sogongon ka-ranga due ite itopolou itau ke Ida Tapolngon bitna deka Krais mete adai vala.

Galesia 5:21

E aitno lisak nevlik ke osep ka tidong itau e tinim aki dagar ma amtarsak balilu e tikepis ke rogo omba e elio bitna bitna langane. Oglou ngawai lumu kodong deka eknikane ngawaiki ngawai ke pelengon tonari blang. Osep ka pula keniye ka tidue elio langane ma tikaranga tisep ke omur ka Ida Tapolngon plaue kovok.

Galesia 6:12

Umoklingen. Osep ka isak arit isak lokono ka tidue elio ulangngan ina ke umu tidue langane kesua tiwaiki tikakai angainsak ke osep leklou amtarsak. E tidue langane kesua tiwaiki osep leklou tile langane kovok. Aitno lisak dagar ke Krais ka mete ke ina akai. E tiwaiki osep tidue agegeng ke isak ine kovok.

Galesia 6:14

Ngong tona ngakaranga ngakakai angain ngong kovok. Aurou. Ngakakai Ida Puda Yesus Krais angaine vala. Iye mete ke ina akai e aitno lungong itau ke elio langane. E elio ka taklak ane ina iye mete ke aitno lungong kodong batne ke bokongon ka Krais due ke ina akai. E langka ngong tona ngamete kap Krais ke ina akai deka ngakaranga ngadidi elio ka taklak ane ina kovok.

Efesus 4:17

E ngawai dagar ke umu ke pelengon ane kesua batne Ida Puda dong. Umodue elio epmes ina bitna bitna eriar langka osep ka isak osep Yuda ina kovok tidue sakam. Kesua tididi aitno lisak ka kaka lokono vala.

Filipai 1:4

E aling aling alo ka ngawai itau aitno lungong neser ke umu e ngawai itau ke umu.

1 Tesalonaika 4:6

Umu ma umodue elio soulu ke sudo ka Kristen ke elio tonari kovok. Oglou imawai dagar ke umu ke elio tonari langane. Ida Puda ma koli batne ke osep ka tidue elio soulu langare.

2 Tesalonaika 3:11

E eknikane imeklingen omon ke supmu leklou tidue bokongon kovok e tidong adai vala. E tilila adai vala e tiwaiki tile ke osep leklou urok wan vala.

2 Pita 2:10

E lokono iye ules osep ka tididi pampamu lisak e tidue elio isungon ka soulu lokono e osep ka tiwaiki tini Ida Tapolngon ila pelengon kovok. Osep parerengen yakngan ina ane tiwaiki tikakai isak tona angainsak e tiwaiki tididi aitno lisak vala. Tiwai soulu ke ensel ka omur heven ina e tiulou tarna lisak ine kovok.

Pas ka Jut sogoe 1:13

E isak langka misuon ina boitini ka omba. Tidue elio soulu e isak mnak isak ke urok elio kovok. E isak langka misuon ina boitini omba ka nokul nokul e buswok polou. E silang blang isak langka gigimo ka kla ulik ulik ke sirva. Deka Ida Tapolngon rere isak ma tidong ke omur ka aivoro lokono dong vala dong.