Filipai 3:13 - Aria New Testament

¹³ Sipmi. Aitno lungong mter langka ngadong itau langare dau kovok. E aitno lungong kene vala langane. Aitno lungong mter ke wan ka oglou ngadue kovok e ngong arit ngong ma ngadue wan itau ka mase ma polou.

Filipai 3:13 ပူးပေါင်းရင်းမြစ်များ

Luk 10:42

E dau wan kene vala omba e Maria aitno mter ke wan are. E osep ma tikaranga tipi wan are ke iye kovok.”

Luk 9:62

Deka Yesus koli wai ke iye langane. “Gute ka due yage e kul taklak ke namngan e dau bitna la ke dogurne iye karanga due ila bokongon itau kovok. Eriar langane ke Ida Tapolngon ila bokongon. Gute ka waiki due Ida Tapolngon ila bokongon e dau aitno mter ke wan silang iye karanga due bokongon itau ke omur ka Ida Tapolngon plaue kovok.”

2 Korin 5:16

Ke oglou itawade Krais ke ilengen ka taklak ina e oku ane itawade iye langane kovok. E silang blang oku ane itedidi ilengen ka taklak ane ina e itawade osep ine kovok. Aurou.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

Filipai 3:12

Ida Tapolngon waiki ito-polou itau lokono. E ngapolou langane dau kovok. Aurou. E ngong arit ngong ma ngadue prais eriar langka Krais Yesus due ngong ngapolou ila gute.

Filipai 3:8

E silang blang langane. Aitno lungong mter wan ka pula keniye ka oglou ngadue isak yagos la kodong. E elio ka ngaile Krais Yesus iye Ngau Puda are wan ka omba e mole wan ka pula keniye. Deka aitno lungong mter elio ka oglou ngadue isak wan adai e langka tokonkon. Kesua ngawaiki ma ngadong kap Krais.

Hibru 6:1

Deka langane. Ma imawai ke umu ke Ida Tapolngon ila pelengon ka dagar vala. Ma imawai ke umu ke pelengon mgo ka la ke Krais kovok. E ma imawai ke umu ke elio ka langane blang kovok. Elio ka umabauluk aitno lumu ke elio bitna bitna ka tikaranga tilua umu kovok e elio ka aitno lumu la dagar ke Ida Tapolngon. Langka imawai ke umu blang ke elio tonari ane langka gute sin kadangdanga aling pula e dau uri ninu ine kovok.

2 Pita 3:8

Sipmi. Ngong lana ngong ke umu e ngawaiki aitno lumu mter langane. Ida Puda vati oklou kene vala eriar langka iye vati tobor 1000 e iye vati tobor 1000 eriar langka iye vati oklou kene vala.